** سلة بوحي ** عبدالله الجعيثن

[عبدالله الجعيثن]

عطني قلم والمحبره .. بفتح اوراق && بكتب عليها نزف روحي..بروحي

رزقي علي اللي للبشر خير رزاق && ماهو بجيب اللي حياته مزوحي

اضحك لهم واكتب لهم كل ماراق && وادفن بصدري غبنتي والجروحي

[عبدالله الجعيثن]

بعض البشر لو يزعل سنين ويروح && ماني بناشد عنه خلّه بحاله

وبعض البشر بالروح واغلا من الروح && اشري زعله ولا ادوّر بداله

لبا عيونك .. يابعد كل مملوح && مقياس رختر منك..عدّا مجاله

[عبدالله الجعيثن]

نفسي على شوف المشاريف ياخليف && مليت شوف الدور ياساكن الدور

البر .. يشفي ضامرن ..هزّه الهيف && وعيني تحب الذود ومقابل القور

[عبدالله الجعيثن]

وجهك طفولي وانت كلك براءه && ناعم وصوتك يالغلا حيل ناعم

[عبدالله الجعيثن]

ودعتك الله وانت تدري بالاسباب && ماهو بنا اللي لاخذا شي عابه

امسح رقم ولاّ اسم واقفل الباب && سؤالك اللي قلت ماله اجابه

نبقى زماله..بس لايمكن احباب && جرحك هنا فج الضلوع وعثابه

[عبدالله الجعيثن]

ازرع من الورد بدروبك && وتصد ماكني قبالك

ياذابح القلب باسلوبك && قهو المعنى من دلالك

حرام وانفاسي تذوبك && والله ما كنّي ببالك

الود منّي رحل صوبك && خلاني وراح يسعالك

[عبدالله الجعيثن]

اهيم في واديك واعشق طواريك && واصبر على فرقاك واكتب قصيدي

سفينتي مرساه ساحل موانيك && وانته مناي ورغبتي وانت عيدي

[عبدالله الجعيثن]

اصابعك ماهن سوا وانت جرّبت && وبتعرف وش فرقي عن الغير بعدين

[عبدالله الجعيثن]

جيتك يدين .. اصباعها نابته ورد && لقيتك اشواك ودبابيس واسيام

[عبدالله الجعيثن]

رد على سؤال الاخت " ســــلام "

في مضيف الشعر المنقول

ماهو صحيح ان كل ماصار ينقال && بعض السوالف ما نعرضه على الغير

احب وانشر وارفع الصوت موال && لكن ما أدنس بنت ناسن بهم خير

وليا حصل فرقى مع الوقت لا مال && اسوق لعيون النشاما معاذير

اكتم زعل وابنى امل وامدح خصال && واقول راحت والنهايه مقادير