السلام عليكم ورحمة الله وبركاته
كيف حالكم يالربع ؟
هذا أول موضوع لي وابيكم تشجعوني وترفعون بي واضحكوا حتى
لو انه ما يضحك
بصراحه صار لي فتره اتردد على هالمضيف ومن زمان ودي
أكتب بس ما الله عطاني حب الكتابه وخفة الدم !!!!
الوكاد امس قدر الله علي وصحيت من النوم الساعه سبعه
ابروح لجامعة الفلس عاد اول محاضره عندنا دكتور مدمن طرد
والكرود الحمر متوفراتن عندوه يعني لو تحرك رجليك الله يكرمكم
من تحت الطاوله قال (( اطلع براااا )) وانا تراي قامطن العافية منوه
ويقول الحكيم العالمي شبيثان (( السلامه غنيمه ))
الموهيم يوم طلعت ابشغل السياره تسخن واليا والله هذا الكفر
منبنشررررر ألييييييييت يا هالسالفة تساني أكرهه من أعماق قلبي
امرنا لله وش نسوي ايييييه صح وعلى فكره ترى ما باقي لي شي
بهاك الماده وانحرم والله وانا افسر عن ذرعاني وتبطح على هالسفلت
والله وأنا أحكر السبير .. ايييييييييييييه <<< ايييييه = اداة تشويق لما بعد القادم غالبا ً ما تستخدم من قبل المشيبه
واناظر الساعه والا ما باقي ٍ عن المحاضره غير نص صاعه
لحظه لحظه ايضاح (( ترى المشوار من بيتنا الى الجامعه يستغرق نصف ساعه ))
ويوم بقى نص ساعه وانا أشد ناصي ن الملويه وانا اصل بالوقت المناااااااسب
بالملي متر يا حبيبي بالملي متر ويوم بغيت ادخل والا هذا خويي << متسلفن منوه خمسين ريال
قال مرحبا عبدالمجيد وشلونك وين هالغيبات يالذيب << تروه ايتمصلح يبي الخمسين خخخخ
الوكاد انا طفران واصرف بوه من هنا من هناك واليا والله يوم صرفتوه وأقبل على القاعه
وأشوف الساعه والا باديه له خمس دقايق <<< لاحظوا معي خمس دقايق فقط
يعني ثمانيه وخمس ..
وانا اطق الباب عشان يجي الدكتور ما ابي ادخل ويفشلن قدام الخلق
وهو يجي يفتح الباب وانا اتميلح عندوه واتعذر عذر من جاي كذبه من جاي عذر من جاي
كذبه من جاي وهو يوافق ويدخلن <<< حاله نادره وتاريخيه للدكتور هذا
ايييييييييييييييييييييييييييه .... <<< سبق ترجمتها أعلاه
والله وانا ادور لي متسان ويوم قعدت وهو ايعوي هاك الذيب من بيننا آآآوووووووووووووووووو
آآآآآآآآآآآوووووووووووووووووو وحنا نقوم انتلفت والا كلهم يراعون لي وانا أصلع واثاريه
جوالي يا مال الفلال حاطن نغمة الرسايل صوت ذيب من زود الطنخه وانا اقوم
ابطلع قبل ما يكرشن الدكتور <<<< مسوي يطلع بالطيب
وهو يراعي لي الدكتور وهو يقول عباره لن انساها ما حييت :
(( عبدالمقيد ارقع اقلس ما فيش مشكله ))
وجييييييت من عندهم وخليتهم
استروا ما واجهتوا يالربع
محبكم
عبدالمجيد
رد مع اقتباس
<<< قاطه بالفله
المشاركة الأصلية كتبت بواسطة عطرشمر
المفضلات