السلام عليكم ورحمة الله وبركاته
يالربع ياحظ أبن فطيس يقول
الضيقة ألي دايمن تالي عصير
وش حيلتي و أردها لا تجيني
هالمروح كل يومه فال والدينه و لا جا العصر تضايق
كش عليه
وشو ألي يضايقه هو و حتسيوه ألي تقل مزكم
الخايس كل هالقنوات و الجرايد تبي تحط صورته
و شاعر المليون و لا جاوه من أمير قطر ملايين
و كل البنات وده يحبهن علشان يقصد بهن قصيدة
و يقول أنه متضايق ضاقت عليه بقعا
البلا أنا لا مال و لا جمال و متضايق مو بس العصر
لا الصبح متضايق من الدوام
الظهر متضايق من الدوام
و العصر متضايق من الدوام ( دوامي من 8:30 لين 6:00 )
يالربع تقل من هالعمال ألي يبنون
نكمل بقية جدولي اليومي
المغرب أرجع هلكان من الدوام للبيت و نفسيتي زفت و متضايق
أغط لي شوين لين العشا
و أروح للأستراحة بالله يعني أسمها أستراحه يعني الواحد يروح يرتاح فيها
يفضي عن نفسوه شوين يريح من الهموم و الضيقة ألي كاتمه نفسه
بالله وش تتوقعون الواحد يلقا بالأستراحة
سيجد حتما
الشبث + الجثري + واحد شقردي
واحد معوه ورقة بلوت و الثاني معه القلم و الثالث معه الدفتر
و من تقبل عليهم و أنت مرسوم على محياك علامات الحزن والضيق
تنتظر منهم واحد يقول
(( أنا أحس أنك متضايق ليه عسى ماشر وش فيك )) ؟؟؟
لا تلقا واحد منهم ينط يقول يا عيال أبشروا هذا الرابع جا يله خلونا ناخذ طقة بلوت
ألا أقول يا حلولات من طقكم بس
ترا الكلام ألي جاي هالمرة جد
المشكلة الواحد متضايق محد يحس فيه
و الله بلشة
تمر
أيام
و
ليالي
و
أسابيع
و
أشهر
و
سنوات
و الأمر كما هو
و المشكلة تبي فلوس تهج من اهلديرة التعبانة و الأشكال الخايسة
( الشبث + الجثري + واحد شقردي )
مافيه
تجي عاد ضيقة الأقساط و الفواتير و الديون و راعي المغسلة
و البقالة و الحلاق يعني مررررررررررررة محاصر من كل الجهات
و تبدأ عملية الضيقة بالتدوير
و أعادة الأسطوانة المشروخة
حتى بالليل وقت النومة الواحد يتضايق يقعد الواحد تقل ضب
بس يتقلب بفراشه لين تندبل تسبده و يقوم يعثور من هالدخان
تقل سعيرة كفرات تريلة
و لا تزين النومة ألا لا جا المذن
سبحان الله مهو كل ليلة أقعد اهوجس و اقول خلاص لا جا المذن
أصلي و أنام و من يذن أبد ما أفطن لروحي ألا أنا نيم من صيد أمس
و أبقا كل يومي أتنهد و أنفاسي حارة تقل تنين متغدي مع هنود
و حارقين لهاته من الشطة بس لوه نفيخ
تحس بحرارة غير طبيعية مع الضيقة
و يبدا يومك كالمعتاد ضيقة بالدوام من الصبح لين عقب العصر
و يكملونها الثلاثي الكوكباني
( الشبث + الجثري + واحد شقردي )
ودي أتعرف على ناس غيرهم بس مقدر أخليهم تعودت عليهم
صاروا جزء من حياتي
أجس أنهم هم سبب الضيقة
بس الشكوى لله
خلاص مقدر أكمل
أحس بحرارة يأنفاسي
الظاهر الضيقة قربت
و جوالي يدق من اليوم
و ماغيرهم
يا الثلاثي الكوكباني
و لا راعي المغسلة أو البقالة أو الحلاق
يبيني أسدد باقي الفلوس
معليش لا تتضايقون مني
أهم شي أنتم مستانسين ؟؟؟
رد مع اقتباس
المفضلات