.
[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاتقول الشمس غابت.. لاتهيم بكل وادي=لاتزوّر بالحقايق..والتواريخ مخبوره
/
مايحجب الشمس منخل..لو تجاهر بالتمادي=تقصد الشعار فينا..والفخر منّا بخوره
/
من بدينا مآختفينا..نجمنا بالكون بادي=سجل التاريخ شمر..والقمر يشهد بنوره
/
بالكرم حاتم زرعها..وابتدينا بالحصادي=النبي قاله لسانه..يوم سفّانه تزوره
/
مانهايط في كرمنا..نجرنا دايم ينادي=يوم جاع الذيب مرّه..عودنا عشاه زوره
/
ان كرمنا حيل نشبع..تشتكي منّا الهوادي=وان ضربنا غصب نوجع..نشبع السبع ونسوره
/
الشجاعه ورث فينا..ويل منهو له نعادي=من نوانا يوم نيّه..نستحل ارضه ودوره
/
يومها قضع السيوف..ويومها ضرب الهنادي=ما يروم الصيد حر.. وصقرنا فارض حضوره
/
للعجوز اللي نختنا..قادنا عبيد القيادي=من ظلمها ماتهنى..يوم جاله هد سوره
/
القبايل له مكانه..كل رجلن له مبادي=النعم في كل حي..يطلب العز ويدوره
/
يومها صارت سهاله..احمده رب العبادي=الفخر لاخوان نوره..الفخر لاخوان نوره
[/poem]
.
رد مع اقتباس
المفضلات