هذي مشاوير الغلا هاك شفها
......كني حمامة شوق .. ويديك عشـّي
الحاجه اللي جيت أبيك تعرفها
......ما قلتها لك .. وانت ما قلت وشّـي ؟؟
هذي مشاوير الغلا هاك شفها
......كني حمامة شوق .. ويديك عشـّي
الحاجه اللي جيت أبيك تعرفها
......ما قلتها لك .. وانت ما قلت وشّـي ؟؟
شكواي لحظه .. كنها يوم جنبك
.................ويوم إرتياحك كان لحظه بجنبي
إن خنتني مرّه .. فأنا أقول: "ذنبك" !!
............وإن خنت مرّه ثانيه صار "ذنبي" !!
.
الليل كان أجمل الأشيـا وكـان الوحيـد
...................اللي يجمّـع طفولتنـا وطيـش الشبـاب !!
أيام ما كانت لنا الأيـام كـل يـوم عيـد
....................نمشي على الأرض ويدينا تفض السحاب!
يومي لمحتك ياساره مقبلـه مـن بعيـد
...................لمحت معك الهنا لني ماعـرف العـذاب !
طايش واحسب الهوى هاتف وساعي بريد
...................لحظـه مواعيـد تتبعهـا ليالـي.. غيـاب ..
وبعد انسرقت وبدا عمري معك من جديد
...................بديت اسرح واهوجـس..وآتعلـم عتـاب
قلتي طفل واعترفت اني طفل من قصيـد
..................نادت له يدينك الحلوه ورق.. واستجاب!!
عندما . . . . ل ا أ د ر ي !!
عاد وان رحت ذا الليله وضل المكان
والدقايق تمر اشبه بمشي السنين !
خايف ابقى هنا واجلس بليا أمان
وخايف الحْقْك وآضيع طريقك منين!؟
وانت يوقف مع شعوري بوجه الهوان
والا خذني معاك ابدون متقول..وين!
ماخبرلي حبيب الا انت في هالزمان
وانت احس انك بدوني غريب وحزين!
وهذا انا مثل نبتة صيف بارضٍ طمان
لاطرقها هبوب ولا روت من معين !!
بين رجوى الوصال وبين ذكرى الحنان
كن مالي مع العشاق حضن ويدين !
اغتربت فبعادك والله المستعان
لين قمت آتلفت عن شمال ويمين!
طيب احتجت..كيف آعاتبك باتزان
والا لاضقت منك اشكي عنادك لمين!؟
كل عذرٍ من اعذارك قبلته عشان
ماتقول اني ازعل منك في كل حين !
وكانك اقفيت ذالليله وضل المكان
هالدقايق تبي تمشي سواة السنين!
اعترفلك بدمعه قبل تسعة شهور
....................ذيك طاحت على شانك وشان النوى !
تدري اني وانا بلحظة بكاي معذور
....................مثل من يخنق الحيه..عشان الدوى !!
اقفي بقلبي مثل مالوقت مقفي
ومثل السفر في سكةٍ مالها رد !
قلبي واعرفه يتبعك يم حتفي
حتى لو انه شايفٍ بالهوى صد !
ياخي تعبت افضح شعوري واخبيه
....................واصد بعيون الغرام..ان تباكت !
لو كل شيٍ بستحي منه..ابديه..
...................ماكان لي شهرين احبك...وساكت!
(( ابتوضا....واصلي ))
اسولف بك على حالي وانا اللي
..................اكنك داخلي واحسبك..تسمع !
تعبت..وقمت ابتوضا..واصلي
...................وحسيتك بجنب القلب. تركع !
ومجدولك على الهدف امتدلي
..................والى مني خذيت انفاس يرجع!
مهيب المشكله لو انت ظلي
..................اجي بظلال..وافارقك واقنع!
ولكن لك سنه وشوي كلي
.................ابفهم وين عنك آروح واطلع!
غلاك يحد عيني لين ادلي
..................اقرب كم ثوبي ....قبل تدمع !
وقبل لاتطيح هالدمعه بملي
..................تلاقفها عيون الناس واجزع !
وارد احكيك لانفاسي وانا اللي
.............احسبك لاحكيت هناك..تسمع !!!
جيت اقول اني قدرت انساك واودع حنيني
والتفاصيل الصغيره شي..وانا شي ثاني!
حلمي بقربك طلع كذبه وهاك المس يديني
كنها ارضٍ تكتسي بالثلج من غيم المحاني!
لاتفكر بينك وبينك وش اللي يعتريني
كلها ليله.. ودمعة بعد..وموادع أماني !!
دمعةٍ من يوم حبيتك وهي برموش عيني
كنها تدري بقرب البعد وتعد الثواني !
رح عساك بخير مع ناسك ومابينك وبيني
خله هنيا..مع الاحزان وانفاس الاغاني !
ادري ان الويل ماهو حب ينثرلي سنيني
البلا حبٍ يجمّعها ويتركها ..تعاني !!
من طرف واحد تكوّن حب..بس اليوم ويني
هالطرف نفسه..جأ ايودعك..يبغى حب ثاني !!
( ............. )
خل الجروح تنام..تصبح على خير
..................لا تنبش قبور الليال.. القديمه !!
لو اجتمعنا يوم..وش كان بيصير ؟!!
..................هذا انت مثلي ..مالامانيك قيمه!!!
من صارت الفرقى سما والأمل طير
.................وانا ادري ان كبار الاحلام..غيمه!
ماكنت خايف نفترق..لننا غير
..................واثر الغدر لايامنا السود شيمه !
من ذقت باسواق المحبه مخاسير
..................وانا اعتبر في راس مالي..غنيمه!
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات