من هالحين اقولكم ما للعنوان علاقه بالموضوع
الا بشكل غير مباشر
يالربع
وشو اللي حبلوه قصير ؟
شيء اكيد التسذب
لكن اكتشفت ان فيه نوعيه من التسذب ماله مطار ولاله خيط من الاساس
هذا سلمكم الله جاني واحدن معنا بالدوام
قال الشبث واللي يرحم امك ابي اجازه اربعين يوم
قلت شايفن مدير ولا سلطه من هالسلط
قال مالي شغل كلم لي المدير افزع
قلت طيب ليه تبي اربعين يوم
قال ابروح لمصر
قلت اييييه قل كذا يا داشر يا سربوووت يا منحل اخلاقياً
قال لاتفهمني غلط
قلت لاااا فاهمك صح يا مجررررم
انت مسوي فيها بتروح الاهرام وبتروح الاماكن الزينه بمصر
بس هذولا انتم يا شبابنا تسافرون برا وتروحون للاماكن التعبانه يا داااااااااااااشر
قال ياخي عطن فرصه اتكلم بس
قلت هاه وش تبي تقول برر موقفك
قال انا بروح لمصر مرافق للوالده لانها مريضه
الله يجيركم وهو يقع نص وجهي
حسيت اني اخطيت على هالمسكين
وانا ابرطم واقوم ارتعد
قلت قسسسم بالله مادريت ليه ماقلت لي
وهو مدنق
وانا اجدع روحي على رجلينوه تقفا سامحن واللي يرحم امك سامحن
قال عادي مهي مشكله
بس تفزع لي
قلت شف يا يقبلون اجازتك ولا يقبلون استقالتي >> يدلعونوه ابو فزعه قنان
الوكاد رحنا يم المدير وطلبتوه
قال مهي مشكله بس ياليت تجيب اوراق امك الصحيه
وانا اكشر ( واثق ) قلت اكيد يبي يجيبهن صح يا فلان
قال لا والله يا مدير الاوراق ارسلهن المستشفى اللي هنا للمستشفى اللي هناك
الوكاد ان المدير عطاوه اجازه ومشت الامور
وراح الرجال اربعين يوم اجازه
ويوم جاء سلمنا عليه وسألناه عن الوالده
قال طيبه والله وحالته ازين
وهو يسألوه خوين لنا مصري
قال رحتو فين في مصر
قال بالقاهره
قال اااه في القاهره
طب فين في القاهره
قال والله مادري وين ا اعرف المنطقه
قال المصري وش اقرب شي لكم
قال مافيه شي بين لنا
قال وش اسم الشقق او الفندق اللي سكنت فيه
قال سكنت بسكن المستشفى
الوكاد ان الرجال قام يروووغ
وعقب هالسالفه بتقريباً بشهر
ونجتمع انا ورفيدزنا هذا ومعنا واحد زهراني
قال الزهراني للاخ
فلان تروح معي للبحرين
وانا افوع
اييييييييييييييييه تبون تدشروون يالدشير
اللعلللهاااااااااااااابو اااااااااااااااااااااابو ااااااااااااااابو
قال رفيدزنا شبيثاااان ماني رايحن معوه لان اصلا مامعي جواز
وحنا نطير عيوننا عليه
قال الزهراني طيب شلون رحت لمصر ( ناسين سالفة مصر الاخ )
قال هاااااااه وشو
ايه رحت بورقه من وزارة الداخليه
وحنا نتسدح من الضحك
اعنبو بليسوه ولا استحى
والله يالربع السالفه هذي هي مثل ما صارت
عاد التسذب درجات وبعضوه لوه خيط وبعضوه مالوه
مثل تسذبتن هلسه حدى الاعضاء على ريال فسحه
يقولوه ان الشبث شاعر
هه هه هه
واابريري
اويلي على حيلي بس
انا وهالوجه تقل طوفرية حريم مزخرفه على هالزلوف
وين انا والشعر وين
اقول بالله لا يسمعونكم اهل النبطي يتشرهون علي ليه ما اشارك عندهم
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات