أبا آآسج كود همّوووم قلبي تودعني
:
:
:
من الضيق مدري وين أبا آآروح يا مشكاي ؟
أبا آآسج كود همّوووم قلبي تودعني
ღ
لو ان البلا بعداي كافحت شر اعداي
ولكن بلاي ادنى الدنايا يصارعني
ღ
بلاي وعنا قلبي من اللي طلع لي جاي
يبي عن طريق الخير والحق يمنعني
ღ
رمى يحسب انه يدرك اهداف في مرماي
ومن اخلاقي اللي زينتني يطلعني
ღ
وقفت وتحديته برايٍ يخلف السراي
وانا آفوز لو محدٍ (ن) من الناس شجعني
ღ
يقول العرب والحق والشرع في مخباي
وانا آقول دوبك لا تحاول تقنعني
ღ
وصفقته على وجهه وفي خده طبع حناي
هرب خايب الرجاء وكفي إلى اليوم يوجعني
ღ
علوم بلشت بها ويبلش بها الحكاي
وانا قلبي ادري بالردى ما يطاوعني
ღ
تزحزح جبال وما تزحزحت عن مبداي
لو اني مره وش فيه؟ بالله وش يعني ؟
ღ
مره واتشرف وان تعليت في مرقاي
تطيح الرجال اللي على الدرب تتبعني
ღ
الا يا محمد يا حياتي ويا دنياي
لعلك الى نبتت شواربك تنفعني
ღ
لعلك تصير سراج واشوف في مسراي
حيايا تبي في جوهر الروح تفجعني
ღ
ولعلك من العلة وجرح الضمير دواي
والى صحت من صكات الايام تسمعني
ღ
ولعلك تسل سيوف فزعتك يا يمناي
وعلى دنيتي من معركتهم ترجعني
ღ
ولعلك وانا امك في فعولك تحوز رضاي
وعسى الله فيكم يا عيالي يمتعني
أتمنى أن تقرأوني بِ عمق
وتتأكدوا أنه { إجتياحٌ شعري } ل أصل ل ذوائقك النقيّّه !!
وإلا .. ف القلب "" في عنفوان الرضا يتقلبْ
رد مع اقتباس
المفضلات