السلام عليكم
اسعد الله اوقاتكم
اطرح امام اعينكم هذه المقطوعة الشعريه
والتي اتت بدون أي تكلف شعري وانما هي
جاءت كأهزوجة لقطع الطريق اثناء ترددي
بين الرياض والمنطقة الشرقيه خلال محاولتي
لنقل ابني
ولكن كما يقال اللي بالجنان يظهره اللسان
فقد ظهر ذكر شخص ارى انه جدير بالذكر
الاوهو الاخ علي الشهراني
هاض شعري من ضميري وابتديه * بأسم ربٍ في خفـا قلبـي عليـم
ويالله انك تحفـظ ابنـي وتهديـه * وتجعل امره في يدي رجلٍ رحيـم
راكب اللي من حفيـزه مشتريـه * من مكانٍ خابـره غـرب النسيـم
بالمعارض و الشريطـي مايجيـه * ما يجيه الا الكريم ابـن الكريـم
لو دفع بـه رأس مالـه وشعليـه * ما حسـب ميـراث مـالٍ لليتيـم
جيب لكسز صافياً مثـل الجنيـه * كن صوته لااشتغـل هتـان ديـم
يالوكيل البازعـي حافـظ عليـه * لاتبيعونـه علـى غيـر الحشيـم
لا يجي فـي مركبـه الا النبيـه * الحذر لا يركبـه خطـو الغشيـم
اركب البطران يالرجـل النزيـه * واستعذ بالله مـن نـزغ الرجيـم
وانص رجلٍ من ذوي بيض الوجيه * من بني شهـران رجّـالٍ حكيـم
لابـةٍ مـن لاذ بحماهـا تحميـه * طيبهم ميـراث مـن جـدٍ قديـم
ولا وصلت ل(علي) سلم لي عليه * محزمي وسناد راسـي والبريـم
وقل له اني بعـد ربـي ارتجيـه * والاشـارة تكفـي الحـر الفهيـم
وكانهو لي ده صدره فـي يديـه * والله انـي فايـزٍ فـوزٍ عظـيـم
وان حصل لي يارسولي ما ابيـه * اعلنـوا قيـام حفـلٍ بالنظـيـم
اخوك : سطم بن فهد آلخليل الشمري
(اعتذر عن الغياب)
رد مع اقتباس
المفضلات