بسم الله الرحمن الرحيم
السلام عليكم ورحمة الله وبركاته
[poem=font=",6,black,bold,italic" bkcolor="silver" bkimage="" border="double,4,black" type=3 line=1 align=center use=ex num="0,black""]
تدري وش اللي للمعاليق سراد = شلفا الصديق اللي طعنك بغيابك
ياصاحبي وقف وبسالك وش فاد =يومك سقيتن مر باقي شرابك
سدي وبيحته ولاينفعن عاد =عضة ابهامي لو تحت سن نابك
شيخ القهر بين المحاني ترا ساد =يخيل طشات الرحم من سحابك
ادخل على الله ثم على سلم الاجداد =خلك كما رجمً سلا من رقى بك
ياكيف تجمع ماتشابه من اضداد =تجمع قرابة دم وتصك بابك
ذلول فكري ماركب فوقها شداد =قامت تحرى مايحطه جنابك
العد بين الناس صادر ووراد =واللي حكالك اعرف انه حكابك
بعض البشر مابين ساكت ونقاد = بس القهر والخوف لامن سطى بك
والغيره اللي جمرها حيل وقاد =اول ضحاياها من اطرف ثيابك
ياهمي اللي للمعاليق قداد = قديت كبدً ساطيً به صوابك
ياشينها لامن على روس الاشهاد =همً تجمل بك وهمً وطى بك
والطيب لامن لامس كفوف الاجواد =دنق حيا قبل الاصابع تشابك
[/poem]
الشمــــــريه
رد مع اقتباس
المفضلات