صالح الحميدي الشعيلي
[mark=#33FF99]
بسم الله الرحمن الرحيم
هذه القصيدة مهداه للأخ / صالح الحميدي الشعيلي الشمري
أتمنى أن تحوز على إعجابه ورضاه ....!!
وهو يستحق اكثر من هذا بكثير
[/mark]
[mark=#FFFFFF]
الطيب جــمــه والفعايـــل سوانـيــه ** ولا يسقي الضامي من قصر رشــاه
ســلــم على الـلـي وافــيـات مـباديه ** اللي عـلـوم الـمـرجـلـه نـهج مـبـداه
ســلــم على صـالــح قـبـل عــوانيـه ** اللي ركـاب الطـيـب بالطـيب عـنـاه
خسران ضايع فكر مـن هـو يجاريـه ** ورجلٍ براسه مـخ يـبـطـل مــجـاراه
ربـاه عــودٍ وافــيــات مــجــانــيــه ** حسن نسب اصله وفصـله ومجنـاه
تعب عــلى صـنعه واجـزل مـعـانـيه **ومـشـى على نهجه وفـعـله ومعناه
وصار لـلـعـرب نجم يـقـدي مساريـه ** وبه يقدي من طول الـوقـت مـسـراه
لـيـا لــفـا الطرقي تـقـدم يــحـيـيه ** ولـيـا دنــا وقــرب تـبـســم وحــيــاه
وقـدم لـه الـدلـه بـهـاره مــصـفـيه ** بـأكـبـر عنـايه دلـتـه وقـت يـصـفـاه
فـنـجالها يغدي تعب درب عانـيـه ** ويغدي خوى رأسٍ عنى البعد عنـاه
ومن بعدها على الـسـمـينه يـبـديه ** وإما دبـل ثـنـتـيـن يـتعذر من اقصـاه
طيـبه في حينه على الناس ناسـيه ** الـيـوم يــفــعل طـيـب والغـد يـنـسـاه
طيب الشعيلي ياعرب ماأقدر احصيه ** لو جبت ديـوانٍ مع أوراق ماأحصـاه
ماغـيـره لـنـدن وغـربـتن فـــيـــه ** يـوم العرب تـغـيـرت لـفـظه شــفـــاه
ولا غـيـره لـنـــدن ويّــا بـــلاويــه ** يـومٍ ضـعـيـف الـنـفــس شــره تـبـلاه
عـلـمٍ لبـو طارق مـاشـي يـخـفـيه ** والـشـمـس لاغابـت نـجـومـه تـقـفــاه
وصلوا على الهادي بيضا مساعيه ** نـبـيـنا الـهـادي على الـخـيـر مـسعـاه[/mark]
[أخوك // عبدالله بن ذايد الاطرم ]
رد مع اقتباس
المفضلات