[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]
يـقـول الاديــب الــراوي الـشـاعـر الدكتور=لـعـلــه يـفـيــد الـعـاقل الضايـق الـمحـتـار
اذا صاغها تسـري سـريـع(ن) مـع الجـمـهـور=واذا هـاض جاشـه بـالقوافـي تسـيل انـهار
الاشـعــار مـيـراثــي من الـشــايـب المـقـبـور=نصـيـبـي بـشرع الله من الشاعر البـيـطار
بـدعـهــا خفوق(ن)في جـزيـل المـثل مفطور=ولاهــي هـروج الـنــاذخ الـبـــاذخ الــثرثـار
لـو انــه مـهــي صـنــعــة قـنـابل من الفسفور=تشـيـلـه صـواريـخ(ن)على شـاشـة الرادار
ولـكـنـهـا كالـطــيــــر صـيـــده مــهــو محـظــور=ولا كل من شال الـتـفـق يـضـبط المنظار
هي اغلى من الجوهر مع الـتـاجــر المغـرور=وتـقـــدر تـواجــه حـــربــة الـظــالــم الـجـبار
الاعـمـار تـفـنــى والـقـوافــي تـعـيـش دهور=وتشهد على الـعادل بـحـكـمه مع اللي جار
ومـن ســاس شـعـبـه بالـعـدالـه فهو ماجور=ولا كل مـن قــاد الـبــواخــر غــدى بـحـار
ومن كان تـاريـخــه مـثــل ظـلـمـة الـديـجور=الاعـــلام مايـقـلــب سـواد الـلـيــال انــوار
وتـاريـخ كـل الـلـي مـضـوا بالـبـشـر مخـبور=والايــام مـاتـبـقــي بـضــوح الـنـهـار اسرار
والاشعار لو تـمـدح مـواقــف رجـال الـجــور=فلا راح يـبـقــى لـه بـوســط العـرب مقدار
مـدام الـمــدايـــح قــالــهــا واحــدن مجـبــور=الامـداح طـارت مع رفـيـقـه مـثل ما طار
الاشعار ماتـبـقـى مـن اهل الدجل والزور=ولايـشـتـبــه خــط الصحـاري وخــط القار
وتـفـرق عـن الـلـي قالها صادق(ن)مـسـرور=مثل فرق زيـجـات الـشـريعه عن المسيار
وربي جـعـل حـمـل الاوادم بـتـسع شهـور=ولا يخــتــلــف عـامـر بـحــمـلـه عـلـى عــمار
ضعيف(ن)ولايـصـبـر عـلـى لـسـعة الزنبور=ولايخـدعـك ضـحـكـه ورقصه على المزمار
ومن سار من بين العرب تـايــه(ن)مزجور=نـسـي او تـنـاسـى حـكـمة ان الزمن دوار
ترى عرش كسرى طاح عقب العلا مكسور=وقـيـصـر قـصـر ورثـه عن عـياله القصار
ولايخـتـلـف مـوتــه وسكـنــاه وسـط حـفور=ولبس العرب خـامه وطولـه ثـلاث امـتار
وفرق العرب يظهر ضحى الموقف المشهور=مـع اللي دخل جـنـه عـن اللي وقـع بـالـنار
ومن عـاش في ريضان قصر(ن)عليه زهـور=سكن حـفرة عـمـقـه من القاع خمس اشبار
ولو العـيـش بالـقـوات ماعـاش بـه عصفور=وهـو مامـعـه لاجل المعوشه سوى الـمنقار
ولا شــال لاجـل الرزق مـدفـع ولا شـرشور=ولا طـايـره لاجل الـتـجـسـس بـلا طـيار
وظلم البـشر ساس الخساره بـنـفـخ الصور=وراعـيـــه مـايـسـلـم مــع الـورد والـمصـدار
اذا نـمــت والـمـظــلــوم لـيـلـه يـهــل عـبـور=تــرى دعـوتــه تاصل سـمـاها بدون ستار
ترى الـظلــم مـايـاتــي ويـنـهـج بلا مخسور=وترى الناس من رب الخلايق وراه انـصار
والانـسـان لـه عـزه وقـيـمـه وفـيـه شـعـور=وله حـق مايـنـهــان قـدره تحـت بـسـطــار
مدامه على درب الـعـدالـه مـهــو مـطـيــور=ولا ســار فــي فــتـنـه ولا صـار مــع ثــوار
وانـا اصــوغ قـيـفـانـي لـنـصـح العباد سبور=ولا اصـوغهــا بـعـروض ربـعـي تـقل منشار
واخـص الـذي لاجـل الـمـراجل تـمـد جـسور=ولا تـتـركــه لو كـان دونــه تـعـب واخـطار
رجالٍ غــدو نـبــع الـتـواضـع ونـبــع خـيــور=وهـو في ثبات العـقل عنـد الـعـرب مـعـيـار
وتـرى الكـبــر لــو رادوه بطـبـوعـهـم مـقـدور=وخلو طبوع الكبر حيث الـعــقـول كـبـار
والاطـبـاع بالمـخـلــوق تكـشـف عـن المـسـتـور=بقـلـب البشر لـو شاد دونه حرس واسوار
[/poem]
رد مع اقتباس
المشاركة الأصلية كتبت بواسطة ابو برهوم
المفضلات