و أي شاعرتن انتي يا شرهه؟؟

[شرهه]

‎ ‎‏ الســـــلام عليكـــــم .....


أما بعد

اخواني اخواتي ..



ود عوينتي أصير شاعره .. بس مااااااش .. عجزززت ..
دايم أحاول بس جميع محاولتي مصيرها الفشل الذريع..^_^..


ياحبني بس للشعر أحبه حيل جدآ جدآ .....

فقلت ابجرب حظي بالشعر و ابدخل هالعالم وابقتحمه اقتحامن أغبر


و هذي محاوله شعريه وابشاوركم به اذا هي حلوه وانا ابنهج للجاده وابنزله هناك ...




((يالطفش انت وش تبي فيني

ليه ما تقلب وجهك وتروح ..

انقلع عني ترك غثيتن

و لا تعود له و ترجع تسمع ؟؟))


و سلامتكم .....


هااااااااه وش قلتوا تنفع والا لا ؟
‏


تنبيه > لا تحطموني و تقرطوني بالطماط ..
بلييييز ..
>>عشان تخبرون حنا يا الشاعورات احساسنا مرهف ..
وأخاف يجيني انهيار عصبي والا انحباط .. ؟

_عاد انا اختبرت عند الأخ صلفيق(امتحان هل تعاني من الانحباط )و طلعت نتيجتي ناجحه و سليمه بس ان نتيجتي مقبول يعني
على طريف ..!<<<<<<< حول الدعوا ^_^

‏_ لا تشرهون علي ياجماعه تروني رابطتن راسي بلي خب وأكنح من هالشاهي و به ليمون ..>>مزكمه وعلي قل صح ..

تحيتي لكم ...




.‎ ‎

[شامان]

^
^
^

الكصيدة من اجمل ما سمعت من اسبوع

لاني ما سمعت ولا كصيدة .

واشوف انها مليئة بالرمزية استطاعت الشاعرة ان تنقلنا الى اجواء

ما عمرنا رحنا لها من قبل ومجانا وكنا على الفيرست كلاص .

وفالك البيرق واذا سمحتي يا ليت تسمعينا موال

صراحه الشباب الزكرتية اللي جالسين ورى يقول اطلبها موال

يعني حتيى لو تقولين موال على دلعونه على دلعونه

واتركك لبدر صفوق يحلل الباقي .. يمكن البيت رقم 16 اللي بالزاوية عند الاشارة

يحتاج الى ترميم

وسلامتكم

[منصور الغايب]

بعد أخذ راي اللجنة ...


توصي اللجنة الاخت الشاعرة ... بممارسة هواية رمي الجلة ...


خلو الشعر لأهله .. <<<< اكسر

[ابو فارس]

‎

ود عوينتي أصير شاعره .. بس مااااااش .. عجزززت ..
دايم أحاول بس جميع محاولتي مصيرها الفشل الذريع..^_^..
‎

بصراحة البيتين السابقين
احس انهم عن قصيدة
وخاصة القافية

انظر الى قافية البيت
فقد وفقت الشاعرة الى اختيار عوينات
..^_^..

لتؤكد الحالة النفسية للشاعرة

اهنئ على هذا النص
وانت خير من يمثل الشرهات بهذا المضايف


وننتظر راي الجمهور

دمت بخير

[فواز الغسلان]

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""] ود عوينتي أصير شاعره=بس مااااااش .. عجزززت اطيع
دايم أحاول بس جميع محاولتي=مصيرها الفشل الذريع[/poem]

ابيات بمنتهى الروعه والاحساس 00

لاسيما انها تبدى بأسلوب التمني بقولك ود عوينتي وهذا رهيب 0

او ماهي هذي ابياتك؟؟ يعني صار الوزن بالشرح اقوى من وزن القصيده؟؟؟

هذي ايضا قمة الروعه000 تسلمين ياشاعرتنا الغاليه

[صلفيق]

‎
_عاد انا اختبرت عند الأخ صلفيق(امتحان هل تعاني من الانحباط )و طلعت نتيجتي ناجحه و سليمه بس ان نتيجتي مقبول يعني على طريف ..!<<<<<<< حول الدعوا ^_^

‏_ لا تشرهون علي ياجماعه تروني رابطتن راسي بلي خب وأكنح من هالشاهي و به ليمون ..>>مزكمه وعلي قل صح ..

.‎ ‎

شرهه !!
والله اني زعلان عليك - وماكنت ابي أرد ، بس سمعت اسمي وجيت اشوف وش الطاري.
وين التمايم ياشـــــــــــــصــــــــــــ............ أقول والا بلاش !!!

اختبارك كنتي على طريف .. وان بتلتي على قصيدك ، وهذولا يهايلون بالجرف ، والله ان تلقين نفسك متدربيتن بالشعيب !!

أبلعي العافية- وخلي الشعر لهلوه ، لاتجيتس بتول والا نوره ، يجرجرنتس بشوشتتس ماتلقين من يفزع لك. لايوهقك ابن غسلان!!

اكنحي من شاهيتس .. الله مايطق بعصا _ _ هذا اللي عمل ربي باللي مايتمم .
ويقولون.. (من فات قديمه تاه) ، (من خلى عادتوه قلت سعادتوه)


تشاو.........

[يـــوسف]

كثري من أكل التوت وكثري من شرب موية مقري عليها محطوطن به كحل وخلاص ابشري



يومين الا انتي منزلتن لك معلقه تبتسي الوغد ههههههه






ايه الله كريم تبي تصيرين شاعره <_ يحط بجنبتس قوطي برندا فراولة يعني جو الشعراء لازم تصير براطمه حمر ولا مايقصد






لي نكسة مع كم معلقة

[فوووز]

والله خووووووووووش قصيدة

أجل الابداع هذا ماجاك يا شرهه الا من شرب الشاهي بالليمون وقل الصح اللي عليك
خخخخخخخخخخخخخخخخخخخخخخخ

تقبلي مودتي/أختك فوووز

[فهد الجنيدي]

سرهة
أهسن شي
أنتا يسوي هواية

مال قسل صحون
كنس بيت
قسيل ملابس
ترا فيه هواية كتير
شئر مال أنتا
سيم سيم كالد مريكي
كلوه قرقر
واجد
( مئليش ألى التهطيم )

[واحد شقردي]

((يالطفش انت وش تبي فيني

ليه ما تقلب وجهك وتروح ..

انقلع عني ترك غثيتن

و لا تعود له و ترجع تسمع ؟؟))

عليك بيت ما ادري وش يحس فيه ههههههههههههههههههههههههههه

بس تدرين دائمك مزكمه

عقبال الصحه و العافيه

راجاء خاص اوقفي محاولتك فينا لي كافينا