بوبسي ( الختامه )
السسسسسسسسلام عليكم
والله خوش جلسه بالفله
وهذي الختاميه
وهي سالفة البوبسي و يوسف
انا اشوف يوسف و معاه كم شخص يقولون البوبسي و فيه كم نفر ما يعرف وش السالفه
ابي اقولكم السالفه
يا طويلين العمر البوبسي هذا سالفته سالفه
هذا يوسف << ابن عموو راعي الخبول
انا << هو انا ما غيري
ابو ميزي << عمي ابو اذان
السالفه تقول
كل يوم عصر يتجموعن فريقين
انا و يوسف و ابو ميزي و باقي الفريق << فريق الهطف
و فريق ثاني << كل يوم نلعب مع فريق
يتجمعون كل يوم عصر و كل فريق يقطون قطه يشترون بوبسي عائله يوم كان بثلاث ريال
و بوبسي الصغير ابو ريال
يعني يصير فيه اثنين بوبسي عائله و اثنين بوبسي صغير
و نلعب المباراه و يكون فيه رضمه كبيره جنب الملعب و نحط عليهن البوبسي
و من شروط اللعب لازم تكون حافي
و لازم تلعب بثوبك
و ما فيه اوت و لا ركني
يعني اركض لو تاصل كيلو عن اللعب عاادي
و الحرسه اقرب واحد للقول هو الحارس
الوكاد نلعب من بعد صلاة العصر لين يقول الله واكبر المغرب
و بعده الفايز ياخذ بوبسي العائله الاثنين
و افضل لاعب ياخذ بوبسي صغير
وهداف المباراه ياخذ بوبسي صغير الثاني
الهداف ما فيه مشكله و الفايز ما فيه مشكله
بس افضل لاعب لازم نتخانق عشان نطلع افضل لاعب
الوكاد فيه مباراه يوسف خذا افضل لاعب و الهداف مع بعض
و فيه اتفاقيه بين الفريق الي ياخذ الهداف او افضل لاعب
يعطي كل لاعب جغمه من البوبسي و الباقي له
و يوسف هو الي معاه البوسي اثنين مو واحد
و هو يهرب و يتركنا
و ما نشوف الا عجته
و بعدين رجع يضحك و يتبسم
بس تدرون وين المصيبه
انا اصغرهم و دايم ابو ميزي و يوسف يرسلوني للعجز اجيب منهم ريالات عشان القطه
و انا اكل تهزي و هواش
بس ما عمري قطيت معاهم
عشان التهزي و الهواش
و هذي سالفة البوسي مع يوسف العفن
خلصنا من سالفة البوسي
نرجع للي مكتوب بالموضوع الختاميه
و ابي احطه بملاحظه
ملاحظه : يقولون اكرم الضيف ثلاث ايام و انا كنت بالفله ثلاث ايام اغثكم و اهربد عليكم و خذيت احلى تكريم من الفله وهذا موضوعي الختامي بالفله
ملاحظه ثانيه : ترى ما ابي ارد على الموضوع هذا عشان اسباب امنيه والي هي يوسف
تحياتي لكم
و ترى فيه حفله بالمضيف الرياضي مدة اسبوع سيرو علينا
رد مع اقتباس
المفضلات