[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليت الخفوق يموت ما قال الحرام=و ليت الورق يرتاح مني ما يضيق
ليت الشعور يعرف مفهوم المرام=لا نامت عيون الحقيقه و الصديق
طال الفراق اللي كشف ستر الغمام=و مات الرجا و الوصل في نصف الطريق
ضاع الكلام و لا بقا عندي كلام=عمر الصراحه موت للوجه الطليق
ما شفتني وشلون خليتك تنام=وسط الضلوع العوج و الحس الرقيق!!!!!!
شفت الغرام أشلون لا قلت الغرام=اما تجي مجنون؟و الا انك غريق
حاول تلم بمعرفة ضيقي تمام=و حاول معي في كل لحظه تستفيق
لا تخذل الهقوه بقل الاحترام=و لا تصير بعيوني قلق و انت الرفيق
حاول معي نلغي وجود الاتهام=ما ناخذ ان المسأله وجد و حريق
ناخذ مشاعرنا على برد و سلام=و نطيق حتى لو نبي مالا نطيق
و اذا وصلنا في حدود الانقسام=نصير انا و انت الكباتن و الفريق
و اذا بقت شرهه على وجه الظلام=حمّلني اللي ما قدر شيله طويق
و اذا الكلام يموت و يضيع الكلام=لا بارك الله با المشاعر و الصديق
[/poem]
رد مع اقتباس
المشاركة الأصلية كتبت بواسطة رحيل الوهبي
المفضلات