صباح / مساء الخير
اخي ابوسلطان / الجهاز الاداري / اعضاء / ضيوف
بعد انقطاع اجباري لظروف لايجهلها من يعرفني
ورغم ذلك القلب مع مضايفنا الشامخه بكم.
اهديكم هذا النص الاجتماعي بمناسبة يوم اليتيم العربي
على لسان احد الايتام ( اللقطاء ) من ذوي الظروف الخاصه
موجه رسالته الى من صرخ في دنيا الألم ليسدد أخطاء غيره
علما انها نزلت منشده في اصدار من تسجيلات القادسية الاسلاميه
في ( الرقص مع الشيطان )
....
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الشعر طرح ٍ والميادين قرطاس = وانا عقيد الخيلها والركايب
خص ٍ ليامن هاجسي دق الاجراس = ابحر مع الطاروق ماني بهايب
ياما على شانه تمركيت كـرّاس = في ليلة ٍ أشجانها كالكتايب
فكره ودافع والاحاسيس جلاّس = مدّة كريم ٍ مد جزل الوهايب
هبايب ٍ تعصفبي اخماس واسداس = في سـِكـّتي والفكر وسط الهبايب
موقف غريب ٍ شدّني هز الانفاس = خلا شعوري بين مخطي وصايب
طفل ٍ رضيع وصرخته وسط الاكياس = وقت السحر والحزن بالصوت ذايب
وقـّفت لاجله لحظة ٍ ما لها قياس = صامت عقل .. والصمت في عقل شايب
ماله أهل مثلي وانا آقول لاباس = أمر ٍ جرى والرب ماهو بغايب
يدري بأني كل ما هب نسناس = تذرف دموع العين منـّي سكايب
حزن وأسى .. آهات هم ٍ وهوجاس = من وين ما وجـّهت جتني غصايب
أحمل قضيّه سجنها عوج الاقواس = (( حنـّا يتامى والدين وقرايب ))
الله واكبر يابشر وين الاحساس = باللي جرى بالمجتمع من مصايب
أحد ٍ على ذنبه كفوف ٍ ومرواس = واحد ٍ يحس ويدعي الله تايب
فعلا ً مصيبه ( ضربة الفاس بالراس ) = يا حسرتي وين الأهل والحبايب ؟
ماهو بذنبي وضعي اليوم يا ناس = والمشكله وحدي دفعت الضرايب
إثنين راحوا واتركوني على ساس = ذكرى ألم .. والجرح ماهو بطايب
انا اللقيط وشارد العقل محتاس = من واقع ٍ ضاعت حقوقه نهايب
ما همّني بالناس عاذل وبلاّس = فيني طموح ٍ للنجوم الرقايب
أبقى كذا ،، والدين منهج ونبراس = واتلا العمر ما بين عوج النصايب
[/poem]
..
بشير اللويش ( الراسي )
رد مع اقتباس
المفضلات