بسم الله الرحمن الرحيم
(( ,, مـــدخــل ,, ))
تعبت اكون علاج بلسم لغيري
واسمع حكاويهم وانا مالي الصوت
وتعبت اراعيهم واراعي ضميري
واموت انا فيني ولا ينفع الموت
واطلق فضا كوني سراحً لطيري
والبّس اوجاعي من احلامي بشوت
يوم الرشا خاين كفوفي وبيري
ماهو غريب البحر لاخان به حوت
اطلب هقاويي وتكفين صيري
وتشوم عني وتلبس عنادها كوت
طفله واظن خيوط ليلي حريري
لا ماهقيت اكبر او سنيني تفوت
وصحيت انثى بين شر وشريري
ناسً وتتذابح على لقمة القوت
وصرت اتمنى النوم وابغى سريري
واحلامي العذرى حمامه وياقوت
بس الوكاد اللي عرفته خطيري
يومي فقدت الورد مع لذة التوت
وقتً وعيا دهن سيرك وسيري
وشعاد لو مرمى وهدافك يشوت
ماينفعك لو كنت طفلً غريري
وقتً تشيّخ به هل الجنز والبوت
[poem=font=",6,white,bold,italic" bkcolor="transparent" bkimage="" border="outset,4,gray" type=0 line=1 align=center use=ex num="0,black""]
شليل همي بقضبه برووس الاصباع = واعس وقتي بالهداوه لا ياعي
الوقت جوّد متن الافراح وانباع = همسً على اطراف الشفاة متداعي
نامت شياطين الطغى بصدري وفاع = زيزوم طيبً في محانيّ واعي
شرواك ياللي لاتحريت مطلاع = دمعات ضاقت في عيونً وساعي
يااخوي قرب بنشدك وين الاشباع = لا أروت حظوظ المقاريد قاعي
بشكي عليك الحال يامسندي بساع = قبل التحف همي وضعف استطاعي
حظي واعرفه لا تحريت الاسناع = جمع سفن فرحي وسفط شراعي
بس الرجا باللي عليمً ولا ذاع = بيني وبينه طلبتي ماتذاعي
ثمً بمنهو لا طلب امره يطاع = عضيدي اللي بامره الجود طاعي
صيت المراجل به تبين وبه شاع = والطيب ثلجه انصهر به وماعي
خليفة اللي عقبه الناس جياع = جاعو حضوره وعقبه الجود جاعي
عقبه خفوقً بين الاضلاع ملتاع = عيا يصخّر مقصدي واستماعي
يامن بعيني لالمحتك بي ارتاع = عرقً غفا به فرح عمري وضاعي
لانك مثل جوده ومثله بالاطباع = ولميت ضعفي وانكساري وضياعي
ومنهو تكفل بالرعيه وله راع = ياعل تفتح له جميع المساعي
درب الردى دايم ترى فجوجه وساع = والطيب يشبه للعرب باجتماعي
صعبً وتحقيقه يسبب لك صداع = والحر يكفخ دون تصويت داعي
وخلً تقفاني وزود لي الصاع = قفيت انا عنه وزودت صاعي
انا مع فكري وشوري بالاجماع = قرارنا للجرح والوقت ساعي
ياجرح وان كان الغثى منك له باع = انا معك ونشوف باعك وباعي
[/poem]
(( ,, مــخــــرج ,, ))
مـالـقـيـت مـــخـــرج الـى اللـحـيـن
الشمــــــــــــــريه
رد مع اقتباس
المشاركة الأصلية كتبت بواسطة العَـــروب
المفضلات