مساكم الله بالخير
هذه القصيده في ابن العم رشيد زامل الهمزاني
والذي لايخفاكم مافعل هو وصاحبه في حادثه يوم الثلاثاء الماضي
العائله المكونه من رجل وزوجته اثنا غرق سيارتهم الجيب في
وسط الشعيب وفزعه الابطال رشيد وصاحبه بانقاذهم واكيد
شفتو التصوير الفديو كيف جرفهم السيل ولاكن بفضل الله
سلمو والحمد لله
اما رشيد زامل الهمزاني الشمري وصاحبه سيف الشمري
فعلهم فخر لشمر كافه
والقصيده اقول فيها
[poem=font=",5,white,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] يوم الخبر عم حايل سقت قيفاني=مثل المزون اللي سقت دار الاقراب
يفرح بفعل رشيد كل همزاني=حتى الرفاقه والنشاما والاجناب
درى بفعلك كل قاصي وداني=أنقذت حيّ عقب ماهوب منصاب
فعلك يفوق اليوم كل المعاني=يالشهم يالمدلاه فكاك الانشاب
يوم العمر غالي حدته الثواني=يسوق عمره للغريقه ولاهاب
يوم أن غيره ماتعدى المكاني=حول الشعيب الكل خايف ومرتاب
حوّل بوسط السيل والعمر فاني=ماهمته شهره ولاهمّه اعجاب
فزعة شهم لوأنه الموت داني=ماينهزع لودونه جبال وهضاب
نعمٍ بشمر من قديم الزماني=تاريخهم بالعون في راس مرقاب
نعمٍ بشمر من نخاهم معاني=يلقى السعد بوجيه شمر ولاخاب
نعمٍ بربعي كاسبة كل شاني=مثل الشفق لاحل بالوقت ضبضاب
ونعمٍ بربعي بالخفا والبياني=فعله علم مادونه ستار وحجاب
من غير قاصر ماجبرت اللساني=كل القبايل لي قريبين وأصحاب
يشوقني للمدح شيٍ دعاني=فعل الشجاع اللي تعرض للأسباب
وختامها صلوا عِد مالصبح باني=على النبي المصطفى سيد الاحباب[/poem]
وسلامتكم
اخوكم/عمر محمد الهمزاني
الاحد 22/5/1430
رد مع اقتباس
المشاركة الأصلية كتبت بواسطة سيف الدولة
المفضلات