السلام عليكم ورحمة الله وبركاتوه
يالربع سالفتنا اليوم عن ضاهره بدت تتفشى وتتنتشر بشكل سري ......
ولازم نشوف لنا حل به ..
الضاهره هي ضاهرة ( التميلح )
علمونن ياجماعة وش يعني التميلح بالنسبه لكم ؟؟
انا بالنسبه لي التميلح هي صفه لشخص مادري وشلون يفكر او وش يحسبوه ؟؟
هالمتميلح بينوه وبين نفسوه انوه ماصار وانوه هالناس يتحرون يوزروه بس يجي من ضمن المتواجدين بالصفحه عشان تنكب عليه العالم وهو هالدايح يامنوه رد على لوه يوزر بنت جاب طبلونوه وكتب من الاعجاب والمديح سطور اكثر من الموضوع نفسوه ,, ويامنوه انحد يرد على واحد من الشباب قال شكرا حتى التنوين ينساه من العجله يبي يلحق على موضوع ثاني لبنيه ويحجز عنده اول واحد ووووه بس .
يالربع انا احس انوه اذا دخل المنتدى يشوف بينوه وبين نفسوه ان التنبيهات عندوه عشر تنبيهات اول وحده من المشرف العام يقولوه ياخي انا ماادري وشلون اشكرك ؟؟
لانك معنا بالمنتدى وان هالمنتدى بدونك ولا شي وان جميلك علي ماانساوه بحياتي
والرساله الثانيه من احد الاعضاء يقولوه ياخي اسلوبك ساحر وياليت لو تقبل اني ارسلك مواضيعي عشان تعقب عليهن وتشوف وش التعديلات اللي يحتاجهن طال عمرك ...
وباقي الرسايل عاد يزولوه انهن من الصبايا اللي تقول طلتك مثل القمر واللي تقول انا هدف حياتي هو الوصول الى ايميلك واللي تقول انا مابي اكثر من رضاك علينا وحنا مانقراء الا مواضيعك ومن هالاحلام الورديه
وهو بهالحزه يتبسم بكل فخر واعتزاز وشوين يامنوه انتبه لنفسوه يمار الذبان تهوبي بافموه من الفهاوه اللي بوه ===> تهوبي الذبان يعني آخذتن راحته بالدخله والطلعه ..
واموه تراعيلوه منخرعه ياحووول ماتدري وشنوح ولده فاغرن افموه تقل دزاند ===> الدزنده هي بكاء بفتح الفم بدون اصدار اي صوت ....
وشوين يراعي يمار لافيه تنبيهات ولاهم يحزنون وآخر تسجيل لوه قبل اسبوع ولادريبوه الوالي
طيب ليه تعمل هللون وانت تدري ان وجهك تقل ليمونه لابستن له شماغ وحالتك حاله ليه ماتسنع مع الناس وتخلي عنك هالحركات ياوجه الرضمه ياحلايا الدسيسه ياافم الطحيحي يازول القنفذ <<<<< يراعي لروحوه ويوصف خخخخخخخ
انا يالربع سويت استطلاع للراي عشان نشوف منهو المتميلح اللي يرسل للبنات ورود وحركات مثل ماحصل مع الخاله روح حايل ومدام الخاله مابغت تجيب اسموه قلت غدينا نلقاوه بهالتصويت واخترت مجموعه من الشباب اللي انا اشك بهم وانتم اعزائي المصوتين بامكانكم التصويت على عضو آخر واللي يبي يبرر سبب تصويتوه ماعندوه مشكله ....
المتهمين : مع سبب اختياري
1- واحد شقردي ==> بلغ من العمر عتيا وهو عزابي فقلت يمكن الشيطان وزوه على هالعمله
2- يوسف ==> لو تسلم عليه قال : ارد بشرط تخطبلي بنت مزيونه
3- حيل حليل ==> تخونوه عيونوه والا هو الحبيب يبي يرسل لخويوه يوم يفطن يمار رسالتوه عند بنت
4- الشبث ==> عقب سالفة الخاله روح انحاش من المنتدى وكتب موضوع فمان الله
5- الجثري ==> سمعتوه مره يقول للشقردي وش رايك بي بالله مانا مزيون وهو يخرع الذيابه
6- حمود الناصر ===> صاحب سوابق هههههههه
7- ماجد ==> لانوه مزيون صدز ورشيق فيمكن حس انوه يقدر يغري البنات
8- بصري الوضيحي ==> لان بصري الحقيقي يوم الناس تذابح عشان عنز جربانه كان يغازل
9- سناعيسو ==> مايدري يحووول ان هالسالفه تميلح
10- ابو خلوف ==> لانوه خوي سناعيسو والطيور على اشكالها تخثع
11- ابو عارف ==> لان العمده الله يعطيه الصحه يفقش بالعام مهو عاجزن عن الخاص
12- عضو آخـــــــــــــــر
وتري مكاسي للجميع
رد مع اقتباس
المفضلات