السلام عليكم ورحمة الله وبركاته
مثل ماهو واضح نبي قصة المثل او البيت هذا واذا له تكملت وشكرن
السلام عليكم ورحمة الله وبركاته
مثل ماهو واضح نبي قصة المثل او البيت هذا واذا له تكملت وشكرن
يا ناس حنا من ظنى نجد فضلان=يشهد لنا التاريخ لا قلت حناحنـــا غديرن يعشقه كل ظميان=حنـــــــا غرامـن والعذارى هوناحنا الكرم والطيب شايب وشبان=حنا الدويله من له المجد عنا
السلام عليكم ورحمة الله وبركاته
اخوي المفضلي 11 حياك الله
اما القصه فانا أحتفظ بها لنفسي وأما القصيده فهي الظاهر أنها لأبو زويد وانت عكست الشطر اللي انت كاتب وهاذي بعض ابيات قصيدته :-
زامل ينشدني وانا وين ويني
يقطعك ياهرج بليا لباقه
فنجال طين منت فنجال صيني
تبرك مباريك الجمل وأنت ناقه
أرخص لنا وأرسل لسمحه تجيني
عتاق عبد مشتهين (ن)فراقه
ولعل الاخوان يفيدونك أكثر .
ولك خالص التقدير
القصيده كما رواها الاخ الزنيدي اما القصه عندما اتى عند الامير سعود ابو خشم قام خاله الامير زامل السبهان باهانته للونه لان لونه يميل للسواد وقال له وش عندك يابن شعلان من قصيد قم وسمعنا قصيدك فهو يعتبر نفسه اكبر من شاعر يجي مجالس الشيوخ ويقول قصيد غضب وخرج من المجلس وارسل القصيده واخر بيت يوضح سبب زعله قال عبد مشتهين فراقه يقصد بها نفسه للونه تقبل مروري اخوي
القصيده للشيخ / خلف الزيد الشعلان الملقب با( الأذن ) تقل بغى ياطاه النوري وكان النوري هو شيخ الروله فنهج خلف الاذن يم سعود ابو خشم يستفزعه على النوري وكان الحكم هاكلوقت بيد زامل السبهان سعود صغير وقعد يماته بخلف اه ان شاء الله بعدين ويوم من الايام قعد ينشده زامل عن قصيده ويوم شاف خلف ان زامل ماهو فازعن له على النوري استأذن من الامير سعود ويوم بغى يمشي قصد هالقصيده وارسله لزامل ونهج لهله .
يقول خلف
زامل ينشدني وانا وين ويني
هبيت ياهرج ٍبليا لباقه
الشين شين وماكر الشين شيني
عدو جد ولابقلبك صداقه
الله يخونك كان ما تشتهيني
لو تحكي لي بالعلوم الدقاقه
غديت مثل معايد القريتين
لاجبت خير ولا تبعت الرفاقه
أنا بلايه من صديق ٍبطيني
بقعا تصفقني على غير فاقه
فنجال طين ولانت فنجال صيني
تبرك مباريك الجمل وانت ناقه
ارخص لنا وارسل لسمحه تجيني
اعتاق عبد ٍ مشتهينن فراقه
فلواحد ٍ كن واحدا ً في واحد ٍ ...... اعني سبيل الحق ِ والإيمان ِ
أعتذر عن أني نسبتها لأبو زويد والصحيح هو ماذكره الاخ المطني هي لخلف الأذن ذباح الشيوخ
= وافي الزنيدي شاكر لك
= المطني شاكر لك توضيحك وبارك الله بك على المعلومات والقصيده
يا ناس حنا من ظنى نجد فضلان=يشهد لنا التاريخ لا قلت حناحنـــا غديرن يعشقه كل ظميان=حنـــــــا غرامـن والعذارى هوناحنا الكرم والطيب شايب وشبان=حنا الدويله من له المجد عنا
المشاركة الأصلية كتبت بواسطة المطني
يعطيك العافية يا المطني
على الرغم من قصر أبيات القصيدة التي أوردتها
إلا أنها مليئة بالأمثال الشعرية التي سارت بها الركبان!!!
ألف شكر يا الغالي
انا اللي اعرفه واسمعه عندنا ان ابن سبهان حاول يحتقر خلف الاذن يوم انه ساله يبي من قصيدة وخلف نفسه عزيزة وحس ان فيها احتقار له فمشى وارسل له القصيدة
والدليل انب ابن سبهان حاول يحتقره قال خلف الاذن
= قلوب باشا حياك الله
= حياك اخوي المحترم اللي نسمعه ان ابن سبهان طلب من خلف الاذن انه يجاري شاعر عنده بالمجلس فحس خلف الاذن ان ابن سبهان يبي يحتقره لان الشاعر اللي بالمجلس ماهو من مستواه وقال القصيده هذي
وبده بكم سنه قتل خلف الاذن وهو نايم هو وزوجته واللي ذبحوه التومان من شمر ذبح رمياً بالرصاص
وشكرا للاداره انهم طلعوني من التوقيف
ولكن لي عتب على توقيعي ما ادري وين راح؟؟؟؟
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات