الله يمسيكم بالخير يالربع ويفللكم بالرضى والعافية
اليوم عندي لكم سالفة تبي تجربعله سالفة ثانية
ياجماعة الخير قدر الله علي وسيرة على لي واحد من اخوياي بالدوام
تسيف يالربع او ماتقهويت وهو يجينا ولدوه الله ابوك لابو من علمك الحتسي وغد
اقولوه وشلونك يابابا قال كل بع..
افااا انا ولد ابوي وش تقول قال :انطم
افااا انا ولد ابوي قال :اقعد عند ابوك ليه تجينا ببيتنا
وابوه الحيوان يضحك يقول لا يابابا هذا عمو الجثري
عاد انا قمت اصرف واسولف مع ابوه وشلونك بهالاجازه
شوين مايمدي الابو جاوبن الا والنعله(اعزكم الله) لي بالجبهه يمار ماتسمع الا ضحك الوغد من ورا الباب والابو يعنني زعل هالحين يقول ليه يابابا كذا هذا عمو الجثري
(الله يقلع الساعة اللي جابت الجثري يمك)
الوكاد انا هالحين لو اجود الوغد والله لادق علمتوه قدام ابوه ولو زعل الابو والله خطير اني لاطى على فهقت الابو معوه <<< الفهقه منطقة مابين الاذن والرقبه اذا وطاك الواحد معه اعرف ان امورك دبور
شوين وهو يدخل الوغد علينا معوه لوه صحين تقل صحن حلا عاد انا طرا علي حلا ريال الفسحه وانا افتح افمي قلت غديه مثلوه يوم صار قدامي وهو يحذف الصحن علي اثريه مليان طحين وانا اقمز وهو يقع شماغي وهو ياخذ الشمغ وينحاشبوه داخل ......
انا لله وانا اليه راجعون انا وشلون اطلع بس من عند هالموذي اللي غثن عاد الابو بهالحزه ملعون ابو العصب يوم راعيتلوه يمار مهو عاملن حسابي بلشان بالفرشه يقول يابابا هالفرشه غاليه ليه خربتها ....
اييييه هالحين تساوت عندي وانا اعطيه اكالبوز وهو يمسح الطحين طرت علي ايام موسى نضاو خخخخخخخخخ
وانا اطلع من البيت يوم وعيت بروحي يمار اقول للابو اذا انت ولد ابوك اطلعلي برا انت وولدك ...
وانا اركب السياره وامشي من عندوه طنيان واصلتن معي الاقصى ....
وهو يرجع بي الزمان لايامنا اول يوم انا كبر هالوغد ....
فاصل اعلاني
مدارس نسيم الجنوب الاهليه لصاحبتها (نوره بنت مفلح )
شعارنا :
( عطينا ريالش نهتم بعيالش )
عدنا
يالربع انا يوم انا يوم انا كبر هالوغد كانت عقدتي بهالحياة حاجتين المركى وربطة الشماغ اللي تربطوه لي امي وانا رايحن للمدرسه ...
ابوي اكالوقت (الله يمد بعمروه) لو يشوفن جالسن على المركى بالبيت لحالي ماعندي احد زقرن وشلون لو عندوه رجال قسم بالله لو اجلس على المركى ويراعيلي الا ارعف على طول <<< الرعيفه نزيف من الخشم بعض المرات تحس انو يجي من كثر التنخيش وبعض المرات من الخرعه .....
وتساني ماارعفت والله الا اتحصل البوز حق نضاو اللي تحصلوه صديقي
والله يالربع اني كرهت المراكي هالحين المجلس اللي انا بوه مابوه مراكي قام يزولي بهن ...
ويامني نمت احلم انوه يجينن مركى ويكفخن ليه يايبه ليه هالعمل انا ابنك ماتشوف ولد خويي وش يسوي بالضيوف طيب انا ابي اسوي زيوه ابي استانس يابابا ....
والربطه حقت الراس اتحدا اذا ام عبدالله الجعيثن او الشبث او ماجد او الشقردي او يوسف او شرهه خخخخخخخ
لا والله عاد الصدز بدون شرهه اتحدا اذا واحد جحد هالربطة كل عيال الفصل رابطينه وش السبب ؟؟؟
تحس انك اذا دخلت عليى الفصل تقل داخلن جحر ارانب الله لايبلانا ...
يالربع انا نجحت من اولى ابتدائي بتقدير جيد والله يالربع اني صادز والسبب هالربطه تحس انك ماتسمع زين ولاتقدر تكلم واذا قريت بالمطالعه تحس ان حنوكك يتعبن ماتقدر تكمل والمدرس يحسب ان هذا عرفك خخخخخخخخ
ليه يايمه ليه هالعمل ليه تربطين راسي معقوله تحسبين اني ابخليه بالمدرسه او ابكرم بوه على واحد من اخوياي
والله يالربع اني احس اني انقهرت وابي اخلص الموضوع مااقدر اكمل بسبب الحاله النفسيه
وسلامتكم
ومآف على الاطاله <<<< يعني آسف
وتري مكاسي للجميع
رد مع اقتباس
المشاركة الأصلية كتبت بواسطة الجثري
المفضلات