يامن عيّن العجوز السنعه((( الحسيني ..تراك مطالب))

**فوفو** · 20-07-2002 02:12

[c]

عاد تدري مشرفنا انا ماامداني اتعرف عليه

بس شفت مشاركاته السابقه

حرام كذا يوم جيت تروح وتخلينا ..وانا احتاج له بالوقت هذا لأني ناويه اخلي الراله على جنب ...واصير سنعه

الـــــــــــــــــرجاء البحث عنها بجميع الطرقات .....

[/c]

**السالمي** · 20-07-2002 02:30

$$$$$$$
$$$$$$$$
$$$$$$$$$

ان ما خاب ظني ان العجوز السنعة الحين فى حدا هالدول الاوروبيه يسوون لها بعض التلقيطات ويصبغونها بويه بالفرن وصفرون عدادها ثم ترجع للمضابف باسم البنية السنعة!!!!!!!!
هه هه هه

**عطارد** · 20-07-2002 02:37

أبشروا به

اليوم وأنا في دورتي حول الشمس كنت مقابلا للأرض

وكان الذي يليني من الارض الجزء الواقع بين مدار السرطان وخط الاستواء

منطقة مكة المكرمة وما حولها والمدينة المنورة

وإذا بالعجوز السنعة منخمعة عند مقام ابراهيم عليه السلام

واذا بالناس متجمعين عليه وهي تلجلج عليهم

والى قضبت من كلامه تقول انقلعوا ما خليتونن اكمل طواف الوداع

واظنه قالت ابطيت عن المضايف

والوكا انه اليوم صلت الجمعه الله يعظم اجره بالحرم ومشت تبي حايل

ادعوا الله يرده بالسلامة

عطارد

**البــنــدري** · 20-07-2002 12:24

وتقبل الله منها مقدماً

والله مشتااااقه لها كثيرررررر

الله يردك لنا بالسلامة يااميمتي السنعه
اللهم امين

**ريم البوادي** · 21-07-2002 01:53

انا سامعه خبر عنها يقولون هه يقولون انها مسيره على شحرورة لبنان يبن يسافرن لدكتور الشحروره على شان عملية شد وما خلافه :D :D

الله يجيبها لنا بالسلامه

اختكم ///// ريم البوادي

**أبو فيصل** · 21-07-2002 02:28

اللة والعالم انها ماهي كل هذا (مصخنة شوي )
ياخوك براك والعذب وثالثهم الحسيني ترها برقبتهم
ونت مثلك خابر عجيز ماتقدر حتى انة تقوم وشلون
والثلاثة ماشاء اللة عليهم مايستخدمون عفريتات سيارات (من النشاط )
والسبب واللة العالم انها منصفرة من هالقصائد
هاة اذا عرف السبب بطل العجب
اللة يستر

**الحسيني** · 26-07-2002 02:13

الله يستر ،والله اني خايف اكيد يوم انه فتحت ( اللنك) صابته خرعه،
ووكاد انه تبي تروح تفصل فيش الكهرب.. الله يستر بس.. الله يستر على هالعجيز

بس رجاءً لا توهقنا يالمشرف العام .. اخر العمر تبينا ندخل محاكم !!
<=== يكتب الرد وهو متلطّم

**العجوز السنعه** · 02-08-2002 13:29

السلام عليكم ..
ألا يابعد حيي يا ولدي .. ( أبو سلطان ) .. وأثاريك فاقدن ..؟؟؟ ويلومونن بك ..!!
ألا ياخلف جدي .. بارن من صغرك .. الله لا يحرمك من غاليك ولا يحرمهم منك .. قل آاااامين .
إيييييييه أجل مختبينن علي تدورونن .. ؟؟؟
يابعدي كلكم ..
--------
وفوفو يامللي هكالقرينات .. تسلمين ياعنود المضايف وماعليك زود ولا منك قصور ..
-------
السالمي .. تمطعز على أمك ... ؟؟؟
الوكاد إنك صاحب ورشة والا تشلح سيارات ..
بس أبسمح لك .. ترن قلبي أبيض ما يعرف الزعل وانا امك ..
ومشكوووور على النشده ..
---------
عطارد ..
يامللي وكلي .. فالك خيرن علي إن شاء الله .. ياعزوتي
والعمرة باذن الله في الطريق .. وإذا رحت وصدق ظنك أبشر بدعوه لك من أمك العجوز السنعه ..
-----------
البندري ...
ياحبي لك .... أممممممممواه .. جتك الحبّه ؟؟؟
تسلمين يالغالية ..
-----------
ريم البوادي ..
شحرورة لبنان ... ؟؟؟ لا وأنا أمك .. أنا جمالي طبيعي .. مويه .. ووضوء وصلاة ليل .. وصيام أيام ابيض . لا شحرورة ولا دكاترتها يقدرون يصبغون الوجيه بنور ربها ..
تسلمين على سؤالك يا عطر المضايف ..
-----------------
northwebs ... ياولدي ..والله فضخو عقلي .. تكفى حيلك بهم ..

لا ياوليدي .. هوّنت ..

ترهم مايقصدون إلا يوسعون صدوركم ..
والله إنهم خفيفين كلّش ( دم وعقل ... ووزن هذي عاد ماني متأكدتن منه ) :D

تسلم يالغالي على نشدتك .. وتوضيحك
------------
الحسيني ...
لا...
تطمن ياوليدي ..
قلت لك ماطلعت ملقوفه .. |511| انت مانت مصدقن !!!

ومحام ؟؟؟
كما هو ولدي براك .. يبي يروح يشكي ؟؟
براك يالله يقصد بمرته عقب هكالقصيده اللي يحرض فيها غيره على الشي اللي وده به بس ماهو حاصلن له .. فزعلت عليه أم العيال .. وتوهق ..:D
اطمئن ..
وخذ راحتك ..
تسلم ياوليدي على النشده .

___________

عاد هالحين أكيد بتعرفون ليش غبت ووين أنا فيه ..؟؟؟
أكيد ..
ياحبكم للشفايه ..
والله لو تدرون وش اللي صار ؟؟؟؟ وكله بسبايب ولد الفريسي براك .. ( الله يصلحه )
بس ما أقول إلا الله يخارجنا :D ..
وانا اللي صار أبكتبه بموضوع مستقل بها لمضيف هاليومين ان شاء الله بعنوان ( العجوز بغت تروح فيها ..والسبه براااااك الفريسي )

يالله باي هالحين ..

قصدي ..

فمان الله