لايضموونه ..ويارب ينهزم منتخبهم !! نقاش

[أحمد]

الله يمسيكم بالخير


انا اليوم جايكم بكلام اقل مايقال عنه ماهو كلام جرايد ولا مثاليات


انا ماودي المنتخب يجيب اي انجاز مهو لاني اكره المنتخب لايعلم الله بس لان المنتخب يقوم على اساسات خاطئة لاتفكرون واجد انا اقصد ابو الخطط المدروسه مع الاخر ....

ثانياً عدم التمني بفوز المنتخب مايعني اني اشركت مع الله احد والعياذ بالله ....


وبصراحه الاعلام الرياضي يخليك احياناً ماودك المنتخب يفوز عشان مايضحكون علينا ويتعاملون معنا مثل مايتعامل الاب مع ابنه ابو ثلاث سنوات يعني مثال بسيط ....


في كاس العالم 2002 قبل مباراة المانيا في احد الجرائد السعوديه طلع سامي الجابر يقول سنفوز على المانيا والفوز عليها ليس مستغرباً انما المستغرب هو عدم تاهل المنتخب السعودي في ضل هذه المجموعه الضعيفه ..... والواكد يقول لن ادع اي لاعب الماني يلمس الكره براسه في الـ18 ..... وووه ليتهم امرحوا

وآخرته نور يمغط سامي بالمعسكر ويرجع المنتخب بدون اي هدف وبدون اي نقطه وبدون اي حياء من المشجعين يطلع سامي ويجحد الكلام اللي قاله هو والواكد وبقية اللاعبين ........


وبعدين اختي القناصه ليه ماتجيبينها مع الاخر وتطرحين النقاش للهلاليين بس لانهم هم من اعتذروا بخروجهم من البطولات بسبب المنتخب ومازالو كذلك بينما اتحدا اذا فيه اي نادي ثاني اعتذر بهالطريقه والكل يتذكر الامير محمد بن فيصل يوم قال : اشكر مولاي خادم الحرمين الشريفين بالسماح للاعبي الهلال بالمشاركه في التصفيات الاسيويه اللي طلعو منها وتاهل العين وفريق اوزبكي ....


انا عن نفسي اذا قريت اعلام منصف شجعت المنتخب واذا زودوها حبتين ماعندي مشكله اذا قلت ليتهم ينهزمون الواحد منهم يحطون له مكافئة 100 الف للفوز بينما مايلقى بعض سكان العاصمة الرياض مايسد جوعه وجوع ابنائة فما بالك ببعض المدن والقرا النائيه .......


المنتخب مهو شي نزل من السماء ولكم كل التحيه


اختي القناصه انا هونت اول اقولك لاتكتبين بالازرق لانه مهو باين هالحين الله يرحم والديتس اكتبي الموضوع كله بالازرق بس فكينا من الاسود لانه على قولة القايل (ماانسدحت بس انبطحت) او (السحه هي التمره)


تري مكاسي للجميع

[شرهه]

اخوي الجثري

ما شاء الله تبارك الرحمن على هذا التفكير الدبلوماسي الديموقراطي المحنك العبقري الشجاع


اعجبتني جراءتك بالطرح ..

فحبيت انني اتناقش معك ..

اخوي اذا ماعندك مانع



لفت انتباهي ماقلت في الإعلام الهاج الداج (اعلام الإزيرق)

و ما أتفقت جماهير الأنديه على كره الهلال

الا من اعلامهم اللي من جنب جنب جنب جنب القده ^_^


لكن ابستفسر منك عن شيين

من كنت تقصد بصاحب الخطط المدروسه و وش فيه كذلك
ابي توضيح أكبر واوسع عشان المهتمين بهذا الموضوع



و كذلك متى تعذر نادي الهلال السعودي ؟؟؟



ارجو الرد والتوضيح عاجلا غير آجل




الجثري كشف المستور بكل جراءه ..
و يعجبني الكاتب الجريء في الطرح

فياليت تتحفنا ولا تحرمنا


أختك
شرهه

[منيف الوبيري]

الجثري مع احترامي الشديد لشخصك الكريم !!!


أنت انسان متعصب لكل ماهو ضد الهلال (( الزعيم ))


والمشكله لقيت من يطبلك ,,




























ومضه // يالربع اتركو التعصب ,, والله اني ادخل المضيف الرياضي

واطلع منغث ,,

يالربع اللي يبي يحتسي يقول الصحيح ولا يلفقه !!!



الحين وش دخل مضاربة نور وسامي بخسارة المنتخب من المانيا ..


وهي بعد المباراه ,


لكن هذا يدل على التعصب الاعمى لديكم !!!


واذا بغينا ندور مثل سوالفكم ,, نبي نلقا للدفنه ,,,


بس حنا نبي حل ,,, مهو واحد يعلق على الفريق أو اللاعب اللي مايشجعه !!!



وين رحتو من خسارة المنتخب من المانيا عام 1984 بالأولمبياد

تبون تقولون هذي من سنة جدي ,, (( ليه لان ماجد كان هجوم المنتخب ))


وخسر بنتيجة 7/ صفر ,,



يالربع ارفعوا مستوى النقاش ,,, وخلوا الانديه لحاله ,,


ومضه // اقسم بالله اني انغثيت ,,, والمشكله اللي غثتن كوره ,,

















ومضه // الجثري كش عليك

[شرهه]

‏^‏^^^^
منيف أخوي محد يكره نادي سعودي يخرج للوطن مواهب
لكن الأشكاليه في الأعلام الهلالي المتعصب ..

خلك مع الحق إذا تقرا للجزيره المصايب اللي يكتبونه ومحاربة كل شيئ غير الأزيرق...
‏ ‏
مع إننا ابناء وطن واحد

وما وجدت الإنديه الا لرفعت المنتخب ..
‏_‏
وأكبر دليل على تعصبكم الأعمى اللي منصبينه لكم شيح بإعتباره عاقلكم ^_^
ماقول الا الله يحسن الخاتمه ..^_^


مع التحيه

[منيف الوبيري]

شرهه ,,, الشيخ اللي تقولين هذا انساان مخرف ولاعنده سالفه

والكلام اللي قاله مايقوله انسان عاقل ,,,


وانتم تقولون جريدة الجزيره ؟,,,


طيب وين راحت جريدة الرياضي ,,,,



شرهه ,,, يابنت الناس ,,, الامور مهو اعلام ازرق ولا اصفر


المشكله بكل صراحه بعقول بعض الزكرت ,,, ويكمن انا اولهم













ومضه // والله طق جولي

[شرهه]

الرياضي ماطلعت إلا ردت فعل للجزيره اللي كانت تخرف بعقول هالناس وهم مصدقينها ..
صدقني لو ما أعلام الهلال اللي يبث الكره والحقد بين أبناء الوطن الواحد ..
قلتها قول الحق وحكم عقلك ...

‏^‏_^>>>>عاشت شرهه عاشت

وه بس يا زيني وأنا احتسي من جدي ^_^

[منيف الوبيري]

شرهه ,,, الجزيره


به صالح رضا ,, كاتب اهلاوي

به عبدالعزيز الدغيثر العام كان بمجلس ادراة نادي النصر وهو الحين كاتب بالجزيره


وبه سعود الصرامي كاتب نصراوي


وبه وبه وبه ,,


وقولي لي من بالرياضي الا كتاب اتحاديين ونصراويين متعصبين ,,


عموما ياشرهه ,,, الاختلاف لايفسد للود قضيه ؟,,,














ومضه // كش عليتس .. يالعوبا





وبالمختصر المفيد ,,, لو نحتسي من هنا يما ناصل النجف


محد مقنع الثاني ,, صح ولا لا ,,

































ومضه // كش عليكم يالنصراويين ,, حتى الهلاليين كش عليكم

[أحمد]

اخوي منيف انا ابوضحلك شغله

مشكلة نور وسامي مهي سبب الهزيمة لانها اساساً بعد المباراة

بس اذا اللاعبين انفسهم قلوبهم مهي على بعض وشلون تبي المشجعين يصيرون على قلب واحد ؟؟؟


هذي وانا اخوك احلام ورديه وكلام جرايد انا ماادانيه


انا فكرتي ماكانت ان المشكله هي سبب الهزيمه لا انا اقول الاعلام يتعامل معنا وكانه يتعامل مع اطفال يعني حنا يالمتابعين مالنا اي اهتمام عطنا ريالين حق الجريده وبصفق انت والمعلومات اللي تقراه


حويجه // منيف والله اني مااتضايق الا بحاله وحده وهي ان ريال مدريد يخسر مباراة بدون مايقدم اللاعبين مستوى ويعلم الله اني مااهتم باي فريق سعودي وكل همي المنتخب يتاهل ....

[واحد شقردي]

الله يمسيكم بالخير

ومساك يا غالي



انا اليوم جايكم بكلام اقل مايقال عنه ماهو كلام جرايد ولا مثاليات

يالله نشوف كلامك يا الجثري


انا ماودي المنتخب يجيب اي انجاز مهو لاني اكره المنتخب لايعلم الله بس لان المنتخب يقوم على اساسات خاطئة لاتفكرون واجد انا اقصد ابو الخطط المدروسه مع الاخر ....

ابعدنا عن السياسه ههههههههه المكافاه مدبوله


ثانياً عدم التمني بفوز المنتخب مايعني اني اشركت مع الله احد والعياذ بالله ....

ايدك دائم اساسنا رايح فيها



وبصراحه الاعلام الرياضي يخليك احياناً ماودك المنتخب يفوز عشان مايضحكون علينا ويتعاملون معنا مثل مايتعامل الاب مع ابنه ابو ثلاث سنوات يعني مثال بسيط ....

رجعنا الجرائد مو قلنا ما نبي الرياضي و الرياضيه نبي نبع مخك باقي الجرائد غير مخصصه الرياضه وفيها مشاكل كثير



في كاس العالم 2002 قبل مباراة المانيا في احد الجرائد السعوديه طلع سامي الجابر يقول سنفوز على المانيا والفوز عليها ليس مستغرباً انما المستغرب هو عدم تاهل المنتخب السعودي في ضل هذه المجموعه الضعيفه ..... والواكد يقول لن ادع اي لاعب الماني يلمس الكره براسه في الـ18 ..... وووه ليتهم امرحوا

هم امرحو صحيح بس بعد المباره


وآخرته نور يمغط سامي بالمعسكر ويرجع المنتخب بدون اي هدف وبدون اي نقطه وبدون اي حياء من المشجعين يطلع سامي ويجحد الكلام اللي قاله هو والواكد وبقية اللاعبين ........

اكيد ما سمعت عجايب تقول (( احلى شي الجحده ههههههه ))
بس الحمد لله في ذاكره تعلمنا بصحيح



وبعدين اختي القناصه ليه ماتجيبينها مع الاخر وتطرحين النقاش للهلاليين بس لانهم هم من اعتذروا بخروجهم من البطولات بسبب المنتخب ومازالو كذلك بينما اتحدا اذا فيه اي نادي ثاني اعتذر بهالطريقه والكل يتذكر الامير محمد بن فيصل يوم قال : اشكر مولاي خادم الحرمين الشريفين بالسماح للاعبي الهلال بالمشاركه في التصفيات الاسيويه اللي طلعو منها وتاهل العين وفريق اوزبكي ....

(( عمر المنتخب ما فاز دائم لي قلت عليه موجود بس يفتل عضلته على الخليج و العرب ))
بكره اصير شماته الانديه
خلهم يفتحون الاحتراف بالعدد لي ابيه وبعدها اشرهو علينا (( اقصد الهلاليه ))
كلهم ثالثه وفيهم منه و اغلب ما ياخذون من الهلال وش له التفرقه بين الانديه
خلهم ياخذون من غير الهلال




انا عن نفسي اذا قريت اعلام منصف شجعت المنتخب واذا زودوها حبتين ماعندي مشكله اذا قلت ليتهم ينهزمون الواحد منهم يحطون له مكافئة 100 الف للفوز بينما مايلقى بعض سكان العاصمة الرياض مايسد جوعه وجوع ابنائة فما بالك ببعض المدن والقرا النائيه .......

لا ابشرك ما راح تشجع المنتخب خلك معي شجع العراق
وبنسبه المكافاه لا تقهرني فيه غير المكافاه صفقات هنا غير شكل مثل او مالها داعي

بس لنا في الاتحاد\ النصر\ الهلال عبره



المنتخب مهو شي نزل من السماء ولكم كل التحيه

صدقت شجع اوزباكستان لي تبي بس خل الهلال عنك


قناصه موضوع رائع و الحوار صحيح يروح بعيد ولكن هذي ثقافتنا في الكوره
تعصب ولي يقول غير كذا (( بكيفه ))

جنجور

[أحمد]

اختي شرهه

راعي الخطط المدروسه هو سلطان بن فهد اللي ضيع كل شي سواه اخوه فيصل رحمة الله عليه

بوقت الامير فيصل صالح النعيمة امبراطور الكوره السعوديه والكابتن اللي سوا وفعل تحمس مره وهو من ضمن الطاقم الاداري بالهلال وجالس على الدكه ودخل وناقش الحكم داخل الملعب وركل القائم برجله ... من هذيك اللحضه الى اليوم ماعتب على الملاعب السعوديه

اما عند راعي الخطط المدروسه كل شي شفناه بصق اعتداء على حكام اتهام بالرشاوي وماخفي كان اعضم ولا كان شي يصير دام الشيخ صالح كامل يدفع للرجال عادي بحريقه


هذا غيض من فيض ولاتحدينن اعاجن زياده ماعندي مشكله


والهلال جينا للهلال انتي تقولين متى الهلاليين تعذرو انا اقولتس متى ينهزم الهلال ويطلع واحد هلالي ماعنده عذر الى درجة انهم يوم من الايام تعذرو بقصة الملعب وباللوحات الجانبيه وبالشعار اللي لابسه الفريق المنافس كون الشركه ماتعتبر راعيه لهم هههههههه طيب وش اللي يخليكم تنهزمون !!!!!!


ومضه الرجال // انا اكره الاعلام الهلالي وبعض الجمهور الهلالي واستمتع بالفريق ومن اشد المعجبين بالرئيس الشاعر عبد الرحمن بن مساعد


شرهه تعالي انتي وش يعرفتس بالكوره ؟؟؟