مهيله حائليه وقدوع حايلي ....... شاركنا:)

**هند القاضي** · 10-05-2009 15:53

.

" يثبت "

.

**شرهه** · 11-05-2009 07:50

والله العظيم انني ما أنكت ولا استهبل

‏>‏ انني الشيئ الوحيد المميزه فيه
القهوه و الشاهي ..

قهوتي تعدل الراس ..
حتى بشبتنا اوثف القهوه لأخوي وامشي

مع العلم انني دايم اتعاجز واخبص الدنيا هيل و قهوه كلهم احطهم بالمبهاره

‏_‏

أنا اعتقد ان الأسباب اللي تخلي القهوه شي
1
الأول في جودة القهوه و نوعيتها
مو كل الأنواع واحد
السبب الثاني الخبره
السبب الثالث كذا من الله ^_^

تحيتي لتس

**شموخ شمالية** · 11-05-2009 14:07

هاه عطوره

ماحصلتي القهوه .. توي قايمه ومشتهيتها . ياالله بسرعه سويها

وعلى بيتنا على طوووووووووول ..

انا بأنتظارك ..

وابشري بالغداء الزين ..

تريني مو هينه بالطبخ .. منتااااااااااازه باالحيل

اسعد الله ايامك ..ومسائك فل

**بنت الجبل آخت القصيد** · 11-05-2009 20:56

المشاركة الأصلية كتبت بواسطة طلال

.
.

اصبري هههههههه

وشـ زعفران يطبخ ؟!!

لا ما يطبخ !!

اضيفه مع الهيل و المسمار في الدله ( المبهاره )

لاهنتِ

اللي علمن اكالطريقه جحدن اليوم

يقول هذي طريقه خاصه له بس

بس والله فيه ناس يحطونه مع الماء يطبخ عشر دقايق وبعدين يضيفون القهوة
وتطبخ ربع ساعه وبعدين يهيلونه وتطلع جنان

لاهنت

**بنت الجبل آخت القصيد** · 12-05-2009 08:41

هنوده
الله يثبتس على الصراط ...

بس اشنوح ماتحطين هذي مثل موضوع روحوش

<<<روحوش ماسرقت من موضوعتس شين

.
.

وينهم الشيبان

.
.

**روح حايل** · 12-05-2009 08:53

يالغاليه محد حولتس كلن عندوه صبي

قهوتي والله مدري احس انها عاديه وعلى قولتس تخبيص

بس ياربي لك الحمد لا ذقت القهوه عند احد قلت يازين قهوتي

ومبلشتن وحده لا سوت الشاهي تحطوه بصلاعه والصلاعه مره تحط به شاهي

ومره مرمريه

وتنقد على شاهيي هههههههههههههههههههههههه

اقول للي ينقد وهو من جنبه الخلاااااااا

عطروش طريقتي هي خبص المقادير سوا ما احب الهيل الكثير يوجع التسبد

الزعفران مزاج ماهو دايم ، كذلك المسمار ماحب طعموه واضح

يكون الماء مفوح واحطوه بالمطباخه واحط القهوه والهيل والمزاجيات الاخرى

تطبخ ابو 3 دقايق او 4 اخليه تركد شوي ثم ازله بالصلاعه

طبعا القهوه لونه لا فاتح ولا غامق ، وافضل حمستي من الشي الجاهز

القهوه اسميها ((( الموّنــــسه ))) << تأسيا بكلمة عجوز الله يمد بعمره قولو امين

عطروش

اشتهيت قهوتكم ههههههههههههههههههههههههههههههه

**بنت الجبل آخت القصيد** · 13-05-2009 01:26

شرهه الله حيه

انا معتس بجودة القهوه وحمسته وايضا الخبره

بس مايغثك الا على الوجه يوم تزين ويوم لاااا

.
.
لاهنتِ

**هند القاضي** · 13-05-2009 01:59

المشاركة الأصلية كتبت بواسطة عطرالقصيد

هنوده
الله يثبتس على الصراط ...

بس اشنوح ماتحطين هذي مثل موضوع روحوش

<<<روحوش ماسرقت من موضوعتس شين

.
.

وينهم الشيبان

.
.

ههههههههه شرايج تضيفيها انتِ لروحج وأكون شاكرهـ لج

< أكثر عوابه

ولا يهمج عطورهـ كنت وقتها داشه من جهاز أختي

الحين بضيفها ولك تكرم عينك

**شام** · 13-05-2009 09:46

شكراً لك عطروش
كنت احب اشارك
بس ماعندي فكرة كاملة حول اعداد القهوة
سأسأل الوالد و أعود لك بجواب متكامل
لك الود

**&^^مهــــا^^&** · 13-05-2009 14:41

قهوتنا احس انها تقريبا تشبه الطرق اللي تفضلوا فيها

وانا تعجبني اللي فيها زعفران بس مادري متى احطه ولا اعرف وش افضل نوع ياليت تعلمونا ؟؟؟

وبعد ماحب المسمار لانه قوي <<من سألك

بقولك طريقتنا : اول شي نضع القهوه ونضع عليها المويه ونخليها تغلي لها شوي

وبعدين نضيف الكوفي ميت ونتركها تطبخ بس مادري عاد كم

وبعدين نسكبها في الدله ونكون حاطين الهيل وانتهينا

ويعافيك ربي عطروووووش <<تكتب الطرق الثانيه

تقبلي ودي,,