ليلة الغيّاب ..( لقلوبكم )
[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جرح قلب اللقا ..\ حزن الغياب وليلة الغيّاب = وخيط من السهر قيّد .. جفون وعين ماغابت
وليل من العنا يسدل \ سواد ويجرح الاهداب = يظن فيه السما ذابت \ وانا ادري ولاذابت
ولقانا تكسي متونه ثياب البعد ..\ والعرّاب = لمتون اللقا دايم .. شباب الروح لو شابت
يهد حيلي دروبك يالهموم السود والاسباب = جرح عيني هدب عينك \ ونظرة عين ماخابت
تشوفك تدفن الروحين .. في يدّك تزم تراب = يهاب ارواحنا قبرك ..\ مدام قلوب ماهابت
وكان انت الغياب اللي قدر ويفرق الاحباب = معي تبطي ولاتقدر بعاد اللي هنا نابت
ياخالد لاتقول شلون ؟ سكّر باليدين وذاب = يذوب ان كان مبلوله \ يدي في ضمته طابت
أحبه يالجنون اللي هذا بالتمتمه ثم صاب = خلايا المخ والعقل ايهذي بضنون مااقتابت
يا انثى كل مامالت ..\ تطيح من السما اسراب = يا انثى لا اقبلت كل النسا لو حاضره غابت
ياقيمة طيب لو سالت على تشرين ينبت آب = يامهره خلفها الريح وبناته عنهن نابت
يادولة حب سوّرها الغلا ..\ يافتنة الكُتّاب = ياعاصمة القلوب البيض تربى فيك وترابت
نفسها لاحكت .. ينثر حروف بنكهة الاطياب = تشيب الغيد ثم تبطي حريمٍ مثلها جابت
وراحت ليلة البارح بعد ماكشر الانياب = هذا البعد ... \ يااااروحٍ هنا والله ما ارتابت
ياعمري والغياب ان كان لبّسنا ظلام غياب = شعلت من الاصابع نور ..\ تبّت يدّه وتابت
حبيبي لايهمك لوبعاد اسود وظلم اقراب = ولاتنذّل دام انّي معك للموت انا ثابت
ياليل البارحه مد السواد وقطّع الاطناب = ورمحك بالضلوع العوج لو انه غدا نابت
وحتى البعد لو صار الظلام وليلتين اغراب = هنا روح ... وهنا روح ... وهنا ماسبت لوسابت
ولو ضلع اللقا تكسر ..\ له ضلوعي ولا ينعاب = واذا يدّ الامل تقصر ..\ نمد له كفوف ماعابت
وقلبك ياللقا طاب ونبض ..\ واجتمعوا الغيّاب = وقطع خيط السهر رمشي .. وعين بنومها غابت
[/poem]
رد مع اقتباس
المفضلات