صايرن حربلا هالمنتخب كل يوم يغير لونوه
يالربع
جماهير تحضر بالهبل
والملعب فل ومسكر من العصر
يعني مثال بسيط عندكم انا
كنت اصنف من اجمل المخلوقات على وجه هالارض
بس من كثر الوطنيه اللي لاعنتن جدفي وكل مباراة حاضر من العصر
لعبت الهبايب بواجهيتي
هالحين وجهي لونين
الجهه اليمنى غامقه واليسرى فاتحه ( من جهة الضل )
ليه هاللون
يعني لا حماس ولا مبالاة ولا قمنا ولا قعدنا عندهم
بس سلملي على اسامه هوساوي
يالربع محد يعرفوه نبي نعطيه شمري
ويسوري يتهاوش مع هزوزي بعد وجيه
اجتمعوا فتى العفجه مع راع البنتلي
ونور ابا الخايبات يتمشى على بال اموه مارادونا
والزوري تقل مقعدينوه من النوم بصم الله عليه منخرع
وعبدالغني يدابتس وعلى بالي اوربي
مايدري انوه باتسر ولا عقبوه بالعريجاء هالبخاري
وشهيل
ااه يا شهيل
ههههههه بس احس ان الكوري اللي من جهة شهيل انلهد من كثر الركض
لعن جدفوه شهيل جربع ابوه خخخخخخخخخخخ
وعبدالرحمن القحطاني تقل مشقاتن فخوذوه هكا الليله
ياربي وين اللي كان يركض تقل فشقه
وبالخير يا نايف القاااضي
الحظيظ اللي ماشاف روغت وجهوه
ووليد عبدالله يحمد ربوه ماجاوه دقن زين ولا قسم بالله يخور هو وكرعانوه تقل طير ماء
ولا عاد الشهلوب المعطوب
يالربع هالادمي هذا عليه واسطه
وعليه وجه يقطع المطر
يالربع هو احتياط بفريقوه وشولوه بالينا بوه
مصدقين انوه موهوب ههههههههه
وبالنسبه لسمو الامير صاحب السمو الملكي الامير سلطان بن فهد
اقول انت منت وجه السعد
انت سبب من اسباب وصولنا لهالدرجه
مهو لانك تتدخل بالتشكيله لا ما احطه بذمتي
لكن سمحت لناس يتدخلون بالتشكيله ويلعبون بالمنتخب على كيفهم
ويا صاحب السمو
منتخبنا لم يبحث عن التأهل
بل بحث عن التأهيل
هذا واحد عنده ظروف يضبطون نفسيتوه
وهذا واحد مستواه نازل يضمونوه علشان يرجع مستواه
وتقلدوا تحيتي
رد مع اقتباس
المفضلات