البااارح
ايه البارح القريب
اتصل علي واحدن من الزقرت وانا في ربوع رفحاء
وقالي مرنا الليله مخيمنا نبي نستانس
وترنا ليلياً نتعشى هنا حاول تلحق على عشانا
قلت مهي مشكله
طبعاً اتصالوه علي كان العصير
ومن هاللحظه قمت اتجوع
ولا كليت شين
ونسيت ان فيه مباراة ابي اتابعه
وعقب صلاة العشاء تابعت المباراة والجوع متلولسن حنوكي
وعقب المباراة رحت لمخيم العيال ( اااااااااااااااه العيال والله بظلوه )
الوكاد اني قمت اتخب بهالبر
وافتر
وضيعت
ويالله اجيهم
اخيييييييييييه ومصخييييييه
يوم جيتهم ليمار العيال يتعشون
وتخبرون بي حيا غريب يخرع من قوووه
قالوا تعش
قلت سبقتكم بالعااافيه
وانا افوت واجلس على الدلال
وكل شوين اراعي للصحن
وه يا تسبدي الرز حمر واللحيماااات هبر يارجاااااااال
وهي تقوم سبلتي تقطر
قاضبن الفنجال ومفهي
يوم خلصوا وهم يجون العيال اللي غسلوا يسلمون علي
قالي واحدن منهم شلونك يابو ماجد
( انا عيني على الصحن )
قلت متعشي الله يسلمك
وهو يتلن قال والله انك ما تعشيت
قلت يابن الحلال متعشي وشبلاك
ويالله افتك منوه
ويجي اللي عقبوه يسلم
قال مافيها شي
قلت وشو مابقا شي
قال يابن الحلال تسانك ما تعشيت تعال تعش لا تستحي اخبرك من جنبه الحيا
قلت لا يالغالي متعشي
والله وهم يكفون صحنهم ونجلس
ومن حسن حظي جلست على الفرشه اللي هم متعشينن عليه
وامسح بيدي وامسك من حبات الرز
والقمه وهم مهم يمي
ووووووه يالربع
عانيت معاناااه ما يعلم ه الا الله
من كثر ما انا جيعان احس فيه طقطه براسي
تقل فيوزات يضربن
وبس شرب شاي وقهوه على هالجوع
هنيي والله بالقرحه
وتقلدوا تحيتي
!!!!
ههههههههههه
المفضلات