يابعدهم ياليالي
ياعمري والله الحال من بعضه
المشكلة اللي ماحدن جايه هالعطلة وبينطق بالبيت
يعني ينتظر لين ينتهي هالأسبوع عشان يداوم الأسبوع اللي بعده
يتشوق روحتن للشرقية ومعيين عليه وش يسوي
قلبناهم على كل جهة مير مايمتس أحد ,,مالهم فيها هالسنة ...
امي الله يسامحها عيت تروح تقول لا الشرقية لا..
ليه يابعدي ...؟؟!!
عيت تقول ما أحب الشرقية ومادف قلبي لها..
قلنا شوفي بنياتك اللي منتيب شايفتهن الا بشهر 8
قالت بناتي يبني يجني
قلنا طيب وش رايك لو ماودك تروحين ...نروح حنا بنياتك الضعيفات بالقطار وهناك بنلقى من يوصلنا لخواتي كلها كم يوم وراجعين<<<< تمسكن
عصبت علينا قالت ماتستحن على وجيهكن عز الله أنكن تبن الضيعه
ياربييييييييييييييية أمي خلاص طحت من عينها..
آخرتها أمس نحاول فيها.. نروح حنا و أختي ورجلها <<< أختها محرم
قالت مير لا أنطقن ولا عاد تكلمني خلاص مافيه روحه ....
وهي تقول :إلا ترى فيه عرس يوم الخميس ومعزومينن عليه .. وتراهم ملزمين عليكم تحضرون
أنا مير
مانيب حاضرة لو قعدوا ,, وبدور لي عرس غيره وأبحضره
يوووووووه ياليالي ,, والله مشتاقة للبحر ومن روحتنا العام وأن أتشوق هالإجازة عشان نعيد ذكريات العام والبربسة بالبحر..
الظاهر ياليالي بننطق هنا لين تنتهي هالاجازة اللي مانيينن علينا فيها كلها اسبوع
!!!
...والله يغدي هديفه
المشاركة الأصلية كتبت بواسطة فتى البيداء
المفضلات