يترزق الله ... يافلان

[المسافـر]

هذا بلي ليلة من الليالي عقب ماصلينا المغرب

وهو يقوم واحد معوق من المصلين

ويقول لولا الاعاقة ماوقفت هذا الموقف

ويميل ببرطمه حالته تكسر الخاطر

وراح جلس باخر المسجد كل من مر بجنبوه اعطاه من المقسوم ...

أنا جلست اخر شي انتظر الامام يطلع ابي أسلم عليه توه جاي من مكه

وقبل يطلع الامام سلمت عليه وحنا نروح للمحتاج ... واعطيناه المقسوم

قام الامام ينشده وين ساكن وكم دخله الشهري ... خوينا بانت علومه

نوبن يحتسي على كيف كيفك ونوبن يميل برطمه

قاله الامام اعطن بطاقتك .. وبلمح البصر ندوره ندوره

الا ابو الشباب فارك حاطن رجله

حنا بهنا وقفنا مصدومين قبل شوي معوق وبالموت يمشي

و آلحين ياليته يمشي طايرن طيران ...

وحنا نجغفه وراوه وراوه وحنا نضيعوه

انا رجعت للبيت بما انه بجنب المسجد

رحت اجيب السياره وقمت افرفر وتخبرون كابس الليت بالعالي

اشي يمين ...

اشي يسار ..

والامام الله يسلمه ماخلا بخش مادور بوه

وشوي الا ينطق وانا احدوه مناك والامام مناك

حدوووه

حدوووه انت يافلان

وهو يغدي نوبتن اخرى

وشوي وافرفر الا ابو الشباب منجضع تحت لوه جمس

وانا أشر للامام قلت هذاك هو تشوفه تحت الجمس نبي نحشروه

الامام الله يحفظه جاب لوه عصا

وقام ينجخوه والمروح خامن العمود حق السياره

وشوي وقاله الامام

اخرج ياعدو الله

اخرج أيها الماكر

اخرج أيها الفاسق

وحنا نطرحوه وهو يتوطاه الامام الله يجزاه خير

اشي طراق من هنا

واشي علباوي مناك

وهو يكلم الهيئة والشرطة

وهم يجون المطاوعه ويزخونه << بالخير يانايف بركه كم سنه ماشفناك يافلااان

ومن باتسر واجهت الامام

قالي انه طلع يمني جاين من جده يترزق الله << خوش وظيفة

بما ان السوالف شحاذه في شحاذه السوالف تجر بعضه

قبل كم سنه واحد من خوياي اسمه بدر << الله يوفقك في كل حته يافلان

رايح للسوق وتو الراتب مانزل يقول بدر قبل ادخل السوق

شفت فيه شحاذتين

ويوم قربت لهن وانا اسمع وحده تقول للثانيه ياعيده روحي لهذولا

يقول وادخل المحل الاول الا هذي هي ورانا

وادخل المحل الثاني الا هي ورانا

يقول مامعنا شين وغثتنا

وانا ادخل المحل الثالث الا هي جايه

وهو يزقح به اخينا بدر

ابلشتيني ياعيده

ابلشتيني ياعيده

لو معي فلوس معطيتس

يقول وهذاك علمي بهن

بس لاتكون عيده الجهني ..

يوم الثلوث له غلا خاص ما ادري ليش قلت لازم اكتب موضوع واغلب مواضيعي الماضيه
كانت بهاليوم فعذرا إذا كان الموضوع مقاسي لكن اليوم تسليم الرواتب وياكثرهم فتذكرت هالاحداث..

ومع هذا لاتنسون اخواننا المحتاجين فعلا .. فعلا من الصدقه << وشعقبه يافلان

نشوفكم على خير

[ابو ضاري]

حيالله المسافر وسوالفه

والله يالمسافر الاشكال واجد ويخربون على اللي محتاج

هذا مره واحد من الزملاء كان بمكه وهو نازل من الفندق نطحته له عبده قامت تشحذه قال ماعندي صرف

مئه قالت انا عندي كم تعطيني شف وين وصلت السفاهه فيهم

شكرا يالمسافر يالغالي

[بنت الجبل آخت القصيد]

يقول احد بناخييني :
يوم الثلوث اقشر نهار بدنياي .....
............... صفقت كف بكف وازعجت حرفي

كلهن كوم وسالفة عيده كوم ثاني

.
.

شحاذه بالبيت

عندك امي صار له من 6 شهور تجمع بفلوس الشغاله
وكل مافتحت شنطته قالت انتبهي يابنيتي لاتلمسين قروش الشغاله
الشغاله ماجت والفلوس للحين ماكملن على كلام امي

المهم اقنع امي تكنسل الشغاله وتعطينن القروش انا احسن من بنت كومار

وبنفس الوقت انا لاوظيفه ولاشغل ولامشغله ماغير دوجتن بهالليل
تقل ماسكتن خفاره

وامي تقول مايصير اعطيتس قروش حرام << انتي بنتي تخدمينن ببلاش

.
.
.
.

شحاذه بالسوق
مره كنا بحايل بسوق برزان المهم اذن الاخير وحنا جالسات على الكراسي وشوي الا يصير تجمع للشحاذات
ووووووون <<يسولفن
شوي الا قبست بينهن تخانقن علىالقسمه وهات ياتحذف بالنعول وانتم بكرامه

.
.
.
.
شحاذه بسوق الجمعه
هذي جارتنا رايحه لسوق الجمعه تقول واصلي الا يوم دخلت اكالبنت المزيونه والعباه كتف تقرش من كثر الطرز العباه لحاله بكالحسبه
المهم تقول يوم قطته ولبست عباة مقطعه ومغبره ونقاب وحطت الاوله بكيس ورى باب المسجد تقول وتروح عند باب المسجد تجلس
تقول بغيت اخذ عباته وانتظر ياما ترجع تدور عليه بس خافت وتركته للي خلقه
.
.
شحاذه بمشفى الجهراء
هذا مره انا واختي كنا ننتظر السياره واقفات عند باب الحوادث الا فيه عجوز جالسه وطرماء تتكلم بالاشاره ومن مر عطاه اللي يعطيه دينار او فوق تاخذه وترفع يدينه تدعي
واللي يعطي 100 فلس او ميتين المهم تلمسه حديده ترميه عليه وتحذفهم
حتى جاء رجل له وهاوشه عجوز غريبه
.
.

سبحان الله عزه النفس قلت من الناس
والمحتاجين بحق وحقيق يتعففون امام الناس وكانهم ملوك

ومع هذا السائل لايمكن ان يرد وانت بقدرتك على اعطاء العطاء
.
.

الله يفك حاجة المحتاج

[واحد شقردي]

وشوي وافرفر الا ابو الشباب منجضع تحت لوه جمس

يستهبل مسوي بس هههههههههه

لكن اليوم تسليم الرواتب وياكثرهم فتذكرت هالاحداث..

شكلك اليوم مارن السوق وشايف الشحاذين ههههههه


على طااري الشحاذه

ما عندك سالف 159
يا خوك معي ريال وراي قطة استراحه اخاف يبلشن المدير نواف

[فتى البيداء]

المسافر قد صارت لي قصة مع الشحاذات بمكة .. << أيام البلاسه
جت شحاذة وعطيت لي ريال .. ومار تجي أخته تبيمثله قلت عطيته لتس ريال ..
قامن يتناقرن لهن شوين وأنا أجي يم الأوله وهي غازتن الريال وبحركه خطافيه وأنا
أسحبه منه .. وقعد اتفرج عليهن وهن يتكامخن << ياحليل لهجتهن ..
طبعاً هذا يوم أنا وغد .. << كبر الرجيلي ألي أول حرف من أسمه (سناعيس )

ياليت من شافه وهو حدر الجمس ..

[حيل حليل]

يافلان انت متوكد انه ادمي
لان المواصفات اللي ذكرته مواصفات جربوع
لكن زين ان هالمطاوعه توطوا ببطنه
اجل ياعدو الله
زين ماقال حديهم حي على الجهاد
ولا كان راحت عليه الزيدي


ياعل ايامك كله ثلوث يافلان

[شرهه]

دام الرواتب توها نازله
‏

اسمعوا ياجماعة الربع اللي مشتهي يتصدق أو شين >انا موجوده ..
لاتستحون عادي
أي مبلغ أي مبلغ ماعليكم ما راح اقط مبلغه عليه >>راضيه باللي تعطوني
‏>‏> وجه ابن فهره


‏^‏_^..

>مار شحذه عينك عينك ..
هههههه
__‏_‏

الله من وساعت الوجه عند بعض الشحاذين..

‏_هكا اليوم وحنا بمكه .. كنت توي مصليه العشا و راجعه للشقه وشنطتي ماجبتها معاي خليتها بالشقه وقروشي كلهم فيها ... و هي تلقفلي هكا التكرونية الصغيره اعطيها 8سنين ..
وقامت تغوا علي وتحكي >> وحاولت اقطع على حتسيه بس ماش عجزت .. وانا اتنهزره .. قلت وش تبين انتي و قرونتتس اللي تسنهن سدادات صميل ..
آثرها طلعت تقول أبي ريال ..
قلت مامعي شين اذا معتس انتي عطيني ..

و انا وياها وانا وياها

وقسم بالله ياجماعه يوم شافتني كذا عضتني مع يدي وهجت ..

‏>‏>لابوها لابو من رباها .. قسم بالله انها موجعتن تسبدي للحين
‏
المسافر أما سالفة عليا شي .. يسلمو ع هالسولافات الحلوه ..


تحيتي لك
صفصف

[يـــوسف]

<_ منزل راسه تعبريا عن الخجل ويرفع عوينته ويراعي للمسافر مثل قولت تر راتبي عنقليزي وماينزل الا آخر الملوي



ياخي إمامك شي هههههههههههههههههههههههههههههههه


يعجبك زقرتي يلحق ابو يمن يبي يليخه كفو كفو والله يالأمام






صدقت يالمسافر كثرو بشكل غير طبيعي بالفترة الآخيــره .. الله يجزآ الدولة خير معطيتهم وجه

ومايغثن ويدبل تسبدي الا اللي مبين على حالته ماهو محتاج ويجيك يشحذ ومعه صك وفاة مزورينه ألف مره






يالربع مايخلوني مدير الجوازات وقصمن بالله لاأخلي دوريات الجوازات أكثر من تكآسي الرياض









لاهنت يالثلوثي <_ على وزن بيتوتي .



ياروحي يابو إبراهيم أجل تمون على الإمام خله يدور لي مدرسة ابعرس







توسد إحترامي

[المسافـر]

حيالله المسافر وسوالفه

والله يالمسافر الاشكال واجد ويخربون على اللي محتاج

هذا مره واحد من الزملاء كان بمكه وهو نازل من الفندق نطحته له عبده قامت تشحذه قال ماعندي صرف

مئه قالت انا عندي كم تعطيني شف وين وصلت السفاهه فيهم

شكرا يالمسافر يالغالي

هلا وغلا با ابو ضاري

اما سالفة انا عندي حكاااية يافلاااان

تحتاج له موضوع مستقل هالتكرونيه

مشكوور على الخته .

[المسافـر]

اهلا عطر

يقول احد بناخييني :

يوم الثلوث اقشر نهار بدنياي .....
............... صفقت كف بكف وازعجت حرفي

ان شاء الله يغلي هاليوم .. ياحبنيله

كلهن كوم وسالفة عيده كوم ثاني

السالفه هذي من بدر له طعم ثاني

أبلشتيني ياعيده

الله يذكره بالخير

وامي تقول مايصير اعطيتس قروش حرام << انتي بنتي تخدمينن ببلاش

أقرب مخرج

هههههههههه

شحاذه بالسوق
مره كنا بحايل بسوق برزان المهم اذن الاخير وحنا جالسات على الكراسي وشوي الا يصير تجمع للشحاذات
ووووووون <<يسولفن
شوي الا قبست بينهن تخانقن علىالقسمه وهات ياتحذف بالنعول وانتم بكرامه

.
.
.
.

هههههههههههههههههههههههههههههههههههههههههههههههههه

هههههههههههههههههههههههههههههههه

ياحلولات اللي مصورهن

هههههههههههههههههههههههههههههههههه

.
شحاذه بمشفى الجهراء
هذا مره انا واختي كنا ننتظر السياره واقفات عند باب الحوادث الا فيه عجوز جالسه وطرماء تتكلم بالاشاره ومن مر عطاه اللي يعطيه دينار او فوق تاخذه وترفع يدينه تدعي
واللي يعطي 100 فلس او ميتين المهم تلمسه حديده ترميه عليه وتحذفهم
حتى جاء رجل له وهاوشه عجوز غريبه
.
.

عجوز عجيبه غريبه بمعنى الكلمه

بس ماهي مثل اللي معه صرف ميه اللي يقول ابو ضاري

سبحان الله عزه النفس قلت من الناس
والمحتاجين بحق وحقيق يتعففون امام الناس وكانهم ملوك

ومع هذا السائل لايمكن ان يرد وانت بقدرتك على اعطاء العطاء
.
.

الله يفك حاجة المحتاج

والله يا عطر للحيني اذكر ثلاث بنات

يمكن عام السبع وتسعين

دخلن علينا البيت برمضان يقلن نبي نفطر معكم

جلست الوالده معهن وافطرن واعطتهن امي المقسوم

وقالت لهن امي البيت اللي بجنبنا من القرابه وان شاء الله مايقصرون

بعد ماطلعن البنات امي جت مستغربه من أدبهن ومن حشمتهن

تقول اختهن الصغيره جت تبي تاكل من الحلا والحلا بعيد عنه

تقول وهي تضربه اخته الكبيره ضربه خفيفه يعني تنبيه

تقول حتى ما اكلن شي بس اللي يسد الجوع ...

سألنا قرابتنا قالوا ماشفنا احد ولا جانا أحد .

هذي هي العزة .. الله يستر عليهن وين ماراحن

..

عطر القصيد مرور جميل ومثري للموضوع بشكل لافت

مشكووره على الخته