تؤبر تسبدي
من عنده سلف ورده
اثريهم صادزين يوم يقولون الدنيا موووووليه
فمن هالمنطلق خلونا نطهبل لياما الله يفرررررررررررجه
Testing Testing one two three one two three
مضبوط المايك
اجل ادعــــــــــــــــــــــــــــــــــــس
احيانا تجيك فرص وماتستغلها
مدري هو غباء ولا تناحه ولا وش المشكله بالضبط (فرة واحد فوق مخه علامة تعجب)
ايام الدفره والمدرسه كنت افضل جناح ايسر بالفصل
وتخبرون عاد لاعب ومزيون هذا غير اني دافور
فشي طبيعي يحقدون عليه العالم<<< ابوك يالترييــــــــــــش
عاد كان وقته نهاية الفصل الدراسي
يعني موسم الحصاد كرويا و دراسيا
لعبنا النهائي بالمدرسه على شرف مدير مدرستنا << قطعه تقطع اكا الوجه مانفس بي الا هو
ويسنترون العيال ويعطوني الكوره وانا أولي ساقي الى الريح
وأمسك الجناح وادز و أعدي من الأول والثاني الا
قررررررررررربع
عقبه انواع الفلاشات والعصافير اللي تفر فوق مخي
حتى مر علي شريط حياتي
وجهي وانا وابتسي شوي تغير الصوره لكشرتي وسبلتي تدرج
واخر مقطع امي تلحقن تبي تلبسن قبع عشان مايشفن الهوى
وفجأه تختفي الصوره وتقلب الدنيا ظلام
واصحى يمار ابوي متلطم ومتكي على كرسي قدامي << انا احسبه حزين علي اثريه مادرى بي لكن مضروس اكا اليوم
واميمتي تلطم حتى حدى الممرضات الله العالم انه شيعيه راحت تتأكد من التقويم قالت وش عند المهبل عوشروا بدري
انا انبسطت يوم شفتهم كذا قلت ياولد جاك يامهنا ماتمنى
واقول بابا
قالي سم
واقول بابا
قال العز ياطاريا
قلت لو افطس وش يبي يصير لك
فكر قليلا والدهشه تملئ محياه
وقال اسكت يابني
قلت ابي اجبني لو سمحت
طبعا بهالموقف العايله كلهم ساكتين ماتسمع الا صوت صفير الهوى
فقال بني
قلت اخلص علينا يابن الحلال
مافطنت الا اكا العقال اللي يفحط فوق ظهري
واراعي لوووووووه قلت وين راحت بني والدلع اللي مشوين
قال اقول كل هوى والبس ثوبك وخلنا نمشي
بغيت اقوله اصبر شوين غديني اشبك لي حدى هالطرق اللي بالمستشفى
لكن ذليت لا اروووح غلطه
عاد مايمديك تحط رجلك انواع المغذيات
والله وانا البس ثويبي وتحته سروالي البرازيلي << اثريني اروحت بالمستشفى انا وهالسريويل
وركبنا الهمر حقنا جيبنا الـــ 84 << طلبوه اللوفر لكن ابوي عيى يقول انا انسان ماتهمني الماديات الزم ماعلي تراث العائله
عاد انا سمت وجهي قدام قلت غديهم هالمره يدلعوني ومايخلوني كالعاده متكي جنب الاستبنه
والله اني ولفت عليه من كثر ما اتكي جنبه
تسيف اذا ماشميت ريح جنطه ما أحس اني مسافر
حتى اني احيانا من الطفش ارقى عليه واتلطم بأقرب ويس بزعمي ذيب
عاد اشوى اخوي الكبير قدر حالتي الصحيه وخلاني افحج على القير << امحق تقدير انواع الشد العضلي
ونروح لبيتنا وهاتك يادلع من ماما
صحن رايح وصحن جاي<< ناصب على امه يقوله الدكتور قايل له كثر من الاكل عشان تعوض كمية الدم المفقوده
الوكاد وناسه اكا الاسبوع
لو تقولي وش لونك قلت اي ياورتسي
رد مع اقتباس
المشاركة الأصلية كتبت بواسطة روح حايل
المفضلات