السلام عليكم ورحمة الله وبركاته
مساكم الله بالخير
يابعد كبدي والله يابنيه أختي (جوجو)
<<< ربي ساخرني لها هي وأخيها ..أم لهم الله يخليهم لي
ياحياتي والله,,, سويت فيها سوات اليوم من دون قصد مني,,
بزران وتجمعوا
قاموا يطامرون على العشاء وزعلت عليهم أمي
وأستفزعت فيني
فوووز قومي جيبي الخيزرانه..
وأنا أقوم أجيبها <<<< قااااااااااسيه
و انا من جبت العصى نسيت السالفة,,
قمت أكمل عشاي....
وفي لمحة بصر تنحاش هالمقرودة جوجو تبي توزى عن أمي << جدتها لاتطقها
وتبي تصك باب المقلط ومن الروعه صكته على يدين أخوها
تتحمل الظلمى في سبيل النحشة عن العصا
بس أخرتها جت على رأسها صرخ أخوها وقامت أمها تطقها...
قامت تصيح ودميعاتها أربع أربع..
تنكدتكلش ولا جوجو <<< وهي إلى هالحين ماتدري وش سبب النحشة
قلت لأمها حرام عليك مايحمل كل هذا أنك تهاوشينها وتطقينها لين تصيح..
يعني آخرتها كل الأثنين صاحوا..و أبتلشت فيهم..
يابعد عمري جتنا وهي تصيّح,,,وتمسح دميعاتها..
و تطالع العشاء <<< كان فيه ملفوف ورق عنب ومزين ببطاطس
سكتت وتضيع الصيحة قالت ماما فيه بطاطس .. صح؟؟؟؟ أنا عرفته ..!!!!
أنا هنا ماتحملت المنظر غمضت عيوني وخنقتني العبرة,,وقمت أردد دموعي..
قالت ماما انا خفت من العصا مع يمه..
خالتي فوووز جابتها ويمه تبي تطقني,,
وأنحشت وعلاوي لحقني ,,, هو لحنقي مادريت عنه..
ياربيييييييييييييييييييييييية
توني أفهم وش السالفة ,, وأدري وش سبب النحشة اللي تو..
صراحة ماقدرت أقعد معهم قامت دموعي تهطل قمت وخليت عشاهم لهم
<<< حسيت أني أنا الغلطانه بحقها
وقشيت عفشي ورقيت بلابي فوق لغرفتي..
قلت يااااااااه ياجوجو لي شهر تاكتني الغلقة وعيت تنزل دموعي وجيتي أنت نزلتيها من دون ما أقدر أسيطر عليها,,
وهذاني اكتب لكم موضوعي وهي كل شوي طاله علي..
وتقول لي ياخاله فوووز ليش أنت ماتبين تحطين لي مناكير
<<< توني شاريته اليوم ومن شافته وهي تبيني احط لها.. اللي خبرك ياليالي,,
ياناس أحبها ذا البنيه.. هي وأخوها.. مااستحمل دميعاتها..
الله يخليها لأمها.. ولكل عينً ترجيهاً,,
المفضلات