اباكبر .................... <<< ترحيب اندنوسي
الله يفللكم بالرضى والعافيه يالربع
هذي سالفتن معترضه طرت علي مشوين
مره وانا بالمتوسطه التفت لخويي المهايطي اللي جنبي وقلتلوه حليت الواجب
قال : على شحم
وهي تقفل اخلاقي وانا ادير مسمعوه بلي مخمس وهي تقبس بالفصل ويجينا المدرس ويودينا للإداره ...
ويوم عرف المدير السالفه وهو يضحك ويراعيلي قال يالجثري على شحم كلمه طيبه ماتزعل والشحم للطيبين ....
وانا اتهول قلت لو اقولك ماتزعل ؟؟؟
قال لا ماازعل بس لاتقوله لي !!!
وهالحين يلله اعتذرو من بعضكم وحنا نتصاحب انا وخويي ولاكان شي صار ... ياحليلنا اول
الوكاد بنفس اليوم وانا بالبيت يمار امي تصوتلي وهي بالمطبخ تقول ياوليدي رح للبقاله وجبلنا لبن بنفس هالحزه يمار ابوي قدامي يبي يدخل البيت ويسمع حتسي امي
عاد انا ابعلم ابوي اني اغلي امي وانه طيبه قلت طيب (على شحم) والابتسامه تعلو محياي وهي تطير عيون ابوي ...
وانا الى هالحين مبتسم
وهو يلوحن اكالبقس يمار انا ابنط بالمغاسل وهو يرفعن فوق ويضربي على الارض وانا مادري وش بلاوه ...
احسبنوه يمزح معي مزح ثقيل اثريه هي نيتوه وهو يقوم يلزخن يوم دريت انا ان السالفه صدز وانا ادزند ولي جعير منقهر لان ابوي مافهم وش السالفه
وابوي يقول هذي اللي ربتك وغسلت حويجاتك يالمروح <<< تقل منقهر ابوي ان امي كانت تنضفن ...
الوكاد وهو يجي اخوي التسبير بهالحزه وهو يفكن من ابوي وانا انحاش برا البيت يم عمامي واتعزبهم يومين يما اعطونن الامان بالبيت وانا ارجعلهم ....
وهالحين يالربع يامننا قلطنا على لنا عشى وشفت شحمة الذبيحه وابوي حولي احس ان ودي ابتسي , ومره مابقى على الصحن الا انا وابوي وهو يراعيلي وانا اقوم انشق خخخخخ.....
ووالله لو يجي واحد ويكتب بالرد على شحم اني الا اخربه معوه واشتكيه عند ابو سلطان
وتري مكاسي للجميع
رد مع اقتباس
المشاركة الأصلية كتبت بواسطة واحد شقردي
المفضلات