شفـتني ( مغـليك ) إيـاك و " الصـد "
ترى [ التغـلي ] درب تشتيت الأحـباب !
و لا تسمع اللي يـقـول : ( إثـقــل ) تشدد
ترى أغـلب الضيعات من [ شور الأصحاب ]!
شفـتني ( مغـليك ) إيـاك و " الصـد "
ترى [ التغـلي ] درب تشتيت الأحـباب !
و لا تسمع اللي يـقـول : ( إثـقــل ) تشدد
ترى أغـلب الضيعات من [ شور الأصحاب ]!
من يقول إن التعب ما ينقسم بين الحبايب
والله إني صرت اتعب لا تعب خلّي وطاح
..
..
ما يحس بــ [ بَرْد قَلْبَكـ ] / غير من يَسكن شِغَافه ..!
............... كُلْ.. ما ./ .خَيَّم .عليك الـــ بَرْد ! / جابته ,, الثواني ..!!
الدِفَـــا : ما هو بــ فَرْو ٍ .. / تَلبِسَه / وإلا لِفَافه !
................. الدِفَـــا : روحك تــضُمْه , من غلا .. / في روح ثاني !
والشِعْر..[ دَمْع الشِتَاء ] ../ بــالله وش عُذر إنجرافه ..!
............... لــ أندفق .. من عين قلبي .. دَمْع! / ضايقني .. مكاني !؟
و الزِمَنْ ! لو باعني للضِيق / ما الحقته .. حَسَافه .. !!
.............. عَادِته ! فــ الناس , / يرميهم .. و أنا وقتي .. رماني !!!
ما علي! , معي [ النُوايا البِيض ] ,وَ الـ طُهْر وعَفَافَه ,,
.................و الزِمَنْ , وش عاد لو مرَّة , مثل غيري / نساني .. !!؟
..
..
العلـم غانـم والـرديـه رديــه= والمرجله والطيب والعـز والشـان
والقوم قومـي بالسطـر والحميـه=طيب وفخر من وين ماجيت ويـلان
قبل اكتب المعنى واجيـب التحيـه=في داخلي شيً وانا منـه سهـران
هاض الخفـوق العبـة السامريـه=ليني عزفت الصوت جريت الالحان
ياعيـال شـدو طاركـم بالمسيـه=والله ترانـي للتعالـيـل ولـهـان
اقـدم حـروف القصايـد هـديـه=متبرجـه مابيـن لؤلـؤ ومرجـان
مدامكـم فينـي ومـنـي ولـيـه=تستاهلون المدح من دون حقـران
رجالنـا مـاهـاب درب المنـيـه=شجعان خلقـه بالمياديـن شجعـان
والا نسيتـم قـصـة المنـذريـه=يوم انتخت رغم انها بنـت نعمـان
قامت جيوش القـوم لجـل البنيـه=في حرب كسرى غيروا كل ماكـان
ورع عنـزه لاثـار لعيـون خيـه=مايوقفون قبالـه جيـوش الالمـان
فيني فخـر ماشفـت مثلـه وزيـه=اني ولد عياف من صلـب مـران
سويلمـي ياحـي ذيـك السمـيـه=متوارثين الطيب من دور مشعـان
محيسـن وهمـل اسـاس الخليـه=ووطيب والطيب وحماطر وعدقـان
يمشـون بعـزوم الرجـال القويـه=ومن قدهم قايدهم الشيـخ فرحـان
ماقلتهـا يعنـي كـذا عنصـريـه=مافيه احد من فوق احد كلنا اخوان
ابرفـع المعنـى عـن الجاذبـيـه=وابترك أبيـات القصايـد للشجـان
القلـب يشكـي والمحانـي لضيـه=والدمع وقف بين رمشي والاعيـان
من سبة اللـي ساكـن الفيصليـه=اللي عساه يعيـش دايـم بسلـوان
ابـو جديـلً عتمـتـه سرمـديـه=كنه سواد الليـل عمـاي الالـوان
بنت الرجـال اللـي لهـم مقدريـه=هم للكرم والطيب والعـز عنـوان
مافيـه عيـب ان قلتهـا وايلـيـه=في وسط عرعر ماهي بوسط نجران
مثل النهر اعذب من البحـر ميـه=وشفاتها كنه غضى جمـر بركـان
يـاوردً بيضـى جـديـده نقـيـه=متمركزه مابيـن كـادي وريحـان
ماجيـت اجـدد قصـة العامـريـه=لاكن كتمت الشوق والشوق حرمان
شفـت المعانـي تنعكـس لولبيـه=توجة للشـوق والشـوق نيشـان
الحـب دايـم للخلايـق قضـيـه=كنـه فلسطيـن الحبيبـه ولبنـان
وانا تراني رحت مـن غيـر نيـه=ابحـرت بالمركـب ولافيـه ربـان
يومي وصلت وجتنـي الشاعريـه=اخذت من بحر القواصيـد قيفـان
والحيـن ماباقـي معايـه بقـيـه=غير اني اطلب خالق الانس والجان
الواحـد المعـبـود رب البـريـه=يغفر ذنوب اللي طلب منه غفـران
وعدادهـا كثـر النجـوم السطيـه=صلوا على المختار من نسل عدنان
.al-shmaly
والله وألف نعم يالشمالي كفو والله والعنوز كنوز لاخلا ولاعدم حيهآ من سآمريه هيضتنآ للسامري يآلشمآليالمشاركة الأصلية كتبت بواسطة al-shmaly
ماعليك زود ياجدي انت
والله اني ارتحت يابدر ومتابع لكل ردودك
اللي تتضح لنا طيبك وطيب معدنك يا اااالقرم
ولاهنت ولاهان الشيبان اللي عقبوك
والله يزوجك واذا متزوج الثانيه تستاهل كل خير
وكفو بكل الأجواد وين ماكانو وانت ذكرتن بهالابيات
طرحتهن وانا في اشد الاسف لانني صرت ع خلاف
مع صاحب صديق يعز علي وهو امير ولد امير بس
مستغرب ان مافيه شي يسبب الخلاف لكن الله اعلم بالخوافي
وياقلب
ياقلب لاتشكي همومك على الناس
ماكل شخص(ن)يعذرك في مصابك
لاتسكب الدمعه على خد حسـاس
ولا تحرق اوراق الزهر في عتابك
ولا تضيق الصدر المولع بالانفاس
ولاتقطع عروق(ن)بكت عند بابك
ياقلب ولله مابقى بعيني انعـاس
يومك شكيت الحب محد(ن)درابك
النار ماتحرق سوى رجل من داس
وللي كواه الحب يفهـم خطابـك
قبلك شرب مجنون ليله من الكاس
واليوم نفس الكاس تسقى شرابك
ياقلب اعرف معدنك معدن الماس
توفي لحبيب الروح لوهو رمابـك
ياقلب خلك بالشدايد قـوى بـاس
لا تلتفت للجرح لوهـو سطابـك
ياقلب لا تسقي عروقك من الياس
وخل الامل والصدق دايم زهابـك
مادام طاحت فاسك اليوم بالـراس
اعذر جميع الناس واخفي عذابـك
.al-shmaly
الله يريح بآلك وقلبك ومن يقرآء دوم بذكر الله يآرب
ومآعليك زود لاهنت ولاهآن من على الطيب ربآك
وربي يخليك لعين ترجيك
والله يجيب الثآنيه على خير بس خلهآ بيني وبينك
هههههههههههههههههههههههه
وكفو بالجميع مآفيهم قصور
والله يصلح مآبينكم يارب وهذآ الدنيآ عجآيب في عجآيب وانآ اخوك
ودآم حبل الصدآقه بينكم مبني على سآس صدقني المعزه ترجعكم غصب
الله يديم المعزه بينكم وبين الجميع يارب
الشمآلي عزيز وغآلي
لاخلا ولاعدم
ودآمك جبت طاري الزواج الله يرزقك ويرزقنآ هالأوصآف
للشآعر نآصر القحطاني
خوية درب عمري ماخذاني دونها النسيان
وأنــا يـاهـل الملامه مـارغبت العيش وحداني
أبي لي مهرةٍ ناعس صغيره وبنت حصان
أبـوهـا اللـي يـفـك الـمـشـكـله ويـزبن الجاني
وأخوها لاتعزوى بأسمها فزوا له العربان
يـحـق الـها الـفـخـر في قولت آل فلان جداني
أبيها في بحر عشرين لازودٍ ولانقصان
أبيها أقصر طويله والوصوف أشكال وألواني
أبي الجبهة كما الصبح وكما القوس أسود الحجان
وأبـيـهـا نـاعـسـات ونـرجسية سـود الاعياني
أبي رمشٍ كما ريشٍ يغطي الثلج في الاوجان
وأبي جـفـنٍ يشيل الـرمـش طـربان وكسلاني
وأبي خدٍ مثل وردٍ تنمى في طرف بستان
وأبي خـشـمٍ صغير ومثل حـد السيف شاماني
أبي البسمه كما البرق وثناياها كما المرجان
وشـفـاهـا جـمـرتـيـن وفـمـهـا خـاتـم سليماني
أبي شعرٍ مثل ذيل الفرس لاطبت الميدان
أو الـشـلال لامـن بــات لـيـلـه بـيـن الأمـتاني
أبي جيدٍ سواة أبريق فضة ناتقٍ مليان
وصــدرٍ كـنـه مـرايـه عـلـيـهـا طـلـع رمـاني
أبي ظهرٍ كما الجدول وقدن مثل غصن لبان
وخـصـرٍ مـثـل مـجدول العنان وجسم روياني
أبيها نابية ردفٍ وبطنٍ ضامرٍ جوعان
أبـيـهـا مـدمـجـة سـاق وقـدمـها لـسان ثعباني
أبيها بنت عزٍ من رغدها ينعم الفستان
أبـي الـرقـه وأبـي الـدقـه لها بأطرافها شاني
أبي المشيه كما اللي طالع من المعركه كسبان
وأبـيـهـا تـرش مـع خطواتها مـسـكٍ وريحاني
أبي صوتنٍ الا مني سمعته كن فيه ألحان
يـدغدغ مسمعي ويثير كل السحر في أشجاني
أبيها حب وإخلاص هواجيس وفرح وأحزان
أبـيـهـا مـثـل مـادكـتـور أهالي العشق وصاني
أبيها لوحةٍ ماصورتها ريشة الفنان
أبـيـهـا جـوهــرة مـاجـابـهـا قـاصـي ولادانـي
أبيها تنتصر لي من زمانٍ حطني نيشان
وتـبـشـر بـالـغـلا اللي مـالـفـى بـه واحـدٍ ثاني
مهرها قلبٍ وشعرٍ يهز القلب والوجدان
وألـبـسـهـا الـقـصـيـد وتصبح أوزاني وقيفاني
أبي اللي فات واللي فات صعب ومن لقى العنوان
يـرد الـعـلـم ولا أفـضـل أبـقـى أعيش وحداني
ماتعدم غاليك يا القرم
والله يعزك ويعز اللي يعزك
وردك يثبت لنا طيبك وطيب معدنك
واتمنى لك التوفيق والنجاح دنيا واخره
وصح السانك والسان الشاعر كفيت ووفيت
نوم وعلى الله يامعينين / أجري !!
غضوا بصركمْ .. صدر الأيامْ عاري
ناحل وعودي من ردى الحظ مَبري
راحل ( وأغرق وابل الياس داري )
لاتسرق الساعه ترى الوقت : بدري
خل الأمل يفرغ حموله / يساري !!
شفني فرشت ( الفقر ) ماهزك أمري
شفني على موعد مع حلم / ساري !
مليت .. أساوم ضيقتي مين يشري ؟؟
كم لي أشَرقْ بالمواجع .. نهاري !!!
الحر جمره .. وأنت زودت جمري !
والجمر رَمدْ .. ليش شبيتْ ( ناري )
نويت : أصافحْ بالأمل كف / فجري
صفيتْ صبريْ وإمتلا به / جداري !
جيتكْ ابي تلويعة الياسْ .. تسريْ !!
قفيتْ وأقفى معكْ ( طِفل إنتظاري )
محتآج / رآحة / ظل / آحلآم / مدري
عن اذنكمْ يآنآس [ نوم إضطراري ]
.al-shmaly
وصح الله أبدآنكـ ولاهنت يالشمآلي
لاخلا ولاعدم
،،،،،،،،،،،،،،،،،،،،،،،،،،،،،،،،،،،،،
يداعب خاطري همسك وأعيش بلوعتي مفتون
دخيلك يأمل عمري دخيلك لا تخليني
//
أضمك في حنايا القلب ولا حولي بشر يدرون
ولابه حظن في هالكون مثل حظنك يدفيني
//
عطيتك قلبي المخلص بصدق الحب لك عربون
خذيتي أروع أشواقي الا يابهجه سنيني
//
كتبتك مصدر أفراحي رسمتك من غلاي فنون
عطيتك أجمل أحساسي ولا أبغى غير ترضيني
//
ركزتك في صدر ( حب ) الأماني والأماني عون
وبروزت الغلا والشووق في صفحة شراييني
//
يموت الحب في قلب الليالي من ( شقى ) مطعون
ويحيى في خفوقي دام قلبك مايجافيني
//
سقى الله يوم أنا أشوفك تجيني بلهفتك مجنون
مرامي شوفتك ياشوق هذا اللي يكفيني
//
تعالي وأحسبي حب (ن) تخطى حاجز المليون
تعالي وأجلسي قربي ترى قربك يسليني
//
فداك القلب وعروقه فدتك الروح يالمزيون
فديت اللي ضحك وأقبل فديت اللي يناديني
ولاهان راسك
وماتعدم غااليك
وتروح وترجع بالسلامه يابعدي
ولايطول غيابك ثم ناخذ عليه!!!!
يا ما حلاااا الفنجال مع سيحة البال
في مجلسٍ ما فيـه نفـسٍ ثقليـة
هذا ولد عـــــمٍ وهـذا ولـد خـااال
وهـذا رفيـــــــقٍ مـا لقينـا بديلـة
.al-shmaly
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات