( الفاصلة العبدية : أليست " عبدة " قرابة ؟! )

[الحيمري]

الحيمري

نفّس وصل على نبيّك...

الضيغميّه لعبده كلّه...وهذا الصحيح.

اما غيره خرابيط ومحاولة تفرقه

الحيمري سؤال: ليه بني هاجر ضياغم وباقي شمر على كلامك ماهم ضياغم؟

عبدالله جعيثن
صلى الله على نبينا محمد
انا ان نفست بالسوق اللي انت تخبره ماتوفقت لاتنسى كلامي

موبس الهواجر غيرهم موجود ضياغم

حسب سؤالك باقي شمر ماهم ضياغم

هذا لاتسالني عنه

اسئل ضيغم عنه قل ليش ماجبت اللا الجعفر والهواجر والصهبه والعايذ وشف الجواب

سلام

[عبدالله الجعيثن]

رحت وسألته البارح




وقال لي ........من قال؟




قلت الحاقدين واللي يموتون على بث الفتنه بين شمر ...يقولونه


قال يكذبون وماعندهم سالفه.....



الضيغميّه لعبده كله....




مانت مصدّق...رح انشده انت.

[عبدالله المهيني]

انا لي رأي ولكن بحتفظ فيه لنفسي


لكن ودي من الجميع اللي يقول لعبده كافه واللي يقول للجعفر وبس


يجيب لنا قصايد تثبت كلامه


والقصايد هي الإثباتات في الزمان الماضي











همسه لأخوي الحيمري

تراك تقدر تقصر كل هالكلام بـ قصيدة لمحمد الدهمان الظفيري

كانك حافظه أكتبه هنا وأغلق الموضوع




همسه لأخوي عبدالله الجعيثن

كان فيه قصايد تثبت كلامك هاته وخلونا نقفل هالموضوع اللي طال






شوفوا لنا مخرج يا جماعة

مايصير كل واحد يعيد ويكرر نفس الكلام ولا هو اللي أقنع الثاني ولا أقتنع منه







ولا هنتوا جميع

[الحيمري]

عبدالله المهيني تشكر

قصيده بن دهمان ماهي اثبات الاثبات موجود
شجره مع مخطوطه
تثبت ذلك لكن انها تمس بعض عوايل شمر وانا انتظر السماح لي من المضايف بنشرها

اما بالنسبه

للجماعه اللي جرى منهم بعض التصفيق لايهمون احد لان هذه احلامهم

سلام

[عبدالرحمن]

والنعم بالجميع.
اعتقد ان مابين افخاذ شمر وتفرعاتها اكبر من كل هذا!
لذلك اقول اخوتي الاعزاء: ان مناقشة مثل هذه المواضيع والامور
لافائدة ترجى من وراءها ! إلا من رأى ان الاختلاف والتناحر فائدة للقبيلة!
نعم ايها الاعزاء قبيلتنا عقد ثمين مرصع بعدد من الجواهر فلا تشوهوا جمال العقد
بالبحث عن امور لا تفيد بشيء بقدر ما تضر قبيلتنا وتجهد شبابنا
في بحث اقل ما يقال عنه انه غير ذي جدوى وغير مفيييد!
كـ متى تم صنع هذا العقد! ومن الذي صنعه! وماذا يأن يأكل ويشرب!
ومن اي العرب هو! و..........الخ.

تحية وتقدير للجميع.

[باجي]

مرحبا يا خوان معكم واحد محايد سالت كبير في السن ورجل ثقه من عبده يقول نقل من الشيخ نواف بن مطني بن شريم رحمه الله ان الى مهو ضيغمي ماهو عبدي وشكرا

[شرهه]

يعني معقوله كل الفرسان الضياغم اللي جو
ماتوا بذيك المعركه ؟ او انقطع ضناهم ؟
بس الجعفر ؟؟؟؟


والله يا ليت ماني ضيغمه..
لإن ودي أصير من طي حفيدة حاتم


طيب يا حيمري
ليه عبده اسمهم عبده؟؟؟>>مو عشان انها من عبيدة قحطان ..؟ طيب ليش ماهو بس الجعفر هم عبده؟؟


طيب باقي عبده من وين؟؟؟


و وسع صدرك يا حيمري
تحيتي لك

[أبو روز]

الضياغم والضياغم


الناس سوت تحالفات ودول وحنا الضياغم الفلان والفلان بس


الحيمري لا من توازيت انت تنتخي بشمر والا بالضيغمية ؟؟؟


الهواجر كلهم لك ما احد مشاركك بهم كل يوم رح سلم عليهم وقلهم انا وانتم بس الضياغم والا عبده ماهم منا ولا حنا منهم .


والضيغمية لك ما نبيه بس اهم شي تكون مرتاح واذا انت معصب اشرب لك كاس ليمون وريح .

[وافي الزنيدي]

الله يصلحك بس والله ماني نازل لمستواك وهذا يدل على ضعف الحجه على فكره يعني لو بغيت اسبك واشتمك كتبت من اليوم الا بكره بس ماهو هذا هدفي ولا خلقي .

لكن نرجع لصلب الموضوع وهو اللي انت خايف منه وانا عارف ان كل هاللفات والحوصات الي انت تسوي علشان ماتجاوب.

الزنيدي
اولا ابي تقولي ماذا يكون مستواك ؟
ثانيا صلب الموضوع انت تعرف وغيرك يعرف ان الموضوع مايختلفون عليه اثنين لليعرفون ماهم اللي ينبحون على غروب الشمس
ثالثا استرح انت مامنك فايده لان سلوب المناقشه ماشي مع جنبه؟؟
رابعا هل عندك مشكله مع الجعفر دايما اذا كتبت انا عن اي موضوع اعترضت فقدت صوابك على اي موضوع يخص الجعفر ليه اشرح السبب على شان انهم حكموك من قبل وضحلي خليك سريح وانا ماعندي لفات وحوصات مثل ماقلت كلامي واضح واجبت من قبل عن هذا الموضوع بالذات لكن انت تحاول انك تلقا مدخل يوصلك لهدفك الفاشل وتحاول تثير غيرك بنفس الموضوع

اذا انت او غيرك زعل من كلام الحق والكلام الصحيح يزعل

الواحد يقول الحق حتى لو يزعل كثير من الناس لان الحقيقه مره و المجامله بالنسب جريمه

سلام

اخوي الحيمري
جزاك الله خير لأن أسلوبك بدأ يتعدل ابي أوضح لك عدة نقاط يمكن أنك مافهمتها من كلامي:-

1- قلت لك أنك تخطي على أهلك وأبناء عمك ورديت علي بأبن عجل وهذا دليل أنك مافهمت وش أقصد معنى كلامي أنكم يالجعفر من قديم مناسبين فخوذ عبده وغير عبده ومناسبينكم فخوذ عبده فأنت بمثل هالمواضيع تقول أن باقي فخوذ عبده غيركم مضيعين أصلهم فهل ترضى أنك تناسب ناس مالهم أصل وترضى انهم يناسبونكم ناس مالهم أصل فمعنى كلامك أنك حتى لو ان كلامك صحيح انه انتم الضياغم لحالكم ضاع أصلك مع اللي انت ناسبت ؟؟

2- انا أقولك اذا أوجعك راسك وين تروح ولا رديت فابي أجاوب انا عنك واقول تروح للطبيب واذا بغيت مسأله في الصلاة والا الصوم تروح لشيخ فاذا بغيت مسألة تاريخيه أكيد انك ماراح تروح لسباك والا كهربائي تبي تروح لمؤرخ وانت الله يهديك ماترد بكلام مؤرخين وارجع لردودك اذا كان انك اعتمدت على كلامك باي مرجع علمي ترى لك حق ولكن ترد بكلام اي واحد يكتبه مثل (أسال أطرف واحد والا لقيت شايب وقالي والا متحف بتركيا) وشلون تبي اللي يقرأ كلامك يصدقك(وعلى فكره متحف تركيا اللي تقول عنه ترى مجهز لك رد وبالادله عليه بس مخليه بعد ماتنزل موضوعك اللي انت تقول ) .

3- اما موضوع كلامك عني بخصوص الجعفر وانه يفقدني صوابي فأقولك :
ياجماعه ويامشرفين , الرجل يقول أنه اذا كتب موضوع عن الجعفر اني أعترض وأنا أقول ارجعوا لمشاركتي اذا لقيتوا لي مشاركه وحده بموضوع يخص أخوي الحيمري عن أي موضوع الا هذا الموضوع(ضيغم) فأنا حاضر بما تطلبونه ويكون الحق علي .
اخوي الحيمري خاف الله يارجل والله ماناقشتك الا مره وحده وعن نفس الموضوع فقط وشلون تتهمني بشي ما سويته وبالنسبه لموقفي من الجعفر فهم علشان اريحك واريح غيرك واقطع عليك الطريق فهم تاج على الرأس ولهم ماضي وحاضر لا ينكره الا حاقد .
وبالنسبه للحكام واقصد الرشيد فسامحك الله على سوء ظنك بي اقسم بالله اني كلما ذكرت وش لون راح الحكم انه يطير عني النوم .
من ينسى عبيد ومن ينسى المهاد ومن ينسى الجنازه ومن ينسى حمود العبيد ومن ينسى ماجد الحمود لو تبيني أعدهم لك الى الصبح ماخلصنا الله يسامحك بس. السؤال اللي مابعد جاوبته ولا تقدر تجاوبه وهو صلب الموضوع لا تقولي انا جاوبت من زمان منين انتم من الضياغم من ال راشد والا ال شهوان واتمنى انك تجاوب
ملاحظه أخيره اخوي الحيمري اذا تبيها وان ما بغيتها خلها .
من تواضع لله رفعه فخلك عنك التعالي ولا تقولي عزه نفس لان عزة النفس في مواضع ومواضع أخرى تسمى تكبر وتعالي ولا تحسب الشيخه والمشيخه تجي بأسلوبك هذا .
على فكره شيبانكم متقهوين عندي قبل فتره والله ماشفت واحد شايف نفسه منهم .
الله يهدي الجميع

[هايس الشمري]

الحيمري..


لا اذكر لك تحذيرا.. و على العموم لا يهمني تحذيرك..


اما انا ماذا فعلت..!؟


كل ما فعلته انا قرات لرجل تعب و بحث.. و جاء اخر ليقول له بحثك غير صحيح.. بدون دلائل..


فكان الواجب علي أن اقول لهذا الشخص استمر و لا تجادل شخصا بدون حجه.. فقط يا عزيزي..!



و نحن هنا في موضع نقاش نريد ان نستوضح الامر بدلائل لا مجال لفرد العضلات هنا..!!!




اما بالنسبة لتسائل اخي عبدالله المهيني عن القصائد..


فعبدالواحد كتب بحثا كاملا عن هذا الموضوع..


لم يناقشه احد فيه..!


و بالنسبه للقصائد



فهذه قصائد تؤيد رايي.. و اريد رايك بها..




و هذه احدها و هي لشايع الامسح..!




طارشي يم الشريف ابن هاشـم = برض الحجاز اقره مني سلام

قله بني عمك زوبع تودعـــك = ودايع ضاعت ثـمان أعــوام

من نجد للشام جزعنا من الــوزا = كم ديرتن منا غشاه عـــسام

زوبع هل العليا حمت دارك الحرم = ولهم بطــول النـايفات مقام

لنا بها من نســل الأشراف عزوه = من دور عرّاب المــــــياه سنام

حدرنامن الفوران وجـبال مكة = على اللين والكايد نحــط ركام

نزلنا وادي السرو في ذارع القنا = يما ادبحت عنا خـــيول ظلام

وجانا من عيال العم الجنوبي سربة = معهم من عيال الخوال عـمام

ضياغم يافون لاحل الـوفـا = من دور يدعي هم ملوك اورام

من راد يعرف من نسبـهم حسبنا = لنا بتاريخ المــــــــلوك علام

لنا في رم والحجاز قــــدايم = ولهم بمأرب ذورة ومقام

حنا ملوك الغرب بذالة الصــخاء = نركي على كبد الحريب وخام

منا عدد عشرة وعشرة هم الـذي = خاضوا غمار الموت والأوحام

بني عم ما بنا ناحي النــسب = حنا بني هــــاشـم من الأكرام

من المطلب حنا على راس ما نبا = قبله جدود ذروة وسنام

وهم عشرة واثنين مايزيد عـــدهم = من جدهم كهلان روس اقوام

تواردوا طي هل الجود والثـــنا = رفاع المناسب من مــوارث لام

تعاهدوا معهم على البر والــوفا = لكن دّوار العــيا ما نام









و هذه للرقيبا يقول مقسما الجيش..


الخيل عن وجه الضياغم تجله
والخيل بالصايح تزايد عياهـا
الخيل معها زامل مردف(ن) له
وسعود شوق اللي جديداً صباها






و كذلك القصيده التي اوردها اخي عبدالواحد



أخيرا : يقول أمير شعراء الجبل ( مبيريك التبيناوي ) المشهور والضليع بالتاريخ والانساب قبل حوالي 200 سنة -- وكأقدم نص في مجاله العبدي كما ذكر أحد الأخوة الباحثين -- عن بعض مغاوير ( ال مقدّم / ال يحيا ) من قصيدته الشهيرة : ( آيات خمسين ن تعشيهم الشات -- من زوبع وضياغم ن خالطينه ، 000 ضياغم ن ما سايلوا عنه لو مات -- ولا صفـحوا عن واحد ن طالبينه ) .




فما رايك يا ابوصالح..؟