الحقووووا علي ..المعذبه م. ن
السلام عليكم
بدووووون مقدمات
ياناس ياعالم الحقوووووووووا علي
بسم الله عليكم مابي شي
بس عندي مشكله وابي منكم حل
قدر الله علي وتخرجت بيوم من الايام ومثل أي فتاه سعوديه تبي توظف بس ماااااااالت مافيه وظايف
وعااااااادي صبرت وتحملت وننتظر الفرج من الله
والحين صرت حبيسة المنزل <<ابووووتس ياللغه
وانا جالسه بالبيت كل ما التفت القى جداراجل وش تبين تلقين
ويقول لي وش تبين انتي ناشبتن بحلقي كل يوم مقابلتن
قلت : دور لي وظيفه وافكك من شري
واخليك تشتاق لي وتقول وينتس يامها كنتي تسهرين معي
وتسولفين علي وما احس بالوحده
قال : فكه نرتاح منتس انتي ووجهتس
قلت : ترى بزعل ولا اخذك معي لاتوظفت ان شاءالله
قال : ازعلي وطقي راستس بالجدار <<حتى هو رافعن خشمه علي <<واثق اني مو متوظفه <<الله لايقوله
وهذي حالتي دااااايم انا وياه
بس الغريب في الامر <<وش عنده
اني الحين امررر بحالة مللللللللل مو طبيعيه
ابي اغير كل شي كل شي
مليت من الروتين كل يوم انام واقوم نفس الشي ودي اشووووف ناس عالم مليت
حفظت كل شي ببيتنا حتى بالمطبخ اذا تبوني اعد لكم كم صحن وكم كأس عديت <<من الفضاوه
لا وابشركم فكرت ادرس ماجستير توووه جايه ببالي تحمست يوم اني تحمست وادور الا هم مخلصين التسجيل <<يمكن خيره
قلت ننتظر للسنه الجايه ان شاءالله
بس المشكله مادري يقبلوني والا لا
حتى الله لايوريكم سريري قطع يقطعه كل يوم لاجلست عليه يطيحن
يقووول : وبعدين معتس الحين انتي وراتس علي لاتجين الاوقت النوم <<يتحكم
وما ابي اشوف وجهتس
ولاجيت ابي اجلس اجيب معي دباسه والا مسامير وادبس قميصي علشان مايطيحن <<تفووو الله لايضرتس
وصرت اتمسك بوووووه بكل قواااااي العقليه ايه ينخاف منه غدار ماادري الا انا منبطحة على وجهي
حتى هو مل من وجهي بس هين ارده لووووه في القريب العاجل
وش الحل من وجهة نظركم الكريمه
و انتظركم بفااااارغ الصبر
المعذبه م .ن <<بسم الله علي
دمتم بوود,,
رد مع اقتباس
المشاركة الأصلية كتبت بواسطة بصري الوضيحي
المفضلات