ياويطي يالأبهات
يالله قلته فغرت حلقي بغيت ازوع
يالربع
انتم تشوفون تعامل ابهاتنا ( ابواننا او باباننا ) يوم حنا صغار
قسم بالله زين حيين للحين
وبيض الله وجيهنا على هالمجهود الخرافي
وشاكر لمرورنا الطيب في هالعمر << متعودن على الردود
عندي ثلاث قصص تبين مدى فداحت تعامل الابوان معنا
الاولى :
يوم انا صغير
يعني كان عمري حوالي 11 او بالكثير 12 سنه
كانت الوالده الله يخليه بالمستشفى
وممنوع علينا الزياره لاننا صغار
وبيوم من الايام جانا الوالد الله يحفظوه
وهو يقشنا معوه ويودينا يم دواموه
قال اخوي الكبير يبه امي مرقده عندكم بالدوام ؟ << وجه مفهي
قال ابوي ليامتى وانت بدوي ما تدري وين يترقدون الناس << اخس يا حسين فهمي انت
ابخليكم تكلمون امكم بالتلفون
وحنا نصيح كلنا وااااااااااااااااااااااااااااااااااااع << نبي نقول هيييييييييه بس غلطنا
الوكاد جلسنا بالمكتب حق ابوي اللي بوه التلفون
وهو يدق على المستشفى
طبعاً بهاللحظه انا كنت جالسن بجنبوه
ولفت انتباهي الزر اللي يقطع الخط ( تعرفونوه اللي حدر السماعه )
على ماقالت امي الو
وانا اضغط الزر بصبعي
وهو يراعيلي ابوي بسرعه ومطيرن عيووونوه
وانا انز بصم الله علي من الخرعه
هو لو اكتفى بهالنظره قسم بالله ما اعوده لاني عرفت خطاي
بس الله يهديه الا يطينه
وهو يمسك صبعي ويحطوه بالدرج ويسكر عليه دون اي مقاومه مني
يوم طلعوه ليمار صبعي ازرق من قرضت الدرج
ولا حتسيت ولا قلت العود
ذليت اقول شين يحط راسي بالدرج بعدين وين اودي وجهي عن خوياي
هم يالله قابلينوه هاللون شلون وهو ازرق من القرض
هذي وحده
الثانيه :
واحدن من العيال الله يخليه لاهلوه كان ابوه مهبلن بوه تهبيل
قسم بالله تقل ساكنن مع بساس مهو مع ابوه
يوم يجينا مطبوعتن عليه ملعقه
ويوم مطبوعتن عليه سكين ( يتسويه بهن )
ويوم قطف زقاره ناشبن بغاربوه
الوكاد ان الولد صايرن تقل حمـــار وحشي مرنقط من كثر الخربشه من ابوه
والمشكله لو تلعن ابوه يزعل
خبل
الثالثه :
هذا واحد من خويانا ابوه مستحقروه ولاهو معتبروه رجال ابد
وكل يوم يجي عندنا بالبيت يقول امنيتي اني اعزم احد بالبيت
قلت وليه وش قاضبك اعزم
قال ابوي ما يخليني اعزم يهاوشني يقول منت رجال
قلت والله من ناحية منت رجال فمنت رجال بس ياخي يعطيك فرصه
وبيوم من الايام رتسب ابوه وراح لبعارينهم
وهو يجيني يمشي الف
قال تعااااااااااااال
قلت وشفيك
قال ابوي راح وانا عازمكم
والله ونروح ونجتمع عندوه بالدوانيه انا وكم واحدن معي
يوم خذينا شوين
وهي تجينا سليما
ياليته سليما
ابوه طلع ناسين شين ورجع للبيت
مافطنا الا هو فاتحن الباب
وحنا نبلع ام العافيه
حدا خويانا غص بتمرتوه
قال وش عندكم هنا يالسرابيت
هااااااااااااااااه
وهو يسحب عقالوه ويهجم علينا
وحنا نغدي بقق
ونتسابق حنا ومعزبنا على الباب
وهذولي هن
وشبلاهم ابهاتنا علينا
وتقلدوا تحيتي
رد مع اقتباس
.
المفضلات