انتظار و قايلة
السلام عليكم ورحمه الله وبركاته
قررت انا ليالي بقرار وزاري رقم 103/ج ك 1
بتاريخ 15/ 6/ 1430هـ
بعد ان طفح الكيل وامطرت الدموع في ظهر هذا اليوم
قرار وعلى اخوتي الكرام اختيار الاتي (غصب):
نمبر ون نقدم على سواق عايله
او نمبر تو اركب مع نقل خاص
او نمبر ثري ادور بيت بجدار الجامعه
او نمبر فور اسوق >> مستحيل المستحيلات
من الربوع الي فات ونا اقول لــفوووز فيني بتسوة قويه واخاف تــنهل بالمكتب
قالت : خلاص بسكر الباب وهاتي راسك علي و ابتسي الين تخلصين
قلت: ان جت يبيلها وقت ... وفيضانات من كل جهة ونشيق وصوت جعير وحركات كثيرات
خليها بعدين >> موب كيفك الا جت جت مايردها احد
وتمر هاليومين على مضضض الويك اند ماهنا سعة صدر (غلقة)
حاولت اقلد بعض الناس واصير كيوت وابتسي وادور لي قرد بس مو لايق علي
7
7
جتكم السالفه ...وقووووووف لو سمحتوا
في اخر الدوام هذا اليوم اكلم اخي الكريم يله يالغلا تاخرت ورانا غداء
ودخلت علينا رئيسه القسم قالت: فرغوا المبنى بيجي مهندسين ...يله بسرعه
الاااااااف شخصه (حرمه) اختفوا فجاءة
مابقى الا انا وموظفه ثانية
قالت تكفين يا ام محمد لاتروحين وتخليني بيتنا بعيد وزوجي يتاخر علي قلت والله ماروح الين يحي .. هدي نفسك لايطيح ولدك
قالت:اشوى
ويوم جاء زوجها وهي تلحلح
قلت:وين ياصالحه ونا ..!
قالت: قالت مقدر انتظر جاء خلاص ...
قلت : مالت عليك ..صلوحه انا لحالي ترى
قالت : اسمحيلي ابو طلق واقف ولا اقدر اقف لك ولا اخذك معي ..>> كش عليها
تخيلوا الووضع لحالي وقايله وحر وخووووووووووف قلبي بياقف وربي
والسكيورتي يقول تعالي ادخلي داخل عن الشمس
قلت : خلك هناك واسكت لو سمحت
وانتظر
و
انتظر
و
انتظر
وهي تدمع العيون واقوم انشق وشوي بدا الشهيق من التسلاوي وبدا الجعير وبقوة
>>> تصدقون ونا ابتسي اقول لنفسي سلامات وش صاير وشوله هالبتسي الحين مايسوى
>> ذكرت بتساء المراهقه بدون سبب يععععععع
وادق على اخوي ولا يرد علي ... ياويل حالي
ويمرون شباب بكامرييقول واحد منهم يازين صيدت الظهر, ويلفون مرتن ثانيه ويرقمون ويقولون افتحي البلوتوث
ويرجعون للمره الثالثة وياقفون ويفتح السواق الباب
ونا اصيح بقوووووووووووووة
حصار (مهندسين داخل وسكيروتي جيزاني اصله يمني وشباب قدامي )
ولا الشيخ جاي يمشي 40 هو وفرته
ووغداني معه وانا اتوقف عن البكاء فجاءة
جاء المنقذ
مسويه معاهده مع دموعي ماتطلع الا لحالنا
وارتسب معه قال : وش يسون هالشباب هنا؟
قلت: وينهم فيه ؟
وحنا بالطريق قلت :خلاص هذا قراري واختار
قال :ولا واحد ..مالك الا ابو حسن اعرسي عليه (حارس الجامعه) و لك من يرضيك ياخيتي بخذ لك دجاجه على الشوايه مع رزها ضريبه التاخير ومايمديك على الغداء كم دقيقه ويأذن العصر
>> الله يديم النعمه يارب
ومارديت عليه >> زعلانه حيل عليه
فديت روحه ياعالم بس اتثيقل عليه ..
مايستفاد :
تقضبن با اغلى شخصه بدوام ماتمشي الين تمشون سوى والعكس صحيح>>> مثل فوووز لي .
تنازلوا يالأهل ياتجبون سواق يا نقل خاص يامواعيد مثل الناس واذا صار ماصار خلك سنع واعتذر بطريقه لبقه .
الا حارشك احد كولي حلاوة وقولي جحيد ماصار شي لان بيصير شي مو كويس والسبب انتي ووجهك.
اخيرا اذا بخاطرك بتساء ابتسي يابعدي ،خوذي راحتك ولا يردك احد بشرط لحالك ..
ومضه لا هونت وقفه /
قررت
وفي خطاب الحاقي وزاري اسافر للخارج
ادرس بلا وظيفه بلا هم
وماعندهم حر براااااااد ياله الجنه
واسوق هناك بعد
على فكره الموقف استمر ساعه الاربع ..و قلبي يقول ابي اقف ونا احب خشمه ليه يابعدي اخر مره تكفى هالمره عشان الوغدان..
سي يو للجميع
رد مع اقتباس
المفضلات