عزالله اني ضيف مار ودي انا اللي اعشيكم
مساكم/ صبحكم
الله بالخير والسرور الجميع .
اول شي احب ان ارحب فيني كوني توي منصلدز عليكم <<برآآآآآآآآآآ
وتروني ماقلت منصلدز الا تميلح مني ولاني عندي هدف ثاني وهو اني ابي ازيح
الستار عن شخصي الكريم<<اخس ياشركة معادن
اخوكم صلعان خاف ما احد خذا باله من المعرف من مواصفاتي اني سهل المراس
واغلي فلة الحجاج والتبادل المقوسي
وصدري يديور به الفيل وازيدكم من الشعر سالفه وهو مبنشر بعد<<دور اهلك يهالماقس
وعاد يوم بركة بي ناقتي بينكم تروني حالف عليكم كل ابوكم ان عشاكم اليوم عندي
ادري ان العرب قبلي ماسوته قلت خل اسن هالسنه <<يدري ان محد منزله نزاله
فالله محييكم اليوم ناوي اذبح لكم حدا مواقفي بهالجامعه وان شاء الله ان هالموقف
يدسم شواربكم كرجال وبراطمكن كنساء((وقع بمطب مالهن شوارب ))
هذا ياطويلين الثنايا في يوم من الايام قسم الله اني اداوم في جامعتي الموقره وانتم تخبرون
الدوام ياصار عقب انقطاع طويل يصير له لذه وطرب((احتسي عن الشطار مثلي طبعا))
وعلى طاري طرب استأذنكم بلي بيتين خارج الموظوع وتروني طالبهن من شورابكم وبراطمكن
((ثاني مره يقع بالمطب ))
يقول الشاعر
العود يوم انه يجيب العيالي ****** يبي بتال العمر لذه وطربات<<هذا الشاهد
مادري وش يقول بالبيت الثاني مار بتلاه يقول والعود له سبع كوبات
نرجع لموظوعنا
لبست احلا الثياب وتعطرت باحلا العطور <<يتسرخ هو ثوب واحد من جابته امه كابنه وكل
ما يطول يطول الثوب والطيب ما احطه بذمتي بس يقولون انه رامس
دخلت للقاعه ودخل الدكتور حفظه الله <<بدأ مسلسل المصخره
حضر الدكتور ونده اسمي يمار انا له من امس حاااااااااااااااااااااضرررررر ولا احط نفسي بذمتي <<وسيع ذمه
مار هقوتي ان اللي حولي انصقهو من زقعتي بس يالربع لاتلوموني متحمس
يوم خلص الدكتور من التحضير قال اللي ما جاب الكتاب ياقف يمار يوم دارت بي الدنيا
هذا الشي اللي ما حسب له صلعان ولا خطر عليه اليييييه ومصخي يالربع تروه مصيبه
انك تاقف قدام الطلاب وخصوصا اذا كنت دبابه تصنعب بنص هالقاعه تقل خيمه
<<بقية المسلسل موقف عن العرض بامر من هيئة حقوق الانسان
الوكاد خلصنا من هالبليه وجانا بلية عقبه وغدا يشرق بنا ويغرب بنا ويالربع هالدكتور هذا
دبل تسبدي اكثر من ((المروح)) اللي قبله اقل شي هذاك كليته انا واستانسو
الطلاب اما هذا دبل تسبودنا كلنا لاشرح يونس ولا وجه يونس متهدلق وجهه تقل
حازمه بسيم واراعي للطلاب يمار الواحد تقل لاحس له يمونه <<متعوب عليه
مكتمين مالهم خلق عليه
مالكم بكثر القرقره تهيضت عندي المجنونه وانا اسجه بهكالبويتات تعبر عن مابداخلي
من بلاوي .
القصيده تقول
دكتور تكفى لاتفكه علينا &&&& ذبحتنا تصلخ علينا من اليوم
قبلك قليل الفود مقس علينا && وخلا الحضيض اللي تقل وجه جلموم
في حصتك حمى الطفش يحتوينا && وتمشي بي اللحظات والصدر مكتوم
ياليل ابو لمبه تجي من تجينا && وابو زعبل هي والطهيسي بهاليوم
دكتور تكفى بعدها لاتجينا && والا اقول الحق نبي نقضيه نوم
اخيرا اشكركم من اعماق قلبي واسف على الاطاله مار الفيد يجر الفيد
وغير هذا انا ضييف عليكم وفوق هذا انا اللي موجبكم <<برآآآآآ انت ونزالتك
لا وازيكم من الشعر سالفه منجضع بالصطح واتسمع ربابه لمهلي حشاش
وتقلدو حبـــــــــــــــــــــــــــــي
رد مع اقتباس
المفضلات