القصيده هذي ماهي الا باقة ورد للمبدع وبران ال كليب وطبعا العرب يقولون راع الاوله ماينلحق
حبيت اهدي هذه الابيات له وليام العريضه عربون محبه وتقدير وليس رد على درة وبران وقصيدته في شمر
عل هذه الابيات تجد قبولاٍ عنده وعندكم
وهنا قصيدة وبران ال كليب
[
تحميل الملف من هنا
للشاعر وبران اليامي
................................................................................ ...........
هناردي بصوتي
http://up3.m5zn.com/download-2009-5-2-12-zc7j4iiqe.mp3
بصوتي
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] البارحه كن الطوراي جواسيس=تطرق ضلوعي يوم الاحساس جايل
قلت اسمعي مني حديث الاحاسيس=شاعر واقدر نادرات المثايل
لاقلت ياوبران منهج وتدريس=ياشاعرٍ يفرق بجلب الجزايل
من يام واقرو بالورق والكراريس=ميزانهم يرجح بكل الوسايل
حدث بها التاريخ من دون تدليس=انشد ويثبت لك كلام الصمايل
صرحٍ بنوه رجال علمٍ وتآسيس=ياشيخ ذولا كاسبين النفايل
يام العريضه واحفظي ياقراطيس=علمٍ يدرس في كتاب الاصايل
والشاعر اللي ساق عذب النسانيس=عطره يفوح ولايجيب الهزايل
اغدقت مدحك في مروه وتكريس =من طيب راسك ياوريث الحمايل
وبران كان الشعرفي ملحمة قيس=شعرك بدا غيمه بعز القوايل
يوم اعتزل في الصومعه كل قسيس=اسرجت قيفانك للشمر رسايل
وبددت في شعرك ظلام الكوابيس=وعدلت يوم ان القصيد متمايل
حاولت اقول الشعر رغبه وتنفيس=وامدح رفيق الطيب جزل الفعايل
والبس حروفي مثل لبس المعاريس=عله تنومسني اليا قال قايل
والشعر ديوان العرب قبل بلقيس=دوّن تواريخ العرب والحصايل
ياتيك لاجنك بليلك وساويس=يطيع رغبه مايجي بالتحايل
مايملكه غير الرجال الاشاويس=اللي تحوز الطايله والجمايل
ماصخروه لمدح بعض المتاعيس=الخايبين اللي تمد القلايل
هذا وانا وان غاب ضو الفوانيس=ناديت للقمرى وسقت الرحايل
وان قصر الشاعر بنشر الاحاسيس=عذره بآن الاوله للاوايل[/poem]
رد مع اقتباس
[/IMG]
المفضلات