** سلة بوحي ** عبدالله الجعيثن

[عبدالله الجعيثن]

اسوق رجلي مع العالم وادرّجها && واقول ياحظ الاصمخ بعض الاحياني

اشوف عميا صحيبي صعب اعالجها && لان الصراحه تفرّق بين الاخواني

ولا الاشاعه كثر منهو يروّجها && تلقى لها بالخليقه قلب واذاني

[عبدالله الجعيثن]

بعض الاماكن بدونك مالها داعي && اروح يمه دقايق ثم اخليها

[عبدالله الجعيثن]

غرّد ترا صاحبك نامي && على قوافيك والحانك

اسمعك والملم حطامي && سجين واغلالي لسانك

الليل من اروع افلامي && معاك واسهره من شانك

اعزف على اوتار الانغامي && يافاري القلب بأعيانك

[عبدالله الجعيثن]

ماعاد باقي بالعمر كثر ماراح && وانا قصيدي بالمضايف تباها

فركت للاعلام مليون مصباح && ولقيت يد الواسطه هي بلاها

[عبدالله الجعيثن]

ياطول ليل الشقاوي يامعنيني && عليك دفتر قصيدي مالي اوراقه

ابيات شعري على شانك تواسيني && تكتب عذر غيبتي في فيّ مشراقه

[عبدالله الجعيثن]

فاتح على الركن وآفكّـــر && والنت يحسب وانا شابك

مزاجي اليوم متعكّـــر && اشغلت الافكار باسبابك

ان دق جوالي اسكّـــر && غرقان في زحمة غيابك

لا زلت ياورد متذكّـــر && ان المعاليق تحيابك

ارجوك لمصافحي بكّـــر && مادام روحي على بابك

[عبدالله الجعيثن]

مشتاق ياحايل انا حيل مشتاق && لمشاهد جبالك ونسمة عبيرك

ياما على شانك تحظنت الاوراق && وخليت شعري تابعن خط سيرك

اسوق لك جزل المعاني والاشواق && واتوق لك ولا افكر بغيرك

[عبدالله الجعيثن]

يمين باللي خلق روحي وسواني && انك بوسط الضلوع ومالكن قلبي

والله ما قد درا في حبكم ثاني && وان كان جالك كذوبن ماهو بذنبي

واذا طرالي اطريّ صرت وحداني&& اخاف من كلمتن تطلع على ك ل ب ي

[عبدالله الجعيثن]

ياهوووه بعض اللقافه تبعدن عنك && لو كان قلبي عليك يرف ويحاول

[عبدالله الجعيثن]

وشلون تسأل حبيبي..طالبك غيّر && ماني مجاوب..تجاوب عنّي الذمّه

والله حبك .. قسم مايلعن الخيّر && الا يجرّع حبيبك كاس من سمّه

بعضي ونبضي وكلي يمك مسيّر && واحب عجن السوالف وأكره النمّه

واسرق معاك المشاعر دامك صغيّر && واغيب وارجع غصب وشتاتك المّه

ابيك ياللي ذبحني خدّك النيّر && ابيك ترحل معاي وناصل القمّه