طيرةاند طش

[غالب]

ماش طلعوا عيالتس مايعين مع إحترامي لتس ياصعوه مار الحق ينقال
الظاهر إنهم مثل اللي يطلعون بالدعايات هاللي شعرهم مزين ويلبسون جنز وماادري وشو

العيال اللي مثلي بهالزمن قليلين
الله يستر علي بس
أثريه صدز أنا ماني بسيط


واستلمي سلامي

[صعوة فسفورية]

ماش طلعوا عيالتس مايعين مع إحترامي لتس ياصعوه مار الحق ينقال

الظاهر إنهم مثل اللي يطلعون بالدعايات هاللي شعرهم مزين ويلبسون جنز وماادري وشو

العيال اللي مثلي بهالزمن قليلين
الله يستر علي بس
أثريه صدز أنا ماني بسيط

واستلمي سلامي

نفسي اعرف انت وش تلبس ههههههه

ههههه صار الجينز ميوعه هاه هههه

اي والله مابقي الاانت والله يستر عليك

واستلم سلامك عن طريق ايه هههههه

هلابك سناعيسو.. وابشرك ولدي الكبير عنده لاب بعد ههههه بس صغنون ع قده

[ابو ضاري]

الله يخلي لتس عيالتس
يالربع اعطوهم الوغدان كل شي يالربع لا تعيشونهم زماننا اول الفسحه رياليين
احيانا ولدي يروح ويباشر على عسكريم تخبرون على الكرنيش نتمشى

مره قالي ابو ضاري قلتله سم قالي ابي اعشيك بمطعم الصيني اللي يعرفه خالي يوسف

اشتريلهم كل شي لا تبخلون عليهم


الله يحفظ وغدانك


والعزابيه الله يحفظهم ياما يعرسون

[واحد شقردي]

صعهوه الله يخلي لكي عيالك

ثانيا




الله يعينك ههههههههههههههههههههههههه

ويجبر بخاطرك


مالك الا الاجر وش له متزوجه صغيره خلكي مثل الغالي ريال

[حيل حليل]

والله ما احد فالها في هالوقت الا المبزره
لعنبوا بليسهم مايمديه يطلع من بطن امه الا شارين له قيم بوي
وحنا اول نفحط عند ابوي خمس سنين عشان يشتري لنا اتاري
اخبر مره دخلت غرفة ولد اخوي
واطالع الا الحركات والدببه ومغيرين له ديكور الغرفه << الله يستر كان ماطلع خكري البناخي
مو حنا اول خمس طعش واحد نايمين بغرفه وحده لو يقوم واحد من اخواني عطشان تتوطى ببطونا كلنا
لكن كله كوم وبطانية ابو نمر كوم
زين ماينقطع نفسك وانت متغطي به
واحد من العيال يقول مايجيني النوم الا اذا تغطيت به << الغبي يحسب انه نايم مايدري انه مغمى عليه

رجعتينا سنين ورى
عسى الله يخلي لك عيالك

[عجايب بنت الشايب]

طه طه هو العيال كبرت وجابت عيال كمااان



ياختي ليه بخيله



فلللليها وفلفليهم طربوا روحكم العمر وااااحد


بكره تموتين يقولون احسن فكه






>> نشوف عيالك بكره





لاهنتيش ياغاليه على هيك سالوفه






طحياتي

[شرهه]

يا ويلي يا وغدان هالوقت !


آه بس آه


يجيك الواحد مستحيل ياخذ فسحه أقل من خمسه !

عقب أول خبزه و عصير و تالي الوقت تطورنا وصار صامولي
والوغادين هذولا يتكبرون عنهن!


أنا الى الحين وأنا يزوغ عقلي ياشفت العشره و هم عادي عندهم زيه زي الريال آه بس يالضيم ^_^



الله يحفظ لتس عيالتس و يخليهم انشاالله


ذكرتينا بزمان أول


تقبلي طلتي

مع التحيه

[أحمد]

سلامون عليكم

تسيف الحال طيبين

طيبين وياعلنا من ربي قريبين

والله حاجة غريبه في هالزمن .. امس وديت عيالي الملاهي

بالله وشلووون والله غريبه هههههه

وعاد انواع الطلبات ماما نبي ايس كريم ماما نبي بلونه وانا محذرتهم من البيت لحد يقولي

ابي بلونه اول شي ب15 ريال ثاني شي .. ماتصل البيت الا منتهية ومفقوعة يعني 45 طايرة بالهواء

والوغد وش يدريه انتس صرفتي هو يحسب ان هالبالونات جايبينهن عشانوه هههههههههه مالتس الا الاجر

وغير الالعاب .. الوحدة ب12 وعبي الكرت 150 ومع كذا يتأمرون ..لا ولدي الكبير بسم الله عليه
عمره 6 سنين ..

الله يوفقه ويصيرلتس سند يارب

وياكثر طلباته ..اخرها جوال سوني اركسون

لا وبعد رقم مميز ..

الله يهديهم المهم شفت

وحدة من الاطفال .. تتأمر ع ابوها بابا يالله بسرعة

ياحسرة علينا زمان .. اذا ابي سيكل ولا عروسة اقعد احن وازن ع الوالد الله يرحمه عشان يجيبه


والله لو نحن مثل حنة الشاص بروس النوازي انوه مايتهيا اللي نبيه

الحين مايبون الا لبس ماركة .. والعاب بريموت وسوني وبي اس بي ..


البي اس بي هذا وشو

وتلفزيون خاص فيهم لا وبلازما

ايه ايام اول

تلفزيون .. واحد واخر اليل الوالد يحط طراحته وينام جنبه هههههههههههه


الله يذكر التلفزيون ابو تسكيره لوه الواح خشب على الجنب صايرن تقل دريشه

ويويل اللي يشغله وهو نايم


ههههههه خلاص آخر السهره عندهم ماجد الشبل اذا خلص الاخبار

ماقول غير الله يحفظهم اول يكفينا ريال والله انو لو مو 10 ريال مايصك فمه من الصياح

تربية الاطفال جدآآ صعبه خاصة لماتكون الام بلحال والاب بلحال

الكل يبي يعوض

والكل يربي

لكن ان شاء الله فهالاجازة راح ادخلهم تحفيظ قرآن


ازين ماسويتي بس تدرين اني احس انتس قعيطيه ماتطلعين الريال خخخخخخ

عذرآآ ع هذرتي المسائية

ويالله الله بالردود

عسى الله يحفظ لتس عييلتس وبالتوفيق


تري مكاسي صعوه

[صعوة فسفورية]

الله يخلي لتس عيالتس
يالربع اعطوهم الوغدان كل شي يالربع لا تعيشونهم زماننا اول الفسحه رياليين
احيانا ولدي يروح ويباشر على عسكريم تخبرون على الكرنيش نتمشى

مره قالي ابو ضاري قلتله سم قالي ابي اعشيك بمطعم الصيني اللي يعرفه خالي يوسف

اشتريلهم كل شي لا تبخلون عليهم


الله يحفظ وغدانك


والعزابيه الله يحفظهم ياما يعرسون

والله ماخلينا شي وكل شي مجاب ..بس من باب اني ماادلعهم .. ابيهم يطلعون رجاجيل

حتى التايلندي ودينا .. مو الصيني هههههه

مو هالقصد بس .. ماابيهم يتعودون .. ع كذا ابيهم يحسون بقيمة الشي لمن اجيبه

والله اول مااشتري اللعبه ابد ماتبات .. اول يوم متكسره

لكن الله يعين وعندي وعندك خير والله يحفظهم جميع

شرفني ردك مشرفنا المحترم الضاري

[صعوة فسفورية]

صعهوه الله يخلي لكي عيالك

ثانيا




الله يعينك ههههههههههههههههههههههههه

ويجبر بخاطرك


مالك الا الاجر وش له متزوجه صغيره خلكي مثل الغالي ريال

امين يارب ..

ويخليك لاهلك يارب

اكيد عيالي .. ولي الاجر في تربيتهم ..

شرفني مرورك هلا بك شقردي نورت الحته