نظرة مستقبلية
السلام عليكم ورحمة الله وبركاته
يالربع أكا الليلة سهران لحيلي و أفكر
قلت و العلم عند الله سبحانه و تعالى
وش يصير بأعضاء المضايف بعد 30 سنه
وش حالهم وش يبي يجرالهم
تصورت لكل واحد شي
و ألحين ببدا بتصوراتي لكل واحد
أبو سلطان
متقاعد من العمل و يكد بدنا و فلوس التقاعد حقاته راحن كلهن على
المضايف و ما صفاله شي و قعد يكد بهدنا يبي يعيش نفسه
و و غدانه
الشبث
شويب خرفان معه عصاه يمشي بالشارع و يخانق الوغدان بالحارة
و مايخليهم يلعبون كورة بس يلحق هالوغدان
راجو
مسجون بالحاير عنبر 7 ممسوك يسوي عرق باستراحة كفيلة
ينتظر أمر الترحيل
ندووو
عجيز حاطينه أهله بالحوش و قدامه طاسة خضاب تخضب شعره
و له أربع قرون و سنونه واقعات
واحد شقردي و الجثري
شيبان مكروهين بس يحشون بعيال جماعتهم
( هذا يفحط .... هذا يشرب تتن )
و عيال جماعتهم كل يوم مبنشرين بسيارتهم
أبو عارف
شويب مبلشن أهله كل ما هاذا مدينه لسوريا يركب سنون و يقرض له بقلة يابسة و ينكسر نابه و ينكسون به لسوريا
صلعان
شايب أصلع كل ما هاذا رايح لسوريا معه أبو عارف ينزله بالشام و يفوت بوجهه للبنان يبي يزرع شعر و عقب ما ينكس للسعودية يمسكونه الهيئة يفر عند مدرسة بنات و يحسنون شعره و يديور للبنان يزرع شعر من جديد
الضاري
متقاعد من العمل و يبيع خضرة عقب كل صلاة جمعة بمسجد الراجحي و كل يوم ممسوك من البلدية
يوسف
يبسط مع الضاري يبيع مساويك عند مسجد الراجحي
عجايب بنت الشايب
عجيز عوبا ما ينقوي له كل يوم متخانقة مع عجز الحارة و تحط ترامز القهوة و الشاهي قدام بابه و محد يسير عليه من الجيران
محد يدانيه من حريم الحارة
ريال فسحة
شويب موذي مبلشن عياله بس حاطن التلفزيون على أخبار الجزيرة و العربيةو كل شوين يقولهم اص اص يعني متابع و يا خذله شوين ثم يقول هم وش يقولون هم مسكوا بن لادن ؟؟؟
طلال
مدرس مددين له سنتين نظاراته تقل قاعة كاسة و بس معه دفاتره بلشان بهن يصححهن و كل يوم مغيول بالطلعة
بصري الوضيحي و منصور الغايب
شيبان كلن عنده غنم و كل ماهذا مترامين بالشوزن يتخانقون
ليه غنمك تطب على فيضتي ( ألي يقول الهايد بارك )
روح حايل
عجيز رملا بله بيت شعبي دور واحد و ورا البيت شبك معزا تمخض من اللبن و تعمل زبد وبقل و ترسل ولده يبعيه بالوقفه و ولده جامعي صمل ما حصل وظيفة
سناعيسو
عمره 50 و يصبغ لحيته يبي يتشبب يدور الحريم يبي العرس و متزوج مرتين كلهن طامحات عند أهلهن
خزامى و شرهة
متقاصرات و ولد خزامى ماخذن بنت شرهة و كل ما هاذا هادتن خزامى على شرهة تقول بنتك عوبا خذت وليدي مني و بس منثبرن عندكم أكيد إنك ساحرته يالساحرة
حليل حيل و شامان
شيبان بس يلعبون هند مع الشباب و مكروهين عند الشيبان
لأنهم يلعبون ورقة و مالهم كرت أبد عندهم
هذولا ألي تخيلتهم و الباقي بعدين
هيه لحد يزعل تروني أمزح
الله يعطينا الصحة و العافيه و يحسن خاتمتنا جميع
أميـــــــــــــــــــــــن إنشاءالله
رد مع اقتباس
المشاركة الأصلية كتبت بواسطة راجو
المفضلات