بسم الله الرحمن الرحيم
السلام عليكم ورحمة الله وبركاته
..
سوّي من دموعك فراش و وساده
ونامي عليها يالعيون الشقيّه
حرام السهر هذا على شان غاده
كانت من ايّام الطفوله شقيّه
نامي وليل البعد طوّل سواده
والشمس ما بانت ولا شفت ضيّه
ليه التغلّي عند الاحباب عاده
ليه التغلّي دون ذنب و خطيّه
إن كانها غابت عشان الشهاده
بدعي لها ربي عسى تجيب ميّه
وان ودّها قلبي تشوفه رماده
قلبي كواه البعد مليون كيّه
ما يحتمل فوق الإباده إباده
ولا يحتمل غرو(ن) ذبحني بغيّه
أشتاق له شوق الغريب لـ بلاده
واحن له لو كان قاسي عليّه
ما همني لو حاش قلبه بلاده
يجيه يوم يحن ويحس فيّه
مايفيدني يا كود صوم وعباده
وادعي إلهي يا عسى يعود ليّه
وادعيه يبعد عن حبيبي عناده
ويحنن قليبه عليّه شويّه
يالله انا طالبك عزم و إراده
الحب يبغاله عزوم(ن) قويّه
وسـلامتكـم
رد مع اقتباس
المشاركة الأصلية كتبت بواسطة الحاصود
المفضلات