يا عيال والله انها مدبرتن معي
والنفسيــه تعبــــانه والأخلااااق إتش
يدي تحكن ودي اذبحلي رجل و الا مره اللي يجي ..
ودي اعضه مع زردوموه حتى الموت ..
ليه هلــون ؟
ليه ؟
ليه ؟
ليه ؟
ليه ؟ >>>لسان حالي يقول >>كاليــــــه
جد جد
أصعب شي بالدنيا
إذا جاك واحد عديم احساس و انجرح !
والمشكله ما يقدر يقول وش بوه ..
أو بالأصح ما يعرف
في هاللحــظــه
تصدقون
كل شي عندي متساوي
_ فيه زحمه زحمه هنا >>تغط على صــدره>>ضــايق ضــايق ضــايق الى الدفنه
أو اقول مابي شين امزح بس كذا هع
_
ابقول لكم سالفتن لي العام
كنت بالمطبخ
واسمع صوت
يدعي
و اسمع يمار هذا أخوي
قال لي يا فلانه يا فلانه ..
وانا انخرع
قلت هاااااه
قال اركضي تعالي وانا اجيه طايره
هلا أخوي وش عندك
يمار مغيبن يدينه ورا ظهره
قال غمضي عيونتس
وأنا استانس قلت ليه
قال جايبن لتس هديه
و أنا اغمض وأنا اتخيل إنه شاريلي شاص وبيوريني ياه والا جايبن لي بوكيه ورد
والا جايبن لي قاتوه وحركتات
قال فتحي
وأنا افتح
تخيلوا وش شفت؟؟
ضب والله إنه تقل تمساح من كبره
طولي أو أقصر شوي
و ماسكه ابوي ومقربه لوجهي
وأنا اصيح هكا الصيحه
اللي سمعها جميع من في الأرض
وأنا اهج و هو يتسحتن به
تخيلوا دخلت المجلس وقعدت انقز على الكنب
و هو وراي هو وضبه
يــــــــمــــــه كل ما أتذكره
_ انز عن حيلي..
وأنا اسمع صراخ ابوي بعد عمري
يقول منهو اللي على فلانــه بصوت قوووي
و هو ينقطم أخوي و يتجمد بمحله
وأنا اطير يم أبوي وأنا اصرخ
قلت شفه شفه شفه
عجزت احتسي
قال منهو اللي أشوفه
قلت فهيد
وأنا متغيبه ورا أبوي وادفه يم المجلس
و هو يشوف فهيد ومعه ضبه
و هو يذبحه الضحك
قال أفا يا فلانه كل هذا عشان هالضب
و هو ياخذه من فهيد و يحلف علي الا امسكه
وأنا امسكه وأنا مغمضه ..
وأنا افتح يمار الدعوى هينــه وعــادي
اويــيحــي بس واااغميضة خرعتي منه كل هالسنين
نصيحتي للبنات اللي مسوياتلي فيها ناعمات و ينخرعن من الضبان والخنافس والجرابيع والبساسه >>>ترا حتى هم ينخرعون منتس هع
لا تنخرعين بعدين تصيرين مجنونه جربي تمسكين اللي تخافين منه و بيصير الوضع عــادي والهرج موجه للعيال كذلك
مع الشكر
رد مع اقتباس
ههههههههههههههه
المفضلات