قعيميل
شاب مهو وسيم ولا يمت للوسامه بأي صله
عايش مع اهلوه بأحد القرى
بسيط ولا يعرف عن تطورات الدنيا شي
حتى حرب العراق الاخيره ما سمع عنه الا الاسبوع اللي طاف
تخرج من الثانويه ( ادبي )
وارسله ابوه للرياض علشان يسجل بالجامعه
مثل اي اب يطمح بأن ابنه يكون جامعي ومتعلم
وراح قعيميل وسجل بالجامعه وعاش بالرياض وسط هالزحمه
اختلفت الامور كثير عند هالقعيميل
وصار كل شهر يروح لاهلوه مره على ددسنوه القديمه
وبحدى سفرياته قاله ابوه ياولدي شد حيلك
واذا خلصت من دراستك ان شاء الله وتوظفت ابجوزك البنت اللي انت تبي
طايرن بالعجه يحسبه على كيفوه يتخرج من هنا ويتوظف من هنا
ما يدري انوه يبي يطيح بتسبدوه كم سنه
الوكاد
هالكلام اثر على قعيميل ايما تأثير
ويوم رجع للرياض انجن وصار بس يهذري بالعرس
مهو بس انجن
الا انخبل خبلان
وصار كل يوم والثاني بحدا الاسواق يدور لعل وعسى يعشق ويلقا شريكة حياته
يحسبه فوضه هو ووجهه
لكن طلع رجل والله
مافيه بنت عجبتوه من هاللي بالسوق
كرههن وصار ما يداني يطب السوق من حركاتهن البايخه مثلهن
وحبس نفسوه بالشقه
لا يطلع ولا يروح ولا ياكل ولا يشرب ليما غدا وجهوه تقل طفاية دشير
وبيوم من الايام وهو جالس يذاكر مادة التعبير
دق على جواله رقم دولي
استغرب
لكن فضوله خلاه يرد
قال الووووو
وهو يرد عليه هكا الحبرتي اسلااااااااامووو عليكموووو
قال قعيميل عليك السلام امر
قال الثاني
يا اخي في الاسلام انا شيخ من السنغال وانت فيك سحر
قال قعيميل وش تقول انت المسحور والله حضرتك << عاض لسانوه
قال الثاني اسمع يا اخي انت اطلب وانا سوف اجيبك
قال قعيميل تبطي ما تجيب طلبي
قال شيخ مشايخ بني سنغال انا يجيب طلبك اطلبي
قال قعيميل ابي بنت اعشقه من القديمااات من نظام اول مابي من هذولي
قال السنغالي طيب يا استاذه قعيميله
بعد دقايق يجيك واحد من طرفنا يوديك لطلبك تولمي
ودقااايق
وهو يطق الباب
ولا هاللي براطموه تقل لفاحة روسيه
قال انتي قعيميله
قال قعيميل لا قعيميل مهو قعيميله
قال الضيف ايه قعيميله انا يقول
قال قعيميل وانت منهو
قال انا مرجان من طرف السنغال
قال قعيميل يالله حيووه يا هلا
الحين اضبط فنيجيل على كيفك
قال مرجان لا يا قعيميله نبغا نمشي بسرعه ورانا خط كم سنه ورا
الوكاد وهم يرتسبون على بساط مرجان
ولفي لفي
وهي تستدير الدنيا بقعيميل
ويرجعوه مرجان الاف السنين
ويصحي قعيميل بوسط جبال وعندوه مرجان
قال يا مرجان وين حنا
قال مرجان انا رجعتك سنوات كثيرااات علشان تاخذ وحده قديمه
قال قعيميل الهابو ابو ابو انت وخويك
تضحك علي انت وخشمك
الله العالم ملوذن بي ورا حدا هالضلعان وتبي تضحك علي
قال مرجان لااااااا احنا الحين في قبيلة بنو زايده
قال الا مهو بنو مصران
تضحك علي يا وجه السلوقي
وهو يقوم يحلف لوه مرجان
وشوي ولا تغدي عفيسي بالعقل بينهم
قال قعيميل مطوله على بنو زايده زين
اشوى يوم الله فكن من بنو عبس لا يجيني عبد بنو عبس عنتر يهلع اذاني عند عبله
ويدخلون القبيله
قال مرجان شف يا قعيميله
فيه واحد بالقبيله اسموه ابو عمر عندوه بنت فشقه على قولتكم
قال قعيميل يا مروح لا تنكبنا ترا هذولا قديمين ماعندهم تفاهم
نبي نروح نخطبه على سنة الله ورسوله
قال مرجان
هيييه تحسب على كيف ابوك انت
لازم تعيش معهم علشان يعرفونك زين انتي رجال ولا لا
قال قعيميل والله يا مرجان تسان البنت تستاهل اعيش عندهم قرن لو يبون
الا اذا عكصت قبلوه الشكوى لله
ويروحون لبيت ابو عمر
ويطلع لهم ولد صغير
قال قعيميل الغالي وين ابوك
قال الولد ماذا تقول يا هذا ؟
قال قعيميل احلاااااااا مدرس قواعد ربع رتوب
وهو يراعيلهم الولد ما يدري وش يقول قعيميل
قال مرجان يا قعيميله ترا هذا الولد لم يفهمكي تكلمي عربي
قال قعيميل ليه جايك العلم اني تشادي
انا اتكلم عربي
وهو يقول مرجان للوغد يا فتى اين والدك اذا سمحت ؟؟
قال الوغد انه في الداخل تفضلا
وهم يدخلون
ويضيفهم ابو عمر ويتعزبونوه ثلاث ايام
قال قعيميل يا مرجان انا والله متفشلن من عمي ودي لو نستاجر شقه
قال مرجان وين عايشه انتي يا قعيميله هذولا مافيه شقق ايجار
لازم يجلس هنا خلاص
ويجلسون
ويطلع قعيميل يتمشى للبر
ويشوف الشوفة اللي تسروه
شاف البنت اللي هو يبي
عرفه لان معه الوغد
وهي تطيح قاعتوه معه
ويروح يمهم يبي يتلزق
قال يالليد هيه تعال << نذخ الربع
وهو يجيه الوغد
قال قعيميل وشسمك انت يا حلالي
قال الوغد ماذا تقول ؟
قال قعيميل اقول ماهو اسمكا ؟
قال الوغد اسمي مالك
قال قعيميل مالك والله مالك معاذ مهو انت يهالخستا
قال الوغد ماذا ؟
قال قعيميل لا بس اقول نعم الولد انت
ومنهي هاللي معك يا مالك ؟
وهو يحمر وجه الوغد من الزعل قال وما دخلك ايه الغريب
قال قعيميل يعني الحتسي اللي مهو حلو تفهموه والزين ما تفهموه يالسندول
ياخي قدم حسن النيه وشبلاك انت
انا ابي اخطب اختكم هذي على سنة الله ورسوله
قال الولد سوف اخبر ابي حتى يؤدبك ايه الاحمق
قال قعيميل افاااا به احمق
لاوالله خربت الدعوى
وهو يروح قعيميل ركض يدور مرجان خوي الفلس ويلقاوه بحانه يهز المروح
ويغولوه قال الدعوى خربت نبي ننحاااش
قال مرجان واذا حصل
قال قعيميل ليامننا طبينا الرياض اعلمك
ويوم طلعو من الحانه ويشوفون القوم جايينهم
قال مرجان وش السالفه ياقعيميل
قال قعيميل لا ابد هذولا النسبا جايين يخطبوني منك
وش تشوف انت
قوم جايين يبون يلعنون جدفنا انحش الله ياخذك
قال مرجان يعني ما تبغانا نقاوم يا قعيميله
قال قعيميل اقووول ارسلن للرياض وانت اجلس هنا غديهم يخرطون واجهيتك
ويهربووون من قوم بنو زايده
ويرجع قعيميل لشقتوه ويدخل ميت من التعب
ويدخل معوه مرجان
قال قعيميل وشتبي انت وخشمك يالقفش
قال مرجان يوم جيتك تقول ابضبط قهوه وهالحين راسي دايخ ابيلي قهوه
قال قعيميل عوزك هذا اللي ناقص يالاشهب اندزلع لا رحمت بغيت تدهورن
ويروح قعيميل للجامعه ويلقاهم طاردينوه
ويرجع لاهلوه مفلس من العرس والوظيفه والشهاده
وتقلدوا تحيتي
رد مع اقتباس
المفضلات