الإعلام الهلالي ومصايبه .. (نقاش)

**شرهه** · 09-06-2009 00:31

السلام عليكم ورحمة الله وبركاته

يسعد صباحكم/مساكم جمعيا

وخصوصا عشاق ((العالمي ))..

بالنسبه لقضيه الأعلام
أظن كل المشجعين (العقلانيين الحقانيين) يعرفوا كيف الأعلام الهلالي يحارب كل ماهو ضد الأزرق بكل شكل ولون حتى لوتجاوز ذلك حدود الأدب والدين
كل مشجعين الأنديه أتفقوا ع كره الهلال بسبب الأعلام المتعصب
مهما كان وحصل كلنا أبناء وطن واحد وماوجدت الصحافه إلا لخدمه الوطن والرياضه !!
ياعقلانيين الكل أتفق ع سلبيه الأعلام الهلالي حتى ع المنتخب!
ومحاربه أبناء الوطن الواحد لأنهم بس يختلفوا معهم في الميول!
إعلام يدخل في النوايا والذمم ويحلل كل شي وفق هوآه حتى أعوذ بالله لو كان في الدين..
ذا غير السب والشتم اللي مايقوله مسلم لكافر فكيف بمسلم ؟!!
مثل نعتهم للشيخ منصور البلوي بالراشي أكال الحرام شيطان الأنس!!
والمهزله والمسخره اللي مسوينها ع إنتقال السهلاوي لإنه بس أنتقل للنصر
ونعتهم لفيصل بن تركي المبذر أخو الشيطان ونسو كيف عبدالرحمن بن مساعد وكيف صرف ع لاعبين مو سعوديين بملايين وكافي المدرب راتبه بالشهر مليون وزياده غير 500ألف رادوي !
بإختصار إعلام مااااش !.
واللي يسب الرياضي ويذمها فهو غير عاقل ولا حقاني
لأن الرياضي ردت فعل للجزيره اللي كانت تكذب وتلعب بعقول الرياضيين
لما خرجت الرياضي وصارت صوت حق لكل الرياضيين اللي ضد اعلام الهلال ..
وأكبر دليل حريه الرأي اللي فيها !!
ومن مكاني ذا أشكر كل من ساهم بإخراج الصحيفه
صحيفه الكل ..
شكرا شكرا شكرا شكرا
لكل قائم ع إصدار ذي الصحيفه.

هذا الهرج لكل (عقلاني محايد صادق)

ومضه ..
هذا رأيي الخاص بي وحدي
ورجائن بدون زعل ولا هواااش
لإنني قلت الحق ..^_^
واللي براسه حب ما انطحن يجي ^_^>>>تراعي لمنصور هههههه

وأقبل الرأي الأخر برحابت صدر
بس من شروط النقاش>>> الإحترام
يا اخواني الإحترام

ومضه أخرى
احبكم كلكم يا أهل المضايف هلاليينكم قبل نصراويينكم

وشكرآآآ

**منيف الوبيري** · 09-06-2009 00:37

حجزززززززززززززززززززززززززز 1

**منيف الوبيري** · 09-06-2009 00:38

قالوا :: في قديم الزمااان : أهل العقول في راحه !!!

ومضه // كش عليتس

**واحد شقردي** · 09-06-2009 00:39

^
^
^
^

مين هذي ؟؟؟؟؟؟؟؟؟؟؟؟؟؟؟؟؟

كني احسها شرهه ببعض الكلام ثم احس العكس

ما ادري برد على مستخدم يوزر شرهه ههههههههههههههههههههههههه

اول شي

كلامك سليم و الهلال له اعلامه الخاص وهذي حسنه ما تعيبه

مثل باقي الانديه لهم اعلامهم

وش المشكله ان اي فريق يكون له اعلامه الخاص لي يمجده فيه
و يطلب بمصالحه الخاصه

ويكذب اي اعلام ثاني ؟؟

احس انها عاديه ؟؟

شرهه شكلك دخلتي عمرك الجديد بثقافة مختلفه عن ثقافت الهواش

ومضة (( مثلث ))

شرهه احسك مثقفه بالفطره بس تتديعن الهجوله (( المذرحه )) هههههههههههه

**منيف الوبيري** · 09-06-2009 00:40

شرهه // لي رجعه للنقاش ,,

لكن بعد مااخلص اختباري النهائي ,,,

وعلى فكره للحين ماذاكرت ,,,

(( بالعربي الاختبار اهم من الهلال والنصر والمنتخب ))

ومضه // كش عليتس يالنصراويه

**منصور الـ ع ـطآوي** · 09-06-2009 00:42

شرهه

اول شي من وين جبتي موضوعك اول مره اشوف الهمزه بكلامك

ثاني شي وش صار على بطولة الزقطه

ثالث شي نرجع لاهم شي هو موضوعك

تقولين الاعلام الهلالي فيه و فيه و فيه

نسيتي وش صار مع كحيلانكم

كل شوي تعاقدنا مع فلان و علان

تقول متعاقد مع روني او كاكا او بيكهام

و انتم الي ماخذينهم من ابهاء و القادسيه و طقته

و فوق هذا كله وش قال قالو السهلاوي قيمة عقده اكثر من 32 مليون ريال

بالله فيه احد يصدق ان فيه الفلوس هذي بنادي النصر

ههههههههههههههههههههههههههههههههههههه

الاعلامي الهلالي يتكلم عن اشياء و موثقه

بلاك الي يتكلم عن اشياء و يكبره و هي صغيره و لا عنده اي شي

شرهه توي قاعد نوم ابي اروح اكل و اضبط الشيشه و اجيك

**ابو ضاري** · 09-06-2009 00:42

اسمعي ياشرهه المحترفه بالزقطه

انا اقول ان الاعلام كان هلالي او نصراوي او اي نادي اخر يرد على النادي الاخر

شوفي انا لن اخوض بالكلام لكن

كل اعلام يدافع عن ناديه

يمكن اعود اذا اشتهيت

**شرهه** · 09-06-2009 00:58

هاهاهاهاهاهاهاي

مستغربين مني هالهرج ومو مصدقين انني راعيته0
ما الومكم صراحه
هاهاهاهاهاهاهاهاهاي

تعبت وأنا اتتهول قلت اجرب حظي وأقول رأيي بكل صراحه

لإن فيه ناس غاثيني وبقو و و و ه ^_^

و حتى أنا لي نكسه ...

**واحد شقردي** · 09-06-2009 01:02

تقول متعاقد مع روني او كاكا او بيكهام

صاير ريال مدريد مو النصر هههههههههه

و انتم الي ماخذينهم من ابهاء و القادسيه و طقته
ولا تنسى الفتح هههههههههههههه

و فوق هذا كله وش قال قالو السهلاوي قيمة عقده اكثر من 32 مليون ريال

هذي ممكن صحيح مثل ياسر 22 هههههههههههه
وغير كذا لا تنسى ابو الامير الجديد ملياردير والله يدفع علشان ما يجعر اليد

بالله فيه احد يصدق ان فيه الفلوس هذي بنادي النصر
مع الامير الجديد احس فيه وكثير فيه

ههههههههههههههههههههههههههههههههههههه

دوم الضحكه

الاعلامي الهلالي يتكلم عن اشياء و موثقه
العطاوي لك عليه حركات ههههههه بس حقه الناديه

بلاك الي يتكلم عن اشياء و يكبره و هي صغيره و لا عنده اي شي

هذي كارثه لي يسويها و النصر الموسم ذا الله يستر منه راجع بقوه

شرهه توي قاعد نوم ابي اروح اكل و اضبط الشيشه و اجيك

صح النوم صح النوم و بالعافيه

احس اني تلقفت بس اذا ملقوف علموني امشي مع اعتذار

ههههههههه

**عبسي** · 09-06-2009 01:04

أتمنى من منصور يقفل الموضوع لأنه راح يخرج عن النقاش ..

وبعدين شرهه ماتعرف بالهلال إلا أسمه !!

عشان كذا إذا تبغى تناقش تناقش بنادي الفقر أحسن ..

من اللحظه هذي أعلن أن الموضوع راح يخرج عن أسمه ..

وتحياتي ..