والله يالربع ودي اسولف عليكم بس اخاف اني مااشبع ذائقتكم الفلاوية << يعل ماهي ذائقة حديهم وجيه هالعطايا خخخخخخ
الوكاد
اليوم اضع بين اياديكم الممشقه اللي يبيلهن فازلين غديهن يصرن مثل يدين العالم والناس سالفة (الرضمة)
الرضمة هذي مخلوقه تعيش بيننا وتحس بالوحده وتحس بالضلم خصوصاً كل ماقال واحد لولدوه (عض رضمه) وهذي كنايه عن المستحيل او مثل قولة والله ان تبطي ....
يالربع ليه على (الرضمه) ياناس حسو باللي حواليكم الى متى وحنا نتولج هالعالم بدون سبب مقنع ...
امس جتن رضمه بالحلم وانا نيم وقالت يالجثري انا داخلتن على الله ثم عليك انك تشوفلي حل انا رضمه بس جالستن بمتساني لي سنين ماتحركت لعبت بي البواسير خخخخخ
ودي اصير آدميه مثلكم اروح واجي واسير على جيراني وادرس واتوضف وهي تبتسي
انا لله وش هالمصيبه اللي طاحت على راسي او (بالاصح وش هالرضمه اللي طاحت على راسي )
قلت يارضمة الاجواد انا ابساعدتس بس بشرط
خلينا نروح نتقهوا بالمجلس هالحين ونخلص لنا كم شغله وبعده مايصير الا اللي يرضيتس
قالت تم
انا لله حتى الرضم مايصدق على الله انك تعزموه على القهوه يوافق على طول !!!!
اييييييييييييه ثمرة الحتسي اننا تقهوينا وطلعنا نبيلنا مشوار داخل الرياض وحنا نمسك (خريص ) ياعل ماخريص<<< اسالو يوسف يعلمكم
زحمة والناس بس تخانق وياصار فيه واحد من الربع يبي يمر سكرو الطريق ساعتين يما يعدي سمووووه <<< طلبتكم لاحد يعلم علي
بعد هالزحمة وقلة الحيا قلت هاه يام رضيمان وش رايتس انا ابي ازور لي واحد من اخوياي بالمستشفى قالت انت بس فكنا من خريص والباقي يهون
دخلت المستشفى انا وام رضيمان وشافت البلاوي اللي بالعالم هذا حادث وهذا نفسيه وهذا مرافق يدقلوه دكتور مسوي خطاء طبي بمريضوه وهذي تسلبتن تزين للناس وتفتنهم وهذا واحدن متكسر من حادث مروري ومخلينوه ينتظر يقولون لوه ماعندنا سرير ....... الخ
قلت هاه هاه يام رضيمان وشرايتس نمشي قالت انت بس طلعنا من هالمستشفى والباقي يهون
وحنا نرجع نبي البيت وهي توقفن اكالدوريه وانا توي طالع من مواقف المستشفى قال العسكري ليه مانت رابط حزام الامان قلت يابن الحلال توي ماطلعت من المستشفى وبعدين مصدق انت حزام امان جلينا باوربا اعقل بس يارجال
وهو يمحطن بمخالفه
قلت يلله سلامات وشوين وهي توقفن الدوريه الثانيه قالو ليه تفحط مشوين بالثمامه قلت يالربع وش السالفه والله ماجيت لاثمامه ولا قمامه قالو يعني حنا نكذب قلت ايه تكذبون من كثركم وهم يودونن للقسم ويالله بطلعت الروح يجينن الشقردي ويكفلن .......
قلت هاه يام رضيمان وش رايتس بس نروح للبيت وننثبر يما نشوف لتس حل قالت انت بس اوصل البيت والباقي يهون
يوم وصلنا البيت يمار راح من اليوم 8 ساعات عشان نزور مريض بالمستشفى بس والله ماغيره شين
قلت ام رضيمان هاه ماقلتيلي وش رايتس هالحين تبين تصيرين ذكر او انثى؟؟
قالت الا انت يابو رضيمان تبي تصير رضمه او سراميك !!!!!
قلت وشبلاتس انخبلتي ؟؟
قالت انتم ماتقولون الخير يقول ويغير
انا هونت يازيني وانا رضمه بلا هم بلا قرف
قلت بكيفتس او لا والله ماقلته قعدت من النوم قبل اقوله
وسلامتن تسلمكم طول بعرض
رد مع اقتباس
المفضلات