[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
يـاطـول مـسـراك يـافـواز عـن نـوره=الله يعـيـنـك عـلـى الـفرقى وطـاريها
ياجرح قلبك من اللي سار مظهوره=دنـيــاك يـاعــزوتــي بـانـت عـواريها
وش حـيلتك في زمانٍ زاد في جـوره=عـاند قلوبٍ بـدت تكـثـر هـذاريها
قبلك شيوخ القبايل ضاقت صدوره=ومن هـجـر عين المها هلت عباريها
ولا الوم قلبٍ طلع ياناس عن طوره=لاشاف مزن الهوى جـفـت مجاريها
ياطير عقب الهـدد بالروض وطيوره=هذي فياض الخـلا غابت حـبـاريها
عقب السعاده وضحك الليل وسروره=لو دست للجيب ماياصل محاريـها
ياما سرى القلب لاجل الريم وعطوره=والـيـوم دار الغلا طـالـت مساريها
يابعد سور الحشى المظلوم عن سوره=وياطول دربٍ يـبي يـقـطـع بـراريـها
دونــه سـهالٍ مـن الـبـدوان مـقـفــوره=وعواصــف الـصيف ماتركد ذواريها
عـامـين ماهـي من الـبـراق مـمـطـوره=ولاشافت الـناس بالوسمي خـبـاريها
سرحان يشكي جروح الوقت ودهوره=ولا نـام قـلـبٍ سـمع لجـة ضـواريها
يقنب من الظـيـم عند الناس وشروره=ونـار الـبـــواريـد ماتـشـبـه شباريها
واليوم روحي مـع الـسـرحـان محشوره=مـحـروم مـن مـهـرةٍ تـلـمــع خـزاريها
انا اشـهـد ان الضـمـاير فيـه مقـهــوره=لاشك الارواح تحـت اقـدار باريها
هذي عـوايــد طـبـوع الـريـم وغـروره=ياكـثــر بـيــعـه لـقـلـب كـان شـاريـها
كـنت ارتجـيـها لـيـال الـعـمـر وشـهـوره=واصبر على ظـلـمـها الجـايـر واداريها
لاشك روحي بـرمـش الريـم مسحوره=لو تـرمي الروح في لاهـب صحـاريها
[/poem]
رد مع اقتباس
المفضلات