من المخطي هو ولا أنا ؟؟

**فتى البيداء** · 31-05-2009 01:16

مسيكم / صبحكم
بالخير ..

هذا به له واحد بحارتنا .. من عيال الجيران البعيدين .. مبلشن خاصة لطلعت من السجد

صايرتن بيتهم قريبة للمسجد .. وصايراً تقل جمرك عند الروحه والجيه للمسجد ..

مرة من المرات .. يوم السفه .. طلعت من المسجد ولا هذا رفيقنا عند الباب

يسولف مع واحد من الحارة .. يوم مريت من عنده .. وهو يسحب طرف شماغي

لين مابقي على رأسي ألا أطرف الشماغ .. أنا عند المسجد والناس طالعه وداخله

حسيت بالأهانه .. قلت بخاطري والله ماأخليه ..

كان ذاك الوقت بالشتاء .. مار يجيبه الله .. مرة من المرات دخلت لصلاة الفجر ..

مار ألقاه صاف بالصف الأول

قلت تمام هذي الفرصة ولا بلاش ..

لابس له فروة ..

وأنا أمعط الفروة من أظهره .. وأقرطه قدامه حول ثلاثة أمتار ..

وارجع أبحر به .. ولا وش أشوف ؟؟

لابس فنيلة .. وسروال قصير ..

هو يوم فطن لروحه وهو يتلطم بشميغه ويهرب قاطعن صلاته ..

والعيال بالحارة إلى يومكم يتشمتون به ..

وسلامتكم ..

**واحد شقردي** · 31-05-2009 01:17

1111111111111111111111111111111111

بس كذا هاهاهاهاها

هههههههههههههههههههههههههههههههه

ليته مو صحيح السالفه بس

ترى حرم كذا يا غالي الله يتوب عليك وعلى كل مسلم

بس تدري شربت مروقه يستاهل هههههههههههههههههه

**فتى البيداء** · 31-05-2009 01:26

هلا بك شقردي ..

كلامك صحيح .. لكن أنا كاتباً وقت السفه .. يعني هذا سفه .. والله يتوب علينا وكل مسلم ..

تحياتي لك شقردي .

**شرهه** · 31-05-2009 01:29

هههههههههههههههههههههههههههههههههههههههه هههههههههههههههههههههههههههههههههههههههه هههه
هههههههههههههههههههههههههههههههههههههههه هههههههههههههههههههههههههههههههههههههههه هههه

مو مهم مين الغلطان >>اسمها اللي جرت عاااااد سالفـــــــــــــــــــــــــــــــــه و راحـــــــــــــــــــــــــــــــــــــ ـــــت>>>براااءة مراهقين يا خوي هههههههه

و الله انــــــــــــــــــــــــك شي
رديت له الصاااااع صاااااااااعين ..

مع التحيه..

**فتى البيداء** · 31-05-2009 01:41

أهلاً شرهه .. المهم أني أخذت حقي منه ..

لا هو ماهو مراهق ذاك الوقت .. كبير بنصف العشرينات ذاك الوقت ..

شكراً شرهه على المرور ..

**صلعان** · 31-05-2009 01:46

ههههههههههههههههههه

ابو ابو هالدزيبان مار اتلاه يصلي بالسناوي انا لو انا منك

تسان مقفل بيبان المسجد ومخليه يعلتس هوى قدام

الجماعه هالهيس الاربد

<<ثريك وطيت بغل ياوطيت ماترحم يالفتى هههههه

بارك الله فيك على هالموقف اللي

يشختر عسل .

ودي .

**فتى البيداء** · 31-05-2009 01:59

صلعان .. لا .. أثرين أرحم منك .. تبي زوداً على عقوبته مايلقى له مفر ؟؟

أما وطيت البغل .. لابد لزومه مع بعض الناس .. أمثال هالرجال ..

صلعان الله لا يهينك على المرور ..

أعجبن مثال وطيت البغل << نضيفه للقاموس ..

**صلعان** · 31-05-2009 02:32

^^

عندي واجد تسان تبي

**فتى البيداء** · 31-05-2009 02:35

8

8

تفريد ولا جملة ؟؟

**يـــوسف** · 31-05-2009 02:42

لاوالله منت غلطان هههههههههههههههههههههههههههههههههههههههه هههههه

أجل طلعت كريعاتوه متسدي بوه يافهد

والله شف هو غلط بالبداية وعقابك كآن قوي هههههههههههههههههههههههههههههههههههههههه

يعني 1/1 عآدي

لاهنت يالذيب