انا والدباب
السلام عليكم ورحمة الله وبركاته
صبحكم الله بالخير
ودي اسولف لكم سالف صارتلي انا واخوياننلي
كنى سلمكم الله طالعينن للبر تخبرون عاد
وقت الامطار الواحد ماوده يجلس بالديره
وده يطلع للبر ويشوف الربيع والفياض
عاد مالكم بالطويله
الوكاد يوم وصلنى لكى الروض اللي ماودك تطلع منه
وحنى نشب نويرتنى ويصلح واحد من الزقرت القهوه
ونتقهوى ونعين من الله خير ونفطر ونجلس نحش بالخلق
فلان سو وفلان فعل
والمهم ويقمز واحدن من الزقرت ويقول نبي هلحين نركب
دبابات
انا طبع كعادتي قلت قدام (والله من القراده)
ورحنى ودورنا لنا دبابات ويالله لقينى
وحنى نركبهن ونجيك مشلعين ونتجاكر وهذا يحد هذا
المهم وحنى نسوي سباق المهم اني بالروحه
الاخير وحنى نجي بالرجعه وانا اصير الاول ومستانس
وجايبن طبلوني المهم اراعي لخوياي يمار ماحولك احد
وبس اراعي وراي واضحك ولا يدرون اني غشيت ولافن قبل لفتنى
اللي اتفقنى عليه المهم وبس اراعي وراي
ويقردن الله بحدى التفاتاتي عليهم على ما راعيت قدامي
وشوف الجرف اللي قدامي واجيكم معه يوم راعيت
يامار انا متعلقن بلي شجره ودباب الفلس
منبطح قدامي.
انتهت السالفه
ماذا تستفيد (متأثرن بالقواعد)
يويلك من الله ان غشيت
ومع السلامه
رد مع اقتباس
المفضلات