ناقة الحضري
هكا اليوم قدر الله علينا و طلعنا بها الخليان ..
بالتحديد يم مزرعتنا ..
وأنا أتنيفذ و أنا اجدع عباتي وأنا اتقنع بشرشفي
وأنا افسر يديني ..
>>كانوا العيال الله يصلحهم كلهم متجمعين
و أسرتنا مكتفتن حول بعضها ..
الغويش الصغار والغويش الكبار وزوجاتهم وغويشهم وأمي وأبي ..
و اغلبهم طراااقي و مايصلح يشتغلون>>وكل الشغل صار على راس مال انا>>ياملا البعد ياراجو حتسيي خرب من واجهتك
هذا فودك يالمروه ^_^
الوكاد
قلت لأمي انا اللي ابسوي العشا لاحد يساعدن بأي شي >>قالت امي ياعلوه اوله
و الله واشب النار من هنا و اجيب الرتساب من هنا
واجيب قدري واللحم و اغراضه مزبطتهن بالبيت
بس باقي لي الا انني اوثفه ..
الوكاد
و كل ماجت تبي تقوم امي تويدز عليه احلف عليه وتجلس
المهم انني ما جلست بهكا الطلعه ..
>>جاني شين كذا مدري وشو
و هذي أول مره تصيرلي ..
الظاهر نزعه نذخاويه أو شي زي كذا >>عاد أنا ماني هلون _أنا رفلا حبتين ^_^
وأنا اقهويهم و حالتي حاله
تكه عند الحريم
وتكه عند الرجال
يوم بقي ع صلاة العشا عشر دقايق وانا آكب الرز بالقدر
وأنا احس بالتعب و أنا اجلس عند العيال ونسولف و نسولف و نسولف
وهم يذنون و هم يقومون يصلون
ومكان جلستهم كان شي شي شي أحلى من حق الحريم
وانا انسى عشاي و نذختي
وأناأدعي الخواي >حريم اخواني
وحنا نجلس و نفله و نتفنجل و نستانس و كذا
وفي هذه الأثناء أمي الحنونه منشغلتن بأحفاده وبفروخه الصغار وماخذتهم يم الأرانب .. أو مدري وش قصتهم بالضبط
الوكاد و يخلصون الرجال من الصلاة و نجلس كذا
يمار يمار يمار
حدثت المطمه العظيمه
جت أمي معصبه
و هي تقرواني
انتي يالخبله يالسفيه اللهابو ابو مجناتس المجنى
وشنوحتس دشرتي عشاتس وانتي من اليوم لتس جلبه ومنا طيبتس
وهذا عشاتس واحترق و و و و و و يالرفلا يال >جزء من النص مفقود
ومن ضمن خناقه
قالتلي
انتي مثل ناقة الحضري
إن ثارت نارت وان بركت ماثارت ^_^
الوكاد وانا أزعل عليه وعليهم وأنا اركب السياره
و أتحرا أحد يجي يراضيني يمار لله
ياولد شوي و يجون
اصبري أكيد بيجون
وأتحرا وأتحرا يمار ماهي سالفه
وأنا اويدز عليهم
يمار غارفينن اللي باقي من العشا ما احترق
و يتعشون
عاد أنا كنت متجوعه للعشا
وأنا انقهر ..
ومن عقبها نذرت نذر انني مستحيل أزعل و اتطنى لو إيش صار >>ماحد خسران الا انا
عندي سوعال
فيه أحد يعرف عن ناقة الحضري شين؟؟ أي معلومه اي شين؟
وشكرآ ..
رد مع اقتباس
المفضلات